Musavat.az
Musavat.az




Müsavat » Xeberler» Xeber

“Vurulanlar”ın toparlandığı Cennet – Ukrayna…

29 Ekim 2016

7:48 pm


29/10/2016 [23:41]: xeber –
Kimisi Birinci Avropa Oyunlarının, kimisi də Eldar Mahmudovun rəhbərlik etdiyi mütəşəkkil cinayətkar dəstənin Azərbaycan iqtisadiyyatının onurğa sütununu qırdığı qənaətindədir. İnsaf naminə qeyd edək ki, hər iki tərəfin də arqumentləri əsaslıdır, amma onu da qeyd etmək lazımdır ki, vəziyyət heç də dünyanın sonunun gəldiyini düşünəcək qədər acınacaqlı deyil və Azərbaycanda papaq altda oğlanlar, daha doğrusu, məmurlar var ki, onlar bir il müddətində dövlət büdcəsindəki kəm-kəsiri artıqlaması ilə ödəmək imkanlarına sahibdirlər. Bu azmış kimi Azərbaycandan kənarda da çoxmilyardlı açıq-gizli investisiyalarımız, daşınmaz əmlakımız var. Daha doğrusu, onlar bizə deyil, yerləşdikləri ölkələrin büdcəsinə külli miqdarda para qazandırmaqdadır.Bu yaxınlarda İstanbulda olan sayt əməkdaşına türkiyəli həmkarımız “Sizi İstanbuldakı azərilər yaşayan milyonerlər məhəlləsinə aparaqmı” sualından heyrətlənib, amma onu başa salıblar ki, təəccüblənməyə dəyməz, İstanbulun ən bərkgedən məkanlarının əhəmiyyətli hissəsinə azərilər sahiblənib… Təbii ki, Avropanın çeşidli ölkələrində də çoxmilyardlı Azərbaycan investisiyaları var və ümid etmək olar ki, bu pulların maliyyə amnistiyasına düşəcəyi halda heç olmasa yarısı Azərbaycana qaytarılacaq və ölkənin qeyri-neft sektorunda kosmetik deyil, real canlanmaını müşahidə etmək mümkün olacaq. Yeri gəlmişkən, qulağımızın dibindəki Ukraynada da çoxsaylı Azərbaycan investisiyasının mövcudluğu barədə tez-tez məlumatlar əldə edirik. Üstəlik, bu ölkədə nəinki Azərbaycanın irikalibrli məmurlarına, hətta nisbətən aşağı ranqdan olan imkanlı adamlarına məxsus da investisiyanın həlledici paya sahib olması gələn xəbərlər arasındadır. Bu azmış kimi hətta Azərbaycanda yüksək postlar tutaraq sonradan bəlli olaylar səbəbindən “vurulan” personaların da Ukraynada “qara gün” tədarükü gördükləri deyilir. Lap adı terrorçubaşı Fətullah Gülənə yaxınlıqda hallandırılaraq karyerası beşiyindəcə boğulan keçmiş deputat Ceyhun Osmanlı kimi.Ukraynadakı mənbələrimizdən əldə etdiyimiz məlumatlara görə Ceyhun Osmanlı da bu ölkədə biznes qurmağa nail olub və siyasi karyerasındakı talesizliyin acısını özünü iş adamı kimi sınamaqla çıxarmaqla heç də asanlıqla sıradan çıxarıla biləcək adam olmadığını rəqiblərinə, düşmənlərinə sübut etmək istəyir.Ceyhun Osmanlı ilə, eyni zamanda onunla eyni aqibəti yaşayan keçmiş mühüm personalarla bağlı daha maraqlı məqamları növbəti yazılarımızda oxucuların diqqətinə çatdırcağıq. İndi sadəcə keçmiş deputatın xoşbəxt günlərinin yadigarı olan bir neçə ilginc fotonu oxucuların mühakiməsinə buraxmaqla kifayətlənirik. Onunla qol-boyun olan şəxsin kimliyini də diribaş oxucularımızın bildiyi qənaətindəyik, amma bilməyənlərə ərz edək ki, həmin şəxs Ukraynada Ceyhun Osmanlıdan az xətir-hörmət sahibi olmayan Mövsüm Aslanovdur – AzTV-nin Ukrayna və Şərqi Avropa üzrə xüsusi müxbiri…  


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler