Musavat.az
Musavat.az




Müsavat » Xeberler» Xeber

“Türkiyede hakimiyyetin devrilmesinde ermeniler de maraqlı idi”

16 Temmuz 2016

6:12 am


16/07/2016 [10:09]: xeber –
 “Yaxşı oldu ki, çevriliş baş tutmadı, çünki Türkiyə bizə qardaş dövlətdir.
Kimin hakimiyyətə gəlməsindən, hakimiyyətdən getməsindən asılı olmayaraq qanı
tökülənlər bizim qardaş-bacılarımızdır. Türkiyə bizə çox əziz bir dövlətdir”.

Bunu sayta açıqlamasında politoloq Cümşüd Nuriyev dünən
gecə Türkiyədə baş verən hadisələr haqqında danışarəkən deyib.

C.Nuriyev bildirib ki, Türkiyədə baş verənlər əslində dövlət
çevrilişinə cəhd idi:  “Zaman-zaman Türkiyədə
hərbçilər dövlət çevrilişi edib, axırıncı çevriliş də 1997-ci ildə olmuşdu. O
zaman Nəcməddin Ərbakanı devirmişdilər. Hazırda Türkiyədə Ədroğanın siyasətinə
qarşı böyük bir qüvvə var. Həmin qüvvə həm dinçilərə, həm Ədroğanın Suriya
siyasətinə qarşı mübarizə aparır. Həm də Ərdoğanın yürütdüyü xarici siyasətdə (Rusiya
və İsraillə gərginliyin olması və sonradan 180 dərəcə geri dönüb əvvəlki siyasətdən
imtina etməsi), eləcə də Avropa İttifaqı ilə aparılan siyasətdə də çox ciddi
problemlər var.

Bütün bunların fonunda da Ədroğana qarşı olan qüvvələrin çevrilişə cəhdi
nəticəsində 60-a yaxın adam ölüb, ilkin məlumata görə 756-sı həbs olunub, Daxili
İşlər Nazirliyinin 5 generalı, 29 polkovniki vəzifəsindən uzaqlaşdırılıb. Çevrilişə
cəhd nəticəsində Böyük Millət Məclisi, Kanal D, TRT və digər dövlət kanalları
götürülmüşdü. Buna da iki yanaşma var, türk telekanalları bildirir ki, bunları
hərbçilər dağıdıb, amma başqa bir məlumat da var ki, bunları Ərdoğan
bombalatdırıb. Hazırda müxalifət, həm MHP, həm CHP dövlət çevrilişinin, qeyri
qanuni yolla hakimiyyətə gəlməyin əleyhinədir”.

 

Politoloq onu da qeyd edib ki, bu çevriliş Türkiyədə gözlənilən idi: “Biz
dəfələrlə bəyan etmişdik ki, Türkiyədə hakimiyyət dəyişikliyi ehtimalı yüksəkdir.
Həm daxili gərginlik yüksəkdir, həm də xarici gərginlik. Dövlət çevrilişinə cəhddə
xarici faktorları da yaddan çıxarmaq lazım deyil. Türkiyənin ərazisində
NATO-nun hərbi bazası var və nəzərə alsaq ki, hərbçilər xüsusi hazırlıqlıdır,
deməli bu məsələdə Qərbin, xüsusilə ABŞ-ın maraqları olub. Türkiyə Rusiya yaxınlaşması
təbii ki, onların siyasətinə kənar idi. Hər halda indi istintaq başlayıb, bu hərbçiləri
hazırlayanların içərisində xaricilərin olacağı yüzdə-yüz idi. Türkiyədə hakimiyyətin
devrilməsində PKK da, ermənilər də maraqlı idi. Çünki son zamanlar Ərdoğanın Qarabağ
məsələsini gündəmə gətirməsi və Türkiyənin bu məsələdə mövqeyinin dəyişməzliyi
təbbi ki, erməniləri də narahat edirdi. Çevrilişə cəhdin arxasında kimlərin
dayandığı məlum olacaq, ancaq bütün hallarda burada bir çox maraqlar
toqquşmuşdu. Həm də Türkiyədə, bildiyimiz kimi, dinçilik çox sürətlə yayılır.
Suriyadan gələn 2 milyona oturumun verilməsi məsələsi də gündəmə gəlib. Belə
bir şəraitdə istər-istəməz narazı qüvvələr çox idi”.

 

C.Nuriyev sonda bundan sonra Türkiyə dövlətinin necə davranmalı
olduğu haqqınd da danışıb: “Bundan sonra Türkiyə, xüsusilə Ərdoğan baş verənlərdən
bir nəticə çıxarmalıdır. Həm daxili, həm də xarici siyasətdə konkretliyə keçmək
lazımdır. Düzdür, bu zərbədən sonra Türkiyədə böyük həbslər olacaq və bu da təbiidir.
Amma bəzi məsələləri fikirləşmək lazımdır ki, bu hadisə bir də təkarar olmasın.
Nəzərə alsaq ki, Türkiyədə yenə də ordunun böyük rolu var. Həm də burada ordu
böyüklük göstərdi, dinc əhaliyə atəş açmadı. Hansı ki, dinçiləri əli-ayağı
yalın qabağa verdilər ki, qırılsa da, bunlar qırılsın. Ordu isə onlara atəş
açmadı və bu da ordunun böyüklüyünü göstərdi. Daha doğrusu Türk millətinin
böyük olduğunu, öz soydaşlarına hörmət edən olduğunu gündəmə gətirdi. Mənə elə
gəlir ki, Ərdoğan da həmin hərbçilərlə daha yumşaq cəza tədbirləri görsə, bu Türkiyədə
gərginliyi azalda bilər. Çox təəssüf ki, 20 illik fasilədən sonra Türkiyədə
dövlət çevrilişinə cəhdin yenidən gündəmə gəlməsi bir çox presentlərlə nəticələnə
bilər. Bu hadisə həm Ərdoğan üçün, həm də Türkiyənin indiki rəhbərliyi üçün bir
dərs olmalıdır”. Rumiyyə




Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler