Musavat.az
Musavat.az




Müsavat » Xeberler» Xeber

“Türkiyede qarşıdurmalar şiddetlene biler”

06 Kasım 2016

6:24 am


06/11/2016 [10:21]: xeber –
“Türkiyədə PKK-nın siyasi qanadı Xalqların Demokratik Partiyasının (HDP) həmsədrləri Səlahəddin Dəmirtaş və Figen Yüksəkdağ da daxil olmaqla 10-dan çox millət vəkilinin həbs olunması heç də ürəkaçan siyasi nəticələr vəd etmir. Türkiyənin bu addımı Suriyada, İraqda hərbi əməliyyatlar apardığı, ölkə daxilində isə terrorun səngimədiyi bir dönəmdə daxildə qarşıdurmaların daha da şiddətləndirilməsinə yol aça bilər”. sayt xəbər verir ki, bu fikirləri iqtisadçı ekspert  Elçin Qurbanov bildirib. Onun fikrincə, bu addımın arxasında hansısa gözəgörünməz siyasi iradənin ssenarisi dayanır və Türkiyənin daha çox barışa, daxili anlaşmaya ehtiyac duyduğu dövrdə hadisələrin bu cür inkişafı olduqca təhlükəlidir: “Aydın deyil ki, rəsmi Ankaranın hazırkı siyasi iradəsi hansı məqsədləri hədəf olaraq qarşıya qoyub. Çünki bu qədər siyasi cəbhələrin açılması heç bir halda siyasətin görünən üzü üçün məqbul sayıla bilməz və Türkiyəylə mənəvi bağı olan hər kəs kimi məni də narahat edir”. Ekspertin fikrincə, bu addımların ciddi bədəlləri ola bilər və hətta onun bir çox əlamətləri özünü göstərməyə başlayıb: “Belə ki, Türkiyənin Moskvadakı səfirliyinin binası qarşısında icazəli və davamlı mitinqlərə start verilib. Avropa İttifaqı ölkələrinin Türkiyədəki səfirliklərinin Ankarada fövqəladə toplantısı gözlənilir. Eyni zamanda 10-dan artıq insanın həyatına son qoymuş, 100-ə yaxın insanın yaralanması ilə nəticələnən növbəti terror aktı Diyarbəkirdə törədilib. Hesab edirəm ki, hadisələrin arxasında görünməyən iradə dayanır, hansı ki olayları stimullaşdırır”. Rəsmi Ankaranın istinad etdiyi isthekamların möhkəm olmadığına inanan E. Qurbanovun fikrincə, Türkiyə indiki öz müttəfiqlərinə etibar etməkdə yanılır: “Türkiyə siyasi meydanda tək qala və ciddi təhlükələrlə üzləşə bilər. Xüsusilə, indiki qeyri-müəyyənlik dövründə. Dünyada baş verən hadisələr onu göstərir ki, ABŞ –da sabah keçiriləcək prezident seçkilərində daha radikal və qalmaqallı mövqeyi ilə seçilən namizəd D. Trampın önə çəkilməsi qaçılmaz olacaq. Bu da dünyada yeni siyasi ambisiyanın fərqli qaydada gerçəkləşdirilməsinə xidmət edəcək. Ankara bütün bunları nəzərə almalıdır”.


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler