Musavat.az
Musavat.az




Müsavat » Xeberler» Xeber

Türkiye ordusu Suriyada kürdlerle savaşa başlayır…

29 Ağustos 2016

5:32 am


29/08/2016 [09:28]: xeber –
Ankaranın Suriyanın şimalına ordu göndərməsi regionda yeni gərginlik mənbəyi yaradırTürkiyə ordusunun Suriya ərazisinə daxil olması regionda əsas hadisəyə çevrilib. Cerablus və Karkamışı alan Türkiyə ordusunun artıq kürdlərlə qarşılaşması qaçılmazdır. Çünki digər ərazilər, eləcə də Menbic YPG-nin və onun mənsub olduğu Demokratik Suriya Qüvvələri qruplaşmasının nəzarətindədir. Cerablusdan sonrakı hərəkət zamanı artıq kürdlərlə Türkiyə ordusunun qarşıdurması qaçılmaz olacaq. Şənbə günü YPG mövqelərindən atılan raketlərlə Türkiyə ordusunun iki tankı vurulub. Anadolu Agentliyinin məlumatına görə, raketlər Türkiyə tankları Fəratın şərq sahilinə keçməyə hazırlaşdığı vaxt YPG mövqelərindən atılıb. Yerli kürd rəsmilər isə əl-Amarne kəndi yaxınlığında iki tankın vurulduğunu və heyətin öldürüldüyünü bəyan edib. Eyni saatlarda Türkiyə aviasiyası kürd komanda mərkəzlərini bombalayıb. Bununla da bölgədə yeni hərbi vəziyyət yaranıb. Türkiyə ordusu sərhədi hərbi aviasiyanın dəstəyilə rahatlıqla keçdi və İŞİD əlində olan Cerablus şəhərini demək olar ki, bir neçə saata azad etdi. Ancaq kürdlərin əlində olan ərazilərə müdaxilənin başlaması İŞİD-lə olduğu qədər asan olmayacaq. Çünki görünən odur ki, kürdlər ələ keçirdikləri bölgələri rahatlıqla təhvil vermək fikrində deyil. Türkiyə ordusunun iki əsas hədəfindən biri isə YPG-ni Türkiyə sərhədlərindən qovmaq, Suriyanın şimalında PYD-nin federal bölgə yaratmasına imkan verməməkdir. Məhz bu səbəbdən də qarşıdurma qaçılmazdır. Artıq bazar günü günorta saatlarında Türkiyə ordusu Hərbi Hava Qüvvələrinə məxsus qırıcılar növbəti dəfə YPG mövqelərini bombalayıb. YPG-nin 25 üzvü öldürülüb, 5 binası isə məhv edilib.YPG-nin türk tanklarını vurması onu göstərir ki, Türkiyənin kürdlərə qarşı əməliyyatı toqquşmalara səbəb ola bilər. Üstəlik Vaşinqton rəsmi şəkildə kürdlərin Fəratın sağ sahilinə çəkiləcəyini bəyan etsə də, bunun nə dərəcədə reallaşmasını zaman göstərəcək. Bu arada PYD-nin həmsədri, Suriya kürdlərinin siyasi lideri Saleh Müslim hədələyici bəyanatla çıxış edərək irəliləyən Türkiyə ordusuna müqavimət göstəriləcəyini bildirib. Şənbə günü axşam saatlarında Diyarbəkr Hava Limanı raket atəşinə tutulub. Aeroporta naməlum şəxslər tərəfindən 4 raket atılıb. Ancaq xəsarət alan olmayıb. Uçuş qrafikləri davam edib, raketlərin Hava Limanı polis postu ərazisinə düşüdüyü bildirilir. Doğan Agentliyi raketlərin PKK tərəfindən atıldığı xəbərini yayıb. Bu arada Qərb mediası Türkiyənin Suriyada hərbi əməliyyat planları ilə bağlı yazı yayımlayıb. Yazıda qeyd olunur ki, Ankara Suriyanın şimalında hərbi əməliyyatları iki il əvvəldən planlayıb. Ancaq məlum olub ki, həmin vaxt və ötən dövrdə Türkiyə ordusunun bir sıra yüksək rütbəli zabitləri, o cümlədən 15 iyul qiyam gecəsi Xüsusi Təyinatlı Qoşunların komandanı Zəkai Aksakallının mühafizəçisi, gizir Ömər Halisdəmir tərəfindən vurularaq öldürülən Xüsusi Təyinatlı Qüvvələrin komandir müavini, general Semih Terzi Suriya əməliyyatının başladılmasına mane olub. 2015-ci ilin noyabrında Rusiya hərbi təyyarəsinin vurulmasından sonra isə Suriyada əməliyyat mümkünsüz olub. Çünki bu hadisədən sonra Rusiya Suriya ərazisinə S-400 Hava Hücumundan Müdafiə qurğuları yerləşdirib və bununla da nəinki Türkiyə, hətta İsrail belə Suriya ərazisinə gizli hava reydlərini dayandırmaq məcburiyyətində qalıb. Əməliyyata mane olanlar arasında Türkiyə ordusunun Suriyadakı fəaliyyətinə rəhbərlik edən general Semih Terzi ilə yanaşı İkinci Ordu komandanı ordu generalı Adem Huduti də olub. Ancaq indi Türkiyə hakimiyyət mediası bu xəbəri FETÖ qruplaşmasının xəyanəti kimi təqdim etsə də, daha öncə həm yerli, həm də xarici media Suriyaya müdaxiləyə qarşı olan Türkiyə generalları barədə dəfələrlə yazmışdı. Həmin vaxt ciddi mənbələr TSQ-nin Suriya ərazisində hərbi əməliyyatlara dəstək verməməsinin əsas səbəbi kimi Suirya ərazisində xaosun və amansız müharibə şəraitinin olması ilə izah edirdilər. Çünki Türkiyə ordusunun ora daxil olması yalnız kürdlər və ya İŞİD deyil, saysız-hesabsız düşmənlə qarşılaşma riski anlamına gəlirdi. Bu mənada Suriyada əməliyyat Türkiyə üçün hələ də ciddi risk olaraq qalmaqda davam edir. Çünki proseslərin sonrakı gedişi məlum deyil və Türkiyə ordusunun irəliləməsi daha çox və şiddətli müqavimətlə qarşılaşması anlamına gəlir, necə ki, artıq bunun əlamətləri görünür. Baxmayaraq ki, formal da olsa Suriya olaylarında Türkiyənin müttəfiqi ABŞ və Qərb ölkələridir, ancaq hələlik Qərb paytaxtlarının türk ordusunun kürdləri sıxışdırab məğlub etməsini necə qarşılayacağı məlum deyil. Hələlik zəif də olsa etiraz səsləri gəlməkdədir. Ankara üçün Suiryada əməliyyat Suriyanın şimalında kürdlərin və İŞİD-in möhkəmlənməsinin qarşısını almaq, xüsusən də PKK-nın ortaq qurumu olan PYD-nin güclənməsinə mane olmaq kimi mühüm əhəmiyyət daşıyır. Üstəlik terrorla mübarizə edən Türkiyə ordusunun kürd və İŞİD terroru ilə ölkə xaricində mübarizə aparması psixoloji üstünlük qazandırır. Lakin Suriyadakı vəziyyət və müqavimət cəhdləri onu göstərir ki, Türkiyə ciddi risk alıb. İndi bu risk durumundan yalnız bölgədə aktiv güc olan ABŞ, Rusiya və İran kimi ölkələrin dəstəyini almaqla çıxa bilər. Əks halda irəlilədikcə daha ciddi müqavimətə və dərin savaşa yuvarlana bilər. (musavat.com)


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler