Musavat.az
Musavat.az




Müsavat » Xeberler» Xeber

Türkmen qırğınına iki qardaş ölke ne qeder susacaq?

24 Ekim 2016

4:44 am


24/10/2016 [08:41]: xeber –
İraqda İŞİD-ə qarşı aparılan əməliyyatlarda bölgənin türk əhalisi olan silahsız türkmənlərin müdafiəsiz, qırğınlara məruz qalması son günlərin əsas müzakirə olunan mövzularından biridir. Azərbaycan, Türkiyənin bu məsələdəki susqunluqları ciddi şəkildə tənqid olunur. Hər iki ölkənin ictimaiyyəti sosial şəbəkələr və mətbuat səviyyəsində aparılan siyasəti nəinki qınayırlar, türkmənlərə yardım olunmasını tələb edirlər. Məsələnin görünən tərəfi odur ki, Türkiyə və Azərbaycan cəmiyyətləri türkmənlərin yanındadır, amma dövlət səviyyəsində bu dəstək yoxdur. Təsadüfi deyil ki, hələ də indiyə qədər bununla bağlı dövlətlər səviyyəsində rəsmi mövqe belə yoxdur. İraq Türkmən Cəbhəsinin lideri, İraq parlamentində türkmənləri Kərkük şəhərindən təmsil edən millət vəkili Ərşad Salehi Azadlıq Radiosuna Mosulda baş verənlər haqqında danışarkən Azərbaycan və Türkiyə tərəfindən köməksiz qalmaları ilə bağlı hər iki dövləti qınayıb.“Türkmənlər olaraq bölgəmizə görə çox narahatıq. Bütün türkmən bölgələrində baş verən oyunların heç biri, təəssüf ki, türkmənların lehinə yox, tamamilə əleyhinədir. Dünya dövlətlərinin heç biri Kərkükə yardım göstərmədi. İraq türkmənları sahibsizdir. Ancaq biz öz dilimiz, ədəbiyyatımız, mədəniyyətimizlə müqavimət göstəririk. Türkiyə də bizi atıb, Azərbaycan da. Bakıdakı türk Kərkükdəki türk kimi danışır, heç bir fərqimiz yoxdur”, -deyə türkmənlərin lideri bildirib. Dünya Azərbaycanlıları Konqresinin həmsədri, VHP sədri Sabir Rüstəmxanlı Azərbaycanın türkmənlərə kömək etməsi üçün məhdud imkanlara sahib olduğunu söyləsə də, Türkiyənin imkanlarının yüksək olduğunu qeyd etdi: “Türkiyə Amerikanın strateji müttəfiqidir, NATO-nun da üzvüdür. Türkiyə ilk gündən bir neçə səhv buraxıb. Amerika İraqa girəndə Türkiyə Böyük Millət Məclisi qərar qəbul etdi. Bu qərar əslində türkmənlərə qarşı xəyanətkarlıq idi. Həmin vaxt türk ordusu ABŞ ordusu ilə bərabər Quzey İraqa girməli idi. Əgər bu olsaydı, türkmənlərə qarşı o vəhşiliklər olmazdı. Vəziyyət də tamamilə başqa cür olardı. Görünür, bu dönəmdə Türkiyədə kimlərsə məclisdə ciddi şəkildə işlədilər və nəticədə türkmənlərin ziyanına olan qərar çıxarıldı. Həmin ərazilər mübahisəli zona sayılır. Vaxtilə Osmanlı İmperiyasının zəifliyindən istifadə edib, ingilislər həmin əraziləri tutublar. Lozanna sazişində həmin ərazilər mübahisəli zona sayılıb. Türkiyə bu tarixi faktları sənədləşdirib, ortaya ciddi iş qoya bilər. Amerika okeanın o tayından gəlib guya İraqda qayda qanunlar yaratmaq istəyir. Amma əslində məzhəb ayrılığına səbəb olacaq xırda dövlətlər qurmaq istəyir. Məqsəd İraqı parçalamaqdır. Bu oyunların növbəti mərhələsində Türkiyə hədəfdədir.Türkiyə bunu görməli və indidən imkanlarından geniş şəkildə istifadə etməlidir. Təəssüflər olsun ki, qardaş ölkənin başı öz içərisində düşmən axtarmağa qarışıb. Sanki dünyada gedən prosesləri görmürlər. Ancaq xırda daxili münaqişələrə vaxt sərf edirlər. Düşünürəm ki, bu təkcə türkmənlər üçün deyil, bütün türk dünyası üçün ziyanlı bir yoldur. Türkmənlər daha çox azərbaycanlılara yaxındırlar. Nə qədər problemlərimiz olsa da, ən azı BMT və beynəlxalq qurumlarda məsələni qaldıra bilərik. Türkmənlərin qardaşlarımız olduğunu, o ərazilərin bir hissəsinin tarixən Azərbaycan əraziləri olduğunu önə çəkə bilərik. Türkmənlərə qarşı vəhşilik, kütləvi şəkildə qırğınlara susmaq olmaz. Bir tərəfdən ABŞ silahlıları, digər tərəfdən PKK, başqa tərəfdən isə başqa qüvvələr türkmənləri qırır. Məqsəd bir milləti tamamilə məhv etmək, Kürdüstan dövləti üçün maneəsiz ərazi yaratmaqdır. Rəsmi səviyyədə mövqe bildirməyimiz çox vacibdir. Dövlət bunu edə bilər və etməlidir də. Rəsmi dairələrin bu məsələdəki mövqeyindən xəbərim yoxdur. Bu məsələdə son dərəcə ehtiyatlı siyasət aparılır. Amma nə qədər ehtiyatlı olmağımızı dünya başa düşmürsə, o zaman cəsarətlə həqiqətləri ortaya qoymağımız vacib olur”.(“Yeni Müsavat”)


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler