Musavat.az
Musavat.az




Müsavat » Xeberler» Xeber

Türkiye üçün kritik iclas: Ordunun taleyi hell edilir

27 Temmuz 2016

2:00 pm


27/07/2016 [17:59]: xeber –
Sabah Türkiyədə Ali Hərbi Şuranın iclası keçiriləcək. Axar.az xəbər verir ki, budəfəki iclas bir sıra yenilikləri ilə yadda qalacaq. Bu dəfə iclas planlaşdırılan vaxtdan daha əvvələ keçirilib. Üstəlik, Şura ənənəvi olaraq toplandığı Baş Qərargah yerinə iclasını Çankaya köşkündə keçirəcək. Əvvəlki illərdə Ali Hərbi Şura toplantıları üç gün davam etdiyi halda bu dəfə yalnız bir günlə kifayətlənəcək. Məhz bu toplantıdan yeni qərarların çıxacağı gözlənilir. “Sözcü” qəzetinin yazdığına görə, Ali Hərbi Şuranın iclasında əsas diqqət ordu komandanlarına yönələcək. Xüsusilə, Baş Qərargah rəisi general Hulusi Akar, Quru Qoşunları komandanı general Salih Zəki Çolak, Hərbi Hava Qüvvələri komandanı general Abidin Ünal, Hərbi Dəniz Qüvvələri komandanı general Bülənd Bostanoğlunun dəyişilməsi gözlənilir. İddialara görə, Hulusi Akar gedəcəyi təqdirdə onun yerinə 1-ci Ordu komandanı Ümid Dündar gətiriləcək. Bu isə sonralar Özəl Qüvvələr komandanı general Sezai Aksakallının da vəzifəyə gətirilməsinə səbəb ola bilər. Ən maraqlı məqamlardan biri isə jandarma (hərbi polis) ilə bağlı olacaq. Hökumət jandarmanı ordunun tərkibindən alınıb, Daxili İşlər Nazirliyinin tərkibinə verilməsini istəyir. Böyük ehtimalla DİN-in tərkibində olacaq bu quruma mülki şəxslərdən biri rəhbər olaraq təyin ediləcək. Jandarma komandanı general Qalib Məndi isə təqaüdə göndəriləcək. Türkiyə üçün xüsusi əhəmiyyət kəsb edən məqam 2-ci Ordu rəhbərliyi ilə bağlı olacaq. Ölkənin şərq və cənub-şərq sərhədlərinə nəzarət edən bu ordu xüsusilə PKK və Suriya istiqamətində Türkiyənin maraqlarının müdafiəsi üçün əhəmiyyət kəsb edir. 15 iyul hadisələri zamanı 2-ci Ordu komandanı general Adəm Huduti həbs edildikdən sonra onun yerinə müvəqqəti olaraq general Mətin Təməl təyin edilib. Məhz Təməlin bu orduya rəhbər təyin olunacağı gözlənilir. 




Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler