Musavat.az
Musavat.az




Müsavat » Xeberler» Xeber

Yasda mollaya verilen qoz lepesi…

11 Eylül 2016

6:48 pm


11/09/2016 [22:47]: xeber –
Bu yaxınlarda qohumlarımdan birinin həyat yoldaşı rəhmətə getmişdi. Ölən qadının əri israr etdi ki, məclisə o, əlli manatlıq mollanı gətirin heç olmasa üç və yeddi mərasimini o, aparsın. Yaxınlarım dedilər ki, pul yoxdu, imkansızlıqdı bu hay – hayda neynirsən bu mollanı. Kəndimizdə molla var da qoy elə məclisi o, aparsın. Qohumum iki ayağını bir başmağa dirəyib dedi ki, yox e, mən təqaüdümdən yüz manat verəcəm, hökmən üç və yeddisini o, molla aparsın.Nəysə qohumlar kişinin dediyi kimi də etdilər. Molla gəldi və elə hay – haray saldı ki, anlayan da, anlamayan da hamı başladı zülüm – zülüm ağlamağa. Dedim nə olub? Dedilər ki, bu “rozaxan”dı bunun ağlatmadığı adam yoxdu. Ona görə hamı bunu məclisinə gəitirir.Bunları deməkdə sözümün canı var. Əslim cənub bölgəsindən olduğumdan bu tərəflərdə həm toy şənlikləri, həm də yas mərasimlərindəki vəziyyət heç də ürək açan deyil. Biz tərəflərdə iki il öncə hansı ki, dövlət tərəfindən yas mərasimlərindəki israfçılığa qadağa qoyulmayana qədər yas mərasimində meyvədən tutmuş, paxlavaya qədər stolun üstünə qoyulurdu. Hətta yas mərasiminə gələnlərə kabab da verirdilər.Amma, bu israfçılığa qoyulan qadağadan sonra adı çəkilən kabab və meyvələr yığışdırıldı.Hansı ki, bu vaxta qədər yas mərasiminə gedənlər çox vaxtı ölü yerinə yox, yeməyə gedirdilər. Bundan da istifadə edən mollalar təsəvvür edin ki, əlli manata ölüyə “Quran” tapşırır. Bundan başqa mərhumun qəza namazlarını qılmaq üçün ev sahibindən də kalan pul qoparırdılar. İndiyə kimi bu adamlara anlada bilmədim ki, ölən adamın qəza namazlarını bir mollanın qılaması cəfəngiyyatdı. Bunlar hamısı pul tələsidi. Amma, bütün bunlara baxmayaraq həm o vaxt, həm də indi adamlar həmin pulu verməkdə davam edirlər.Məclisdə oturduğum yerdə birdən gözüm stola sataşdı və gördüm ki, hər stola iki qab ləpə qoyublar. Bir dolu qab da mollanın qabağındadı. Dedim ki, bunu yığışdırın. Məclisə gələn adamın ləpə nəyinə lazımdı. Nə qədər elədim dedilər ki, yox, olmaz. Hamı necə, biz də elə.Deməli bu adamları Cəlil Məmədquluzadənin 1909 – cu ildə yazdığı nə “Ölülər” əsəri, nə də indiki internetin və dövrün inkişafı dəyişdirə bilmədi.Qalanın özünüz bilərsiniz….Vasif Əlihüseyn – yazarın arxivi


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler