Musavat.az
Musavat.az




Müsavat » Xeberler» Xeber

Yazıçıların yaradıcılıq fakültesi xatireleri ve sert etirazları…

08 Eylül 2016

1:04 pm


08/09/2016 [17:03]: xeber –
Bu günlərdə 9 ildir Bakı Slavyan Universitetində fəaliyyət göstərən, məşhur “Yaradıcılıq fakültəsi”nin bağlanması xəbəri yayıldı. Sözügedən fakültə 2007-ci ildə akademik Kamal Abdullanın təşəbbüsü ilə yaradılmışdı. Fakültənin yaradılmasında məqsəd istedadlı gənclərin bədii-estetik zövqünü inkişaf etdirmək, dünya görüşünün artırmaq,  təhlükəli dini təsirlərdən uzaq tutmaq olub. Fakültədə dərslər əyani formada ödənişli və ödənişsiz əsaslarla, Azərbaycan və rus dillərində keçirilib. Fakültədə Azərbaycanın müxtəlif nəsillərə mənsub ən tanınmış sənət adamları mühazirələr oxuyub. sayt fakültənin bağlanması ilə bağlı yazıçılar, şairlər arasında sorğu keçirib. Sorğunun nəticələrini təqdim edirik.Səfər Alışarlı: “Mən o fakültənin tələbələri qarşısında bir dəfə çıxış etmişəm. Mənə elə gəlir ki, Yaradıcılıq fakültəsindən başqa Slavyan Universitetinin istənilən fakültəsini bağlasaydılar, Azərbaycan cəmiyyəti və elmi itkidə qalmazdı”.Fəxri Uğurlu: “Yaradıcılıq Fakültəsinin bağlanmasına çox təəssüflənirəm. Biz bu fakültəyə Qorki adına Moskva Ədəbiyyat İnstitutunun kiçik bir modeli kimi baxırdıq. Və ümid edirdik ki, gələcəkdə fakültənin bazasında bizdə də belə bir institut yarana bilər. Leyk əfsus, biz bu təmənnada ikən fundamenti də dağıtdılar. Düşünürəm ki, Kamal müəllimin təşəbbüsü ilə qoyulmuş bu bünövrəni qorumaq, o binanın üstündə gözəl bir bina tikmək lazımdır. Etimad Başkeçid: “BSU Yaradıcılıq fakültəsinin ləğvi xəbəri, istər-istəməz, adamda böyük təəssüf hissi doğurur. Yaradıcılıq fakültəsi öz profili üzrə bütün regionda yeganə ixtisaslaşmış təhsil ocağı idi, bir növ mənim də təhsil aldığım Qorki adına məşhur Ədəbiyyat İnstitutunun miniatür forması. Azərbaycandakı ədəbi prosesin naqislikləri barədə danışmayan adam qalmayıb; heç bir filoloji bilgisi olmayan, elmsiz-təhsilsiz, istedadsız adamlar meydan sulayır. Bu prosesi, bütün mədəni ölkələrdə olduğu kimi, normal məcraya yönəltmək, istedadlı, ümidverici gəncləri aşkarlayıb, onlara dəstək olmaq, qaragüruhdan biryolluq üzülüşmək  – ölkənin bütün humanitar sferasının inkişafına verilən töhfədir. Məncə, bu təşəbbüs bu və ya digər formada davam etdiriləcək. Amma BSU-da sözügedən fakültənin bağlanması, sözsüz, adama təsir edir. Çünki on ildən çox BSU-da işləmişəm və fakültənin yaranmasında, az da olsa, mənim də əməyim vardı…”Rəbiqə Nazimqızı: “BSU-nun yaradıcılıq fakültəsi mənə bir neçə məqamdan doğmadır, oradanın dinləyicilərindən olmuşam, Rüstəm Kamalın, Aydın Talıbzadənin, Kamal Abdullanın, Səlim Babullaoğlunun, Cavanşir Yusiflinin, Salam Sarvanın, Məmməd Qocayevin mühazirələrini maraqla dinləmişəm, onlardan öyrənmişəm. Ciddi fikir mübadilələrimiz olub. Bundan başqa, həm də bir il orada dekan müavini işləmişəm. BSU mənə çoxlu dostlar verdi, daha doğrusu, çoxlu həmkarlarımla orada tanış olub dostlaşdım. BSU bizə mühit verdi, görüşüb danışmaq, yeni mətnləri bölüşmək imkanları, ədəbi müstəvidə müəllimlərin özlərinə belə sivil etiraz etmək mədəniyyəti verdi, bu, bir növ yeni, azad nəfəs idi, eyni zamanda ədəbiyyatla maraqlanan adamların çayxanalarda deyil, auditoriyalara cəlb olunması, onlardakı istedadın aşkarlanıb üzə çıxarılması, həmkarlarının bir-birilərini obyektiv qiymətləndirməsi üçün önəmli addım idi. Təsadüfi deyil ki, bu gün azərbaycan ədəbiyyatındakı, bütün yaşlı ədəbi nəslin və eləcə də gənc imzaların yolu bu və ya digər şəkildə yaradıcılıq fakültəsindən keçib. Belə fakültələr əslində yaradıcılıq emalatxanası rolunu oynayır, ən əsası, ən vacibi, ruhən doğma adamlar bir-birini tapır, br-birindən öyrənir, bir-birini öyrədir, danışıb-bölüşürlər, yazılarına başqa gözlə baxmağı öyrənirlər, daxili barometr inkişaf edir, yaradıcı adamlarla görüşlər gənclərin yaradıcılıqlarını stimullaşdırır. N qədər fakt sadalaya bilərəm ki, Yaradıcılıq Fakültəsində təhsil alan dinləyici ilə müəllim sonradan çox yaxın dosta çevriliblər, bu gün də onların arasında yaradıcı müstəvidə fikr mübadilələri davam edir. Düşünürəm ki, bu cür fakültələri nəinki bağlamaq, əksinə, onları müstəqil universitetə, instututa çevirmək lazımdır. Xüsusilə indiki qəliz şəraitdə gənclərin humanitar sahələrə, yaradıcılığa, sənətə meyilləndirmək həm də onları müəyyən radikal təsirlərdən qorumaq üçün vacibdir. Mən yaradıcılıq fakültəsinin Qorki adına Ədəbiyyat İnstitutu səviyyəsində yüksəlməsini, ayrıca bir instituta çevrilməsini istərdim. Düşünürəm ki, bunun üçün zəmin də, əsas da, potensial da var.”Orxan Əzim: “BSU nun Yaradıcılıq Fakültəsinə müəllim kimi dəvət alanda ilk öncə narahat olmuşdum. Ona görə ki, ilk dəfə idi uzun müddətli geniş və böyük auditoriyanın qarşısına çıxacaqdım. Özü də yaradıcı usaqların qarşısına. Bu həm məsuliyyətli həm də zövqverici olacaqdı. Hər il bu fakültənin keyfiyyəti daha da artır, daha çox ixtisas üçün yer ayırırdılar. Bu da təbii ki, əla bir şey idi. Yaradıcılıq Fakültəsi istedadlıları bir araya toplayib daha geniş oxucu kütləsinə təqdim etmək, onların özünü inkişafı, özünügüvəni üçün yaradılmış ən gözəl fakültə idi. Hərçənd ki, heç bir universitetdə belə bir fakültə yox idi. Belə fakültələrin olması istedadlı uşaqların tapıb üzə çıxarılması və inkişaf etməsi üçün çox vacibdir. Düşünürəm ki, gələcəkdə yenidən geniş tamaşaçı qarşısına çıxıb dərs demək üçün bu fakültə bizim üçün çox rol oynadı.”Şərif Ağayar: “Mənə qalsa, yaradıcılıq, nəinki fakültə, hətta ayrıca institut olar. Qorki adına Ədəbiyyat  İnstitutu onsuz da yaradıcılıq istiqamətli peşəkar gənclərin yetişməsi işi bizdə zəifdir. Ədəbiyyat sahəsində isə heç yoxdur. Çox zaman səhvən düşünürlər ki, şairlik, yazıçılıq öyrənməklə olmur. Təbii ki, heç kim heç kimə istedad vermir. Ancaq çağdaş qələm adamı kimi yetişmək üçün istedad hələ başlanğıcdır. Bunun üçün zəngin mütaliə və geniş təcrübə lazımıdr. Hansı ki, yaradıcılıq fakültəsi bu istiqamətdəki boşluğu qismən də olsa doldururdu. Təəssüf edirəm bağlanmasına… İki-üç illik fəaliyyətində bizə beş-altı ciddi imza qazandırmışdısa, bəsdir. Hələ maraqlı oxucuları, kitaba sevgi bəsləyən gəncləri demirəm…”Sahilə İbrahimova: “Bir müddət dərs dedim orda. Yeni insanlarla tanış oldum. Orda dərs deyən müəllimlərin çoxunu sadəcə şair, yazıçı kimi tanıyırdım. Müəllim tərəflərini də gördüm. Və deyim ki, bu sahədə kifayət qədər uğurlu sayıram bir çoxunu. Auditoriya gözləntilərimi aşdı. Tələbələr kifayət qədər maraqlı və yeniliklərə açıq idilər. Qismət fakultənin yenilənməsə və inkişaf etməsi üçün kifayət qədər çalşırdı. Adətən, naftalin iyi verən adamların arasında çox qala bilmirəm. Orda özümü rahat hiss edirdim, deməli fakültə işıqlı idi, ümidverici mühit var idi”. Əsəd Qaraqaplan: “Fakültə  mənə gerçək bilgilər, master-klasslar, gerçək dostlar  verdi.  Həyatımın ən zəngin mərhələsi, ən bilgili dönəmi oldu. Əsl yaradıcılığı, ədəbiyyatı orada hiss etdim”. Günel Eminli : “Yeni yaradıcı dostlarla tanışlıq, dünya ədəbiyyatıyla tanışlıq verdi Yaradıcılıq Fakültəsi. Özünü sənətdə görən dostlar üçün məktəb, mayak rolunu oynayırdı.”


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler