Musavat.az
Musavat.az




Müsavat » Xeberler» Xeber

“YUĞ teatrı özü necedirse, tamaşaçısı da o cürdür”

19 Ekim 2016

11:40 am


19/10/2016 [15:37]: xeber –
Oktyabrın 18-də Azərbaycan teatrının ən alternativ siması olan Dövlət YUĞ teatrının yaranmasının 27-ci ildönümü tamam oldu. 1989-cu ildə mərhum Xalq artistləri Vaqif İbrahimoğlu və Həsənağa Turabov tərəfindən yaradılan “YUĞ” üzləşdiyi bütün çətinliklərə baxmayaraq Azərbaycanda alternativ teatrın əsasını qoya bildi. Xüsusən də, qeyri-adi yaradıcılıq istedadına, orijinal düşüncə tərzinə malik olan rejissor Vaqif İbrahimoğlu “YUĞ” –un ayaq üstə qalması, dağılmaması üçün çox çətinliklərə məruz qaldı, sağlamlığını bu yolda fəda etdi.  Elə “YUĞ”un yarandığı 18 oktyabr tarixi həmçinin Vaqif İbrahimoğlunun da ad gününə təsadüf edir. Uzun müddət Akademik Milli Dram Teatrının binasında məskunlaşan teatr sonradan  tarixi tikilidə- qədim hamamda tamaşaçılarını qəbul edəsi oldu. Tarixi abidənin darlığı və şəraitsizliyinə baxmayaraq, “YUĞ” öz tamaşaçılarını estetikadan məhrum etmirdi. 2016-cı ilin əvvəllərində teatr yeni ünvana- Kukla Teatrına köçəsi oldu. Teatrda hazırda əməkdar artistlər Fərhad İsrafilov, Sonaxanım Mikayılova, Məmməd Səfa, Gülzar Qurbanova, Yaqut Paşazadə, Vidadi Həsənov, aktyor və rejissorlardan  Amid Qasımov, Natəvan Qeybani, Qasım Nağı, Oqtay Mehdiyev, Mirsahib Ağazadə, Aytən Məmmədova və başqaları çalışır. Teatrın direktoru Tərlan Rəsulov, baş rejissoru isə Gümrah Ömərdi.“YUĞ”  ailəsinin iki üzvü ad günləri ilə əlaqədar sayt saytına açıqlamasında tamaşaçıların get-gedə “YUĞ”un estetikasına və  Vaqif İbrahimoğlu fəlsəfəsinə alışdığını və Azərbaycanda alternativ teatr ənənəsinin get-gedə inkişaf etdiyini bildiriblər:Mirsahib Ağazadə, “YUĞ”in teatrının rejissoru: “Yuğ” və Vaqif İbrahimoğlu…. Bu iki ad həmişə yanaşı səslənib.  “YUĞ”- u Vaqif İbrahimoğlusuz, İbrahimoğlunu da “YUĞ”-suz , ayrı-ayrılıqda yada salmaq, barələrində nələri isə danışmaq qeyri-mümkündür. 2011 ci ilin 12 mayından Vaqif müəllim fiziki olaraq bizi tərk edib amma bu gediş, “YUĞ”-un  fəaliyyətini İbrahimoğlusuz etməyib. O mənada ki, burada Vaqif müəllimin yaradıcı ənənəsi davam etməkdədir. Müəllimin tələbələrinə etimad göstərilir. İstər “YUĞ”-da, istərsə də ölkənin müxtəlif teatrlarında Vaqif İbrahimoğlunun tələbələri baş rejissor, quruluşçu rejissor kimi aktiv fəaliyyətdədir. Vaqif İbrahimoğlu ilə yoğrulan YUĞ dünyagörüşünün, estetikasının öz auditoriya var. Bu fəlsəfə, bu estetika kütləvi tamaşaçı üçün deyil. “YUĞ”-a gələn tamaşaçının az da olsa,  alternativ teatr düşüncəsi olmalıdır. Bu mənada “YUĞ”-u yarandığı ilk gündən adekvat qəbul edən, onu özünə ən məhrəm yaradıcı məkan bilən, qəbul etməyə səy göstərən və ümumiyyətlə qəbul etməyən, etmək istəməyən tamaşaçısı olub və var. Müəllimin təbirincə desəm, amma və lakin… “YUĞ” teatrı ideya kimi Vaqif İbrahimoğlu beynində yaranandan və bünövrəsi qoyulandan bu yana Azərbaycan teatrında insan ayağı dəyməyən xam torpaqlara ayaq basıb və bu gün də o torpaqlarda addımlamaqdadır.Könül Cəfərova, sənətşünas, teatrın mətbuat xidmətinin rəhbəri:“Mən “Azərbaycan tamaşaçısı” kimi ümumiləşdirməni sevmirəm. Çünki belə ifadələr absurddur. Akademik Dram Teatrının öz tamaşaçısı var, Musiqili Komediya Teatrının öz tamaşaçısı öz tamaşaçısı və “YUĞ”un da öz tamaşaçısı var. Şablon səslənsə də, deməliyəm ki, bizim spesifik tamaşaçı kütləmiz var. Biz kimiksə, tamaşaçı da odur. Biz necəyiksə tamaşaçılarımız da elədir. Bizdən nə aşağı, nə də yuxarı…Az da olsa, öz tamaşaçılarımız var. Onlar bizim estetikanı-“YUĞ” fəlsəfəsini anlayan, qəbul edən tamaşaçılardı. Onlar hər zaman bizimlədirlər”.Elmin Nuri


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler