Musavat.az
Musavat.az




Müsavat » Xeberler» Xeber

Xalqın intellektual seviyyesi ne ile ölçülmelidir?

28 Haziran 2016

10:00 pm


29/06/2016 [01:59]: xeber –
                                  

Deyəsən, xalq papağını qarşısına qoymaq qərarına
gəlib. Bunun da başlıca səbəblərindən biri və deyərdim ki, ən əsası cəbhədə
aprel hadisələrindən sonra Qarabağ münaqişəsi ətrafında baş verənlərin mahiyyətinin
daha aydın şəkildə özünü büruzə verməsi olduğunu söyləsək, səhv etmərik. Az-çox
siyasətdən baş çıxaran adamlar bu məsələnin sülh yolu ilə həllinin mahiyyətini
dərk edirdilər və indi adi adamlara belə o açılmış oldu. Biz bir daha erməni həyasızlığının
şahidi olduq. Öz halal torpaqlarımızı geri almağımızı həzm edə bilməyən düşmən
aldığımız yerləri geri qaytarmağı (bəzi məlumatlara görə geri qaytarılan iki məntəqə
də var) bizdən tələb edir. Bu, onların beynəlxalq aləmdə kifayət qədər havadarının
olmasından irəli gələn bir həyasızlıqdır.  Baxın, əvvəl Almaniyanın, sonra Roma papasının
uydurma “soyqırıma” rəvac verməsi, bizim düşmənimizin nə qədər arxalı olmasının
göstəricisi deyilmi? Deməli, biz çox məkrli bir düşmənlə üz-üzəyik. Belə bir
düşmənə qalib gəlmək üçün yalnız özümüzə arxayın olmalı və nəinki erməniləri,
bütövlükdə dünyanı fakt qarşısında qoymağı bacarmalıyıq. Bunun üçün bizə
monolit daxili birlik, güclü iqtisadiyyat və güclü ordu lazımdır. Nəzərə alsaq
ki, bu şərtlərdən hər biri özündən sonra gələnin arxasında dayanmalı olan
faktordur, onda birinci yerdə “monolit birliyin” yazılmasının heç də təsadüfi
olmadığı aydınlaşar. Daha doğrusu, qalibiyyət üçün xalqın birliyi aparıcı
amildir. Bu birlik tam formalaşmadığından biz birinci Qarabağ savaşından
uğursuz çıxdıq. O vaxt da bütün parametrlərə görə bədxah qonşularımızdan üstün
olsaq da, bu imkandan yararlana bilmədik və bunun səbəbini birinci növbədə
daxili birliyimizin olmaması idi. 

Müstəqilliyimizin ötən illərində də zamanı boşa
verdiyimiz bəlli olur. Birliyə nail olmaq əvəzinə, bir-birimizə müxtəlif
yarlıqlar yapışdırmaqla məşğul olmuşuq və bu da nəticəsi. Təkcə Qarabağ məsələsi
deyil, xarici siyasətdə, daxili iqtisadi vəziyyətdə, təhsildə, səhiyyədə, mədəniyyətdə,
əxlaqda və s. deyəsən geriləmənin dibi görünməyə başlayıb. Riyaziyyatçıların
minumumların ən kiçiyi, fiziklərin “ölü nöqtəsi”, iqtisadçıların “trendin dibi”
adlandırdıqları bu vəziyyət elə bir haldır ki, bundan sonra gələn hər hansı bir
çaba yuxarıya doğru yönəlmiş olur və məhz buna görə də “papağın ortaya
qoyulması” zərurəti yaranır.

Məncə, burada başlıca sual, niyə birləşə bilmirik
olmalıdır. Bu suala müxtəlif cavablar verilə bilər; mentalitetimiz imkan
vermir, məmurlarımız çox acgözdür, düşmənlərimiz qoymur, özümüzü daha çox
düşünürük, özümüzü çoxbilən kimi göstərməyə çalışırıq, ancaq öz maraqlarımızı
güdürük və s.

Mən isə bunu intellektimizin yetərincə olmamasında
görürəm. Yəqin mənim bu fikirimə opponetlik edənlər kifayət qədər olacaq və
çoxlu sayda məşhurlarımızı misal çəkəcəklər. Yox, əzizlərim, fərdi intellektin
ölçüsü ilə ümumiləşmə aparmaq burada yaramır. Onda gərək Nizami kimi dahisi
olan bir xalq çoxdan dünyada ən intellekt xalq olmalı idi. Beləliklə, gəlib
çıxırıq yazıya qoyulan ada. Əgər kütlənin intellektual səviyyəsi onun fərdləri  ilə ölçülmürsə, onda xalqın intellektual səviyyəsi
nə ilə ölçülməlidir?.

   Bu sual elə-belə
yaranmayıb, başımıza gələnlərdən çıxış yolu aramaqdan doğmuş bir sualdır və bu
suala ümumən cavab almaq üçün bir neçə dəfə FB-də yerləşdirsəm də, diskusiyaya
qoşulmaq istəyən tapılmayıb. Gündəlik izlədiyim KİV-də, axır ki, İlham
İsmayılın aşağıdakı fikirinə rast gəldim; “…mən yenə o qənaətdəyəm ki,
ictimai-siyasi şüur səviyyəmiz qonşu Gürcüstandan, düşmən Ermənistandan yuxarı
deyil”.  (moderator.az/news/131722.html).
Bu fikirlər mənim yürütdüyüm mühakimələrin doğruluğuna inamımı daha da artırdı
və bu yazı meydana çıxdı.

Bəli, deməli bu qüsurumuzun olduğunu qəbul edənlər var
və haqlıdırlar. İndi təhlilçilərin dilimizə gətirdiyi yeni bir söz birləşməsi
var, gerizəkalılıq. Gerizəkalı insanlarla qohum olmaq, qonşu olmaq, şərik
olmaq, bir yerdə işləmək və s. fəlakətdir desək, yanılmarıq. Heç vaxt ümüd etməyin
ki, hər hansı bir yolla onu islah edə biləcəksiniz. Ən yaxşı halda sizin haqlı
olduğunuzu təsdiqləyəcək, amma özü bildiyindən geri durmayacaqdır. Bu gerizəkalılıq
bəlasından necə qurtarmaq olar? Ona görə də, birinci növbədə, belə bir sualın
cavabının tapılması aktualdır, xalqın intellektual səviyyəsi nə ilə ölçülür?                       

          Suala cavabımı
ikinci yazıda oxuya bilərsiniz.

                                                                                                                              Zabil Həsənov – yazarın arxivi




Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler