Musavat.az
Musavat.az




Müsavat » Xeberler» Xeber

Yalnız qadınlar üçün açılan mescidle bağlı ilginc şerh… – Qadınlar kişilerin bir hissesidir…

28 Eylül 2016

7:16 pm


28/09/2016 [23:14]: xeber –
Danimarkada dünya tarixində ilk dəfə olaraq qadınlar üçün məscid fəaliyyətə başlayıb. Avropa ölkəsində açılan bu məscid bir sıra müsəlman ölkələrində etiraza səbəb olub. Maraqlıdır, İslam dininə görə sırf qadınlar üçün məscid ola bilərmi? İlahiyyat üzrə fəlsəfə doktoru Əkrəm Həsənov sayt-a açıqlamasında məsələyə şərh verib:“Müasir dövrümüzdə digər dinlərdə müşahidə olunduğu kimi islamda da reformalar, yeniliklər və islahatlar aparılır. Xüsusi ilə Qərb ölkələrində bunun əyani sübutları kifayət qədər çoxdur. Əslində islam dini dinamik olmaqla yanaşı, dövrə, zamana, məkana, şərtlərə görə yumşaqlıq göstərən bir dindir. Hansısa bir problemli məsələ varsa ilk müraciət Qurana olunur, Quranda o məsələ ilə bağlı həll yolunu tapmadıqda Peyğəmbərin hədislərinə baş vurulur, hədislərdə də gündəmdəki problemlərə aid məsələlərə aydınlıq tapmaq üçün Quran və hədis xəttində olan alimlərə müraciət edilir. Danimarkada bir xanım öz təşəbbüsü ilə məscid açıb, təbiidir ki, ona dəstək göstərilib, maddi cəhətdən köməklik olunub. Xüsusi ilə bu məsələ islam dinində yenilik olduğu üçün, xüsusi ilə Qərbdə digər dinlərin nümayəndələri islamda yenilik və reformanın olmasını çox istədiyi üçün belə bir təşəbbüsə dəstək veriblər. Şerin Hankan adlı qadının anası yəhudi və atası müsəlmandır özünün dediklərinə əsasən. Əlbəttə özü də islama müasir prizmadan yanaşır. Xüsusi ilə qadınların məscidlərdən uzaq qalmasını xəlifə Ömərlə əlaqələndirir. Ancaq ifadəsində etiraf edir ki, Peyğəmbərin də zamanında həm qadınlar, həm də kişilər məscidə ibadətə gəlirdilər. Kişilər ön cərgədə durur, qadınlar isə arxa cərgədə durub namaz qılırdılar. Daha sonra bu yol, metod xəlifələrin də zamanında davam etmişdir. Əslində Ömər qadınların məscidə gəlməsinə qadağa qoymamışdır. Nədənsə bu məsələdə Ömər haqqında doğru mövqedə deyildir. Ömərin xəlifəliyi zamanı müsəlman qadınlara daha çox hörmət göstərilib. Onun xəlifəliyi zamanı qadınlar məscidlərdə ibadət ediblər. Ancaq əsasən hədislərdə qadınların ən xeyirli namazlarının evdə olması bildirilib. Peyğəmbərimiz kişilərə məscidə gəlib namaz qılmağın daha fəzilətli olduğunu bildirib, qadınların isə evlərində qıldığı namazların daha fəzilətli namazlar olduğunu müsəlmanlara xəbər verib. Bu səbəblə bir sözündə buyurub: Kişilərin ən xeyirli namazı məscidlərdə qıldıqları fərz namazlardır, qadınların ən xeyirli namazları isə evlərində qıldıqları fərz (yəni vacib) namazlardır. Çünki, qadınlar daha çox diqqəti cəlb edir. Əlbəttə, islamda kişi və qadın hüquqları eynidir. Nə Quranda, nə də hədislərdə kişilərin qadınlardan üstün olduğu bildirilmir. Allah təala buyurur ki, “…Allah onun nə doğduğunu və oğlanın qiz kimi olmadığını yaxşı bilirdi” (Ali-İmran (İmran ailəsi) surəsi, 36). Bu ayədən çoxları elə başa düşür ki, kişilər qadından mütləq mənada üstündürlər. Ancaq bu ayəni düzgün başa düşmək lazımdır. Allah təala buyurur ki, “Kişilər qadınlar üzərində ixtiyar sahibidirlər (onların hamisidirlər). Bu, Allahın onlardan birini digərinə üstün etməsi və (kişilərin) öz mallarından (qadınlar üçün) sərf etməsinə görədir. Əməlisaleh qadınlar (ərlərinə) itaət edib Allahın himayəsi sayəsində gizli şeyləri (ərlərinin sirlərini, mal-dövlətini, namus və şərəfini) qoruyub saxlayırlar. (Ey kişilər!) Özbaşınalıq etmələrindən qorxduğunuz qadınlara nəsihət edin, (yola gəlməzsə) onlardan yatağınızı ayırın və döyün! Sizə itaət etdikdə isə daha onlara (əziyyət vermək üçün) başqa yol axtarmayın. Əlbəttə, Allah ucadır, böyükdür!” (ən-Nisa (Qadınlar) surəsi, 34). Bu ayə o demək deyil ki, kişilər qadınlardan mütləq mənada üstündürlər. Burada söhbət kişilərin qadınlara nisbətən hüquqlarının daha çox olmasını bildirir. Qadınlar kişilərin bir hissəsidir. Üstünlük nisbidir. İdarə etmə hüququ kişilərə verilmişdir. Bəzi məsələlərdə qadınlar kişilərdən üstün ola bilər. Qadının şəfqət dolu qəlbi olması, övladlarını məhəbbətlə sevməsi, bəsləməsi, kişilərdən fərqli olaraq evdə təmizlik işləri aparması, yemək bişirməsi, ərinin qulluğunda durması, ona kömək etməsi, evin bütün işlərini idarə etməsi, ərinin sirrini qoruyub saxlaması və s. kimi üstünlüklər qadınlara aiddir. Bütün bunları kişi tək başına edə bilməz. Qadının hamilə qalması onun elə kişidən üstün olmasını göstərən xüsusiyyətdir. Kişilər bu əziyyətin nə olduğunu dərk edə bilməzlər. Qadın bu cür böyük, əhəmiyyətli, önəmli vəzifələrə sahib olmaqla kişilərdən üstündürlər. Allah təala buyurur: “Ey insanlar! Biz sizi bir kişi və bir qadından (Adəm və Həvvadan) yaratdıq. Sonra bir-birinizi tanıyasınız (kimliyinizi biləsiniz) deyə, sizi xalqlara və qəbilələrə ayırdıq. Allah yanında ən hörmətli olanınız Allahdan ən çox qorxanınızdır (pis əməllərdən ən çox çəkinəninizdir). Həqiqətən, Allah (hər şeyi) biləndir, (hər şeydən) xəbərdardır” (əl-Hucurat (Otaqlar) surəsi, 13). Bu ayə bizə onu göstərir ki, qadın kişi ilə insan kimi bərabərdir. Eyni hüquqlara sahibdir. Hər ikisinin yaradılışı eyni nəfsdəndir. Allah təala buyurur ki, “Ey insanlar! Sizi tək bir şəxsdən (Adəmdən) xəlq edən, ondan zövcəsini (Həvvanı) yaradan və onlardan da bir çox kişi və qadınlar törədən Rəbbinizdən qorxun!” (ən-Nisa (Qadınlar) surəsi, 1). Kökləri birdir və eyni maddədən yaradılıblar. Qadın da pislik edəndə günah, yaxşılıq edəndə savab qazanır. Dua edərsə Allah ona cavab verər. Qadın Cənnətə və ya Cəhənnəmə getməkdə kişidən fərqlənmir. Hər ikisi eyni ibadətləri həyata keçirirlər. İdarə və təşkilatda işləyəndə qadın da kişilərlə bərabər eyni hüquqa sahib olub eyni maaşı alırlar. Qadın da kişi kimi ticarətlə məşğul ola bilər, işləyib ruzisini qazana bilər. İnsanlar arasında olan hörmətə görə qadınlar bəzi kişilərdən üstündür. Bir gün bir səhabə Allah Rəsuluna buyurur ki, insanlar içərisində ən çox kimə hörmət göstərməliyəm? Allah Rəsulu ona anasına hörmət göstərməyi tövsiyyə edir. Səhabə bu sualı üç dəfə verir, Allah Rəsulu iki dəfə anasına hörmət göstərməli olduğunu, üçüncüdə isə ataya hörmət göstərməli olduğunu səhabəyə öyərdir. Səhabə bu xəbəri bizlərə çatdırıb ki, anaya, qadına hörməti daha çox göstərək. Bu hədisi Buxari və Müslim rəvayət ediblər. Hər ikisi bütün islam aləmində etibarlı və səhih hədisləri toplayan alimlərdir. Yaradılışda, savab və günah qazanmaqda, ibadət və dua etməkdə, günah və cəzada, savab və mükafatda, hörmət və ehtiramda, bir sözlə insan olmaqda qadın və kişi arasında heç bir fərq və üstünlük yoxdur. Qadınların özlərinin yığıldığı bir məscidin olması islam dininə görə qadağan deyildir. Çünki, bildiyimiz kimi Məhəmməd peyğəmbər (s.ə.s) də islama dəvət zamanı qadınlar üçün xüsusi günlər ayırmışdır. Həmin günlər qadınlar olan yerə gedərək onlara öz dinlərini öyrədirdilər. Ancaq qadın imam qadınlara namaz qıldıra bilər. İslam qadın imamın kişilərə namaz qıldırmasını qadağan edir. Beləliklə, bir məsciddə qadınların yığılıb ibadət etmələri və islam dinini öyrənmələri islama görə qadağan deyildir”.


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler