Musavat.az
Musavat.az




Müsavat » Xeberler» Xeber

Yaqub (e) sevgilisine qovuşmaq üçün 14 il çobanlıq etdi – Peyğemberin özel heyatı

08 Ekim 2016

12:12 pm


08/10/2016 [16:09]: xeber –
Həzrəti İshaq atası İbrahim Peyğəmbərin yurdunda varis olaraq dini, risaləti təbliğ edirdi. Qocalıb, ömrü başa çatmaq üzrə olarkən böyük oğlu Eysi alqışlayıb, yurdunda varis olması və peyğəmbərliyi davam etdirməsi üçün Allaha dua etdi. Lakin, Allahın iradəsi ilə dua kiçik oğlu Yaquba nəsib olub, nəslinə bərəkət və nübüvvət verməyi niyaz etdi. Allah duasını qəbul etdi. Eys bu əhvalatı bilib incidi və Yaqubu öldürəcəyini bildirdi. Anası Rəfqa vəziyyəti belə görəndə oğlu Yaqubu Hərranda yaşayan qardaşı Ləbbanın yanına qaçmağa vadar etdi. Bu səbəbdən Yaqub bir gecə tənha və fikirli halda Hərrana üz tutdu. Bir qədər getdikdən sonra yorulub yatdı.  Röyasında gördü ki, yerdən göyədək bir nərdivan çəkilibdir. Onun üzərində mələklər dəstə-dəstə enib qalxırlar. Bu hala heyran ikən bir nida gəldi: “Ey Yaqub, mənəm sənin və ataların İshaq və İbrahimin Rəbbi. Qorxma, harada olsan Mənim amanımdasan. Yenə bu müqəddəs torpağa qayıdıb, nəslinə bərəkət və nübüvvət veriləcəkdir”.Yaqub yuxudan oyanıb, atasının duasının qəbul olmasına bir daha əmin oldu. Qəlbinə qüvvət və inam gəlib, dayısı Ləbbanın yanına getdi. Bir müddət orada qalandan sonra dayısının kiçik qızı Rahili sevdi və onunla evlənmək istədi. Amma, dayısı etiraz edib bildirdi ki, böyük qız evdə ola-ola kiçik qızı ərə vermək bizdə adət deyildir. Yaqubun meyli  Rahilə olsa da əlacsız qalıb əvvəlcə böyük qızı Liyanı, bir müddətdən sonra isə Rahili nigah etdi. Bir şərtlə ki, bu qızların hər biri üçün başlıq əvəzi olaraq yeddi il çobanlıq edib, dayısının qoyunlarını otardı. Bu səbəbdən Yaqub on dörd il Hərranda qalıb dayısına olan borcunu ödədi. Bu müddətdə Liyadan və kənizdən on övladı oldu (Rahildən hələ övladı yox idi). Sonradan bir oğul da Rahildən oldu ki, adını Yusif qoydu. Yaqub (ə) razılaşdıqları 14 ili tamamladıqdan sonra vətəninə qayıtmaq istədi. Lakin dayısı dedi ki, görürəm sən mənim evimə gələndən sonra Allah-təala mənə bərəkət və səadət nəsib etdi. İstəyirəm ki, bir il də burada qalasan. Zəhmətinin müqabilində bütün qoyunlarımı iki hissəyə bölürəm, bir hissəsində nə qədər erkək quzu doğulsa  hamısı sənin olsun. Yaqub təklifi qəbul etdikdə, həmin hissəni öz aralarında müəyyən etdilər. Qüdrəti-İlahidən həmin il Yaqub üçün  müəyyən edilmiş hissədən doğulan quzular hamısı erkək oldu. Dayısı əhdinə vəfa edib quzuları verdi. Lakin, daha bir il də saxlamaq üçün təklif etdi ki, keçən ilki qərarın əksini şərtləşək. Yəni, ayrılmış hissədən nə qədər dişi bala doğulsa Yaqubun olsun. Yenə də həmin hissədən doğulan bütün  balalar dişi oldu. Beləliklə, Allahın köməyi ilə Yaqub xeyli var-dövlətə sahib oldu. Öz əhli-əyalını və sürülərini də götürüb Kənana üz qoydu. Yolda Rahildən daha bir oğlu – Bünyamin dünyaya gəldi və bu doğuşda ana həyatını itirdi. (ardı var)Paşa Yaqub – tədqiqatçı-yazıçıMüəllifin arxivi: //www.moderator.az/search?q=pa%C5%9Fa%20yaqub


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler