Musavat.az
Musavat.az




Müsavat » Xeberler» Xeber

Türkiyeni qana bulayanlardan birinin adı bilindi

30 Haziran 2016

8:32 am


30/06/2016 [12:29]: xeber –
İstanbulun Atatürk hava limanına terror hücumu etmiş silahlıların şəxsiyyəti ilə bağlı yeni açıqlama yayılıb. ANS PRESS-in Türkiyə mətbuatına istinadla verdiyi məlumata görə, terrorçulardan birinin kimliyi açıqlanıb.Türkiyəni qana bulayan, 42 nəfərin ölümünə, 150 nəfərin yaralanmasına səbəb olan terror aktını törədən şəxslərdən birinin rus əsilli çeçen Osman Vadinov olduğu müəyyən olunub. Aeroporta edilmiş hücumun təfərrüatları da bəlli olub.Daha öncə İŞİD üzvü olan terrorçuların tacik olduqları deyilirdi. Üzərində bomba ilə hava limanına daxil olan silahlılar öncə polislərə atəş açıb. 3 nəfər silahlıdan biri dərhal ayrılaraq avtomobil parkına qaçaraq orada partlayış törədib.Hava limanına 34 TEE 96 nömrə nişanlı taksi ilə gəlmiş silahlılar girişdə mühafizə əməkdaşlarıyla qarşılaşıblar. Üstündə bomba gətirən terrorçulardan biri gödəkçədə olduğu üçün polis ondan şübhələnib. Vəsiqəsini təqdim etməsini istəyən polisə atəş açıblar.İlk atəş açılan kimi onlardan biri dərhal bir neçə mərtəbədən ibarət avto parka qaçıb, orada özünü partladıb. Digər iki nəfər isə polis yoxlama nöqtələrinə avtomat silahlardan atəş açmağa başlayıb və fərqli istiqamətlərdə hərəkətə keçiblər.Cənub istiqamətində qaçan terrorçulardan birini polis əməkdaşı təqib etməyə başlayıb. Təslim olmaq istəməyən silahlını polis izləməyə davam edib. Peşəkarcasına davranan polis işçisi terrorçunun kütləyə tərəf qaçmasının qarşısını almağa çalışıb. Məqsədinə çatan mühafizə əməkdaşı terrorçunu yaralayıb və sonuncu yerə yıxılıb. Həbs etmək üçün yaxınlaşan polis işçisi onun üzərində bombanın olduğunu görüb. Polis oradan uzaqlaşmağa fürsət tapandan bir neçə saniyə sonra partlayış olub. Digər canlı bomba isə qaçaraq eniş etmiş sərnişinlərin çıxdığı yerə gəlib. Terrorçu qapıya yaxınlaşan kimi özünü partladıb. Partlayış dalğası bütün yaxınlıqda olanları yaralayıb.İstanbul valiliyinin verdiyi məlumata görə, yaralı sayı 239 nəfər olub. Onlardan 109-u evə buraxılıb. Həyatını itirən 42 nəfərdən 37-nin kimliyi müəyyən edilib. Onlardan 31-i türkdür. 




Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler