Musavat.az
Musavat.az




Müsavat » Xeberler» Xeber

“Vyana görüşünün davamı olacağı gözlenilirdi”

23 Haziran 2016

6:28 pm


23/06/2016 [22:25]: xeber –
Sank-Peterburq görüşü bitər-bitməz münaqişə tərəflərinin əvvəlki danışıqlardan tamamilə fərqli və nikbin açıqlamalarla çıxış etmələri, demək olar ki, gündəmin əsas müzakirə mövzusuna çevrildi. Belə bir inam yaradıldı ki, çox da uzun çəkməyən bir dövrdə Dağlıq Qarabağ pobleminin aradan qaldırılmasına, ədalətli həllinə yol açılacaqdır. Oxşar yanaşmalar, politoloji təhlillər onu düşünməyə imkan verirdi ki, artıq regionda bir daha atəş səsləri eşidilməyəcək, münaqişə sülh yolu ilə çözüləcəkdir. Lakin bir gün sonra hər şey dəyişdi: Azərbaycan tərəfdən 5+2 formatı səsləndirilərkən işğalçı tərəfdən bunun əksi olaraq bəyanatlar verilməyə başladı. Ermənistanın xarici işlər naziri dərhal açıqlama verərək danışıqlarda heç bir yeni dəyişikliyin və razılaşmanın baş vermədiyi ilə bağlı ölkəsinin mövqeyini ortaya qoydu. İşğalçı dəfələrlə bu cür münasibətlərlə görüşlər zamanı əldə edilmiş nəticələri sonradan sual altına qoyub ki, bu da Ermənistanın qeyri-səmimi və riyakar siyasət yürütdüyünə şübhə yeri qoymur. Lakin bir məsələ də var: ola bilsin, ilk baxışda gərgin siyasi vəziyyəti göz altına alaraq Sarskiyan rejimi məcburi gediş nümayiş etdirsin. Bunun nə dərəcədə ağlabatan olduğu üzərində hələlik dayanmayaq. Amma erməni hiyləgərliyi hər şeyi gözlənilən edir. Yeni formatın təşəbüsskarı olan Rusiyanın münaqişənin həllində ədalətli və dürüst mövqeyinə də inam bəsləmək çətindir. Dünya ictimaiyyətinin də bildiyi kimi, süni Dağlıq Qarabağ problemini yaradan, sonrakı fazada yoğunlaşdırıb sağa-sola rəqs etdirən məhz Rusiyadır.  Bu siyasət həmişə olduğu kimi indi də işğalçı və bufer Ermənistanı qorumağa xidmət edir və  regionda erməni seperatizminin çiçəklənməsinə rəvac verir.Bu birtərəfli, tarixi və ədalətsiz mövqe şimal qonşumuzun siyasi alanında  elə kök atıb ki, onu zəiflətmək elə də asan deyildir. Maraq kəsbedicidir ki,  Sankt-Peterburq görüşü ilə bağlı Rusiyanın özündən də konkret mənada hansısa açıqlamaya rast gəlmədik, əvəsində isə çoxmənalı yanaşmalara şahidlik etdik. Vyana görüşünün davamı olacağı gözlənilirdi, çünki belə bir əminlik yaratmışdılar ki, iyun ayının ortalarında ATƏT-in Minsk Qrupunun həmsədr ölkələrinin iştirakı ilə növbəti görüş baş tutacaqdır, lakin gözləntilər özünü doğrultmadı, format dəyişdirildi və Rusiya Minsk Qrupunu danışıqlardan kənarlaşdırmaqla, missiyanı öz üzərinə götürərək dünyaya çatdırmaq istədi: regional problemin, Dağlıq Qarabağ münaqişəsinin həllini Rusiyasız təsəvvür etmək yanlışlıqdır.Oduqca anlaşılmazdır ki, Mins Qrupunun həmsədr ölkələri belə bir şəraitdə susqunluq nümayiş etdirdilər. Bununla belə,amerikalı həmsədr cənab Uorlik “Dağlıq Qarabağ xalqının istəyini nəzərə almadan problemi çözmək mümkünsüzdür”,-deyə ifadə etdi. Əcaba, bu, nə yanaşmadır? Ardınca Almaniya xarici diplomatiya idarəsinin başçısının, eyni zamanda, ATƏT sədrinin Dağlıq Qarabağa səfəri ilə bağlı məlumatlar yayıldı. Bu və bu kimilərdən, problemə ikili standartla yanaşanlardan nəsə müsbət rəy ummaq, sadəcə, yersizdir.  Mənə belə gəlir ki, Sankt-Peterburq görüşü aprel döyüşlərindən sonra münaqişə tərəfləri arasında daha kəskin və barışmaz münasibətlərin yumşaldılmasına, 4 günlük savaşda məğlub edilən işğalçı Ermənistan rəhbərliyinin köpünün alınmasına daha çox bənzəyir. Diplomatiyada belə şeylər olur, ancaq sonrası necə davam edəcək, mərhələli həll baş tutacaq, ya yox, bax, əsas məsələ bundan ibarətdir. Yəqin ki, situasiyalara uyğun Azərbaycan Prezidentinin ehtiyat gedişlədi də olmamış deyil.Eldar Sabiroğlu




Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler