Musavat.az
Musavat.az




Müsavat » Xeberler» Xeber

“Xarici müellifler bezen çox çetin telebler ireli sürürler”

08 Kasım 2016

10:52 am


08/11/2016 [14:49]: xeber –
Azərbaycanda nəşriyyatların üzləşdiyi əsas problemlərdən biri də xarici müəlliflərlə müqavilə imzalama zamanı üzə çıxır. Elə tanınmış Avropa müəllifi var ki, onlar nəşriyyatlardan yüksək qonorar tələb edir. Azərbaycanda da nəşriyyatların necə çətinliklə ayaq üstə durmaları hamıya məlumdur. Yüksək qonorarla, həmçinin müqavilənin başqa şərtləri ilə razılaşa bilməyən vətəndaşlar məcburi şəkildə qeyri-qanuni yolla o müəlliflərin kitablarını çap edirlər. Lakin bu çətinliklərə sinə gərməyi bacarıb,  xarici müəlliflərlə müqavilə əsasında onların kitablarını tərcümə edərək, buraxan nəşriyyatlar var. Bunlardan biri olan “Parlaq imzalar” nəşriyyatının rəhbəri Nurman Tariq sayt saytına açıqlamasında bir neçə maraqlı detalı vurğulayıb. Onun sözlərinə görə, bəzən müəlliflər nəşriyyatdan əlavə tələblər də istəyirlər:“Xarici nəşriyyatlarla, müəlliflərlə əlaqə qurmaq elə də asan deyil. Əlaqə yaratsanız belə, müəllif hüquqlarını vermək üçün gərək, sizə etibar etsinlər. Bu nəşriyyatlardan asılı olaraq dəyişir. Əksər hallarda proses uzun çəkir, aylarla davam edir. Hər nəşriyyat, yaxud müəllif bir cür müqavilə göndərir və hər müqavilənin incələnməsi, bəndlərin razılaşdırılması lazım gəlir. Bəzən nəşriyyat üçün çətinlik törədən tələblər qoyulur. Həmçinin maddi gözləntilər də yuxarı olur. Reallığı izah etmək, danışılıb razılaşdırılmasına ehtiyac olur. Ümumilikdə səbir tələb edən bir iş olsa da, qərarlı olduqda kitabdan-kitaba asanlaşan prosesdir”.Nəşriyyat rəhbəri birbaşa müqavilə imzaladıqları məşhur yazarlarlın da adlarını çəkib:“Bu yaxınlarda Riçard Baxın dünyaca məşhur “Conatan Livinqston adlı Qağayı” kitabı işıq üzü gördü. Çox şadam ki, uzun sürən işlərdən sonra hər mənada yüksək keyfiyyətlə bu kitabı ölkə oxucularına qazandıra bildik. Hazırda isə hər kəsin tanıdığı fizik Stiven Hokinqin “Zamanın daha qısa tarixi” kitabı çapdadır, tezliklə işıq üzü görəcək. Qeyd edim ki, bu kitab ölkəmizdə ilk elmi-populyar ədəbiyyat olacaq. Bundan başqa bu ay qızların təhsili uğrunda mübarizəsinə görə Taliban tərəfindən güllələnən və buna görə Nobel Sülh mükafatına layiq görülən Məlalə Yusufzayın öz həyatı haqqında yazdığı “Məlalə mənəm” kitabı çapa göndəriləcək. Bu ay bir neçə digər kitabların da nəşri gözlənilir. Müəllif hüqqularını aldığımız digər bir müəllif də məşhur motivasiya ustası Nik Vuyuçiçdir. Nikin bütün kitablarının Azərbaycan dilində nəşr hüququ bizə məxsusdur Bildiyiniz kimi onun “Hüdudsuz” kitabını nəşr etmişik, gələcək aylarda digər kitabları da işıq üzü görəcək”. Elmin Nuri


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler