Musavat.az
Musavat.az




Müsavat » Xeberler» Xeber

“Yaxşı edib Gülen mekteblerini bağlayıblar…”

23 Ağustos 2016

11:44 am


23/08/2016 [15:40]: xeber –
Azərbaycanda həyata keçirilən anti – Gülən əməliyyatlarının fonunda Türkiyədə 40 erməni məktəbi, 45 erməni kilsəsinin mövcudluğu məsələsi növbəti dəfə aktuallaşıb. Belə ki, bəzi siyasilər hesab edirlər ki, Azərbaycandakı Gülən məktəblərinin bağlamasının qarşılığında Türkiyə hökuməti də həmin erməni kilsə və məktəblərini bağlamalıdır. Və Azərbaycan hökuməti bu istiqamətdə əməli addımlar atmalı, Türkiyədən həmin məktəb və kilsələrin bağlanılmasını tələb etməlidir. Tanınmış həkim, tibb elmləri namizədi Rəşid Mahmudov isə sayt-a açıqlamasında siyasilərimizin bu tələbinin doğru olmadığını bildirib: “Azərbaycanda da çox etnik quruplar var, erməni də Türkiyədə yaşayan etnik qrupdur. Ona görə Türkiyə hökuməti erməninin məktəbini bağlaya bilməz. Bizim bunu istəməyimizlə deyil ki. Həmin erməni məktəblərini bağlamaq üçün onda gərək Türkiyə hökuməti orada yaşayan bütün erməniləri ölkədən çıxara. Pafoslu danışmaqla deyil axı, həmin ermənilər Türkiyənin vətəndaşıdır. Bunu heç Türkiyə hökuməti nə etməz, nə də edə bilməz. Heç bir dövlət buna getməz. Türkiyə öz vətəndaşının hüquqlarını tapdalaya bilməz və tapdalamaz. Həmin məktəb və kilsələri bağlayarsa, çox dövlət Türkiyəyə qarşı çıxar”. R.Mahmudov daha sonra bunu tələb edənlər haqqında da danışıb: “Belə düşünəriksə, demək biz Türkiyəni istəmirik, Türkiyənin məhvə getməsini arzulayırıq. Bunu tələb edənlər də düzgün fikirləşmirlər. Bu, düzgün tələb deyil. Bu ona bənzəyər ki, əgər Azərbaycan ərazisində ləzgilərin, talışların, tatların və s. məktəbi varsa, hökumət o məktəbləri bağlamalıdır. Bağlaya bilmərik axı, onlar da ölkənin vətəndaşıdır, təhsil almaq haqları var. Bizim erməniylə öz davamız var və bu davanı ayrı cür aparmalıyıq. Yoxsa ki, Türkiyədəki erməni məktəblərini bağlatdıra bilmərik, tələb etsək sözümüz də yerə düşər. Çünki o dövlətin də haqqı yoxdur bunu etməyə. Belə şeyləri hallandırmağımız, gündəmə gətirməyimiz bizim siyasi zəifliyimiz olar. Digər dövlətlər tərəfindən dövlətimizə, vətəndaşımıza qarşı pis münasibət yaradar. Biz ermənini Qarabağımızdan qovub çıxarda və oradakı məktəblərini, kilsələrini də bağlaya bilərik”. Rəşid həkim sonda Azərbaycandakı Gülən məktəblərinin bağlanmasına da münasibət bildirib: “Gülən məktəblərini də bağlayıblarsa, yaxşı edib bağlayıblar. Gülənin məktəbləri bağlanıbsa, özümüzünkülər yaxşı fəaliyyət göstərsinlər, yaxşı dərs versinlər, vətənpərvər, savadlı kadrlar yetişdirsinlər”. 


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler