Musavat.az
Musavat.az




Müsavat » Xeberler» Xeber

“Türkiye bölgede söz sahibi olmaq üçün sert qerarlar qebul etmelidir”

25 Ekim 2016

1:12 pm


25/10/2016 [17:11]: xeber –
Bu gün demək olar ki, Suriyada və İraqda baş verən hadisələr dünyanın diqqət mərkəzindədir. Çoxları elə düşünür ki, bu ölkələr parçalanacaq, çünki bu ehtimallara zəmin yaradan əsaslar daha çoxdur. Ağıllarda sual yaradan digər bir məsələ də Mosulun azad olunması ilə bağlı aparılan hərbi əməliyyatlardan Türkiyənin kənarda saxlanılmasıdır.  sayt bu məsələlərlə bağlı Türkiyənin Ərciyəs Universitetinin professoru, həmyerlimiz Qafar Çaxmaqlının fikirlərini öyrənib. Q.Çaxmaqlı ilk öncə Türkiyənin Mosul əməliyyatlarından kənarda saxlanılmasının səbəblərinə aydınlıq gətirib: “Beynəlxalq imperializm şübhəsiz ki, bu ölkələrdə öz çıxarlarına görə yeni düzən saxlamaq, buranı yenidən şəkilləndirmək istəyir. Açıq görünür ki, bu ölkələr bölünəcək. Amma bu bölünmədən Türkiyəni kənarda tutmaq istəyirlər. İraqın Mosul şəhərini  İŞİD-dən təmizləmə əməliyyatlarına Türkiyəni hər vəchlə yaxın buraxmaq istəməyən başda Amerika olmaqla koalisyon gücləri Türkiyənin bölgədəki rolunu azaltmaq istəyir. Çünki ABŞ-ın bu bölgədəki maraqları əvvəldən bəri Türkiyənin milli maraqları ilə tərsdir.  İraqda Ebadinin dili ilə, Suruyada da Əsədin, ya da Salis  Müslümün dilindən səsləndirdiyi fikirlər Türkiyəyə qarşı açıq “savaşdır””.  Professor onu da qeyd edib ki, Amerika bölgədə bir kürd dövlətininn qurulması üçün çalışır: “PKK-nın uzantısı olan PYD-ni terror təşkilatı kimi görməməsi də Türkiyəyə qarşı ABŞ-ın nə dərəcədə iyrənc bir siyasət yeritdiyinin nəticəsidir. İndi Mosulun azad olunması ilə bağlı koalisyon güçlərinin başlatdıqları hərbi əməliyyatlara Türkiyənin daxil edilməməsi bir qısqanclıq siyasətidir. Türkiyə prezidenti Ərdoğan bir çıxışında “biz masada, savaşda da olacağıq” desə də faktiki olaraq Türkiyə bu planın içərisində yoxdur.  Terrorçu İŞİD-in Mosuldan çıxarılması zamanı da elə bir oyun quruldu və qəsdən terrorçuların çıxacağı koridor elə bir yerdən qoyuldu ki, bu dəstələr çıxarkən Türkmənlərin yaşadığı bölgələrdən keçməli olsunlar. Həmin ərazilər də Türkiyənin maraq dairəsindədir. Amma  Türkiyə elə bir oyuna gətirilib ki, burada aktiv hərbi əməliyyatlar keçirib  Kərkük və ya Telafər türkmənlərini lazımınca yardım edə bilmir”.  Q.Çaxmaqlı sonda vurğulayıb ki, Türkiyə bu məsələdə mütləq hərbi güc tətbiq etməldiir:“Mosul işğaldan azad olunandan sonra buranın hansı status alacağı məsələsində də Türkiyənin olmaması üçün hər cür səylər vardır. Kor olmaq lazımdır ki, İraqla Suriyanın bölünəcəyini görməyəsən.  Kürdlər üçün  hər iki ölkədə və Türkiyənin sərhədləri boyunca bir kürd dövlətinin qurulması söz konusudur. Bu, Türkiyə dövlətinə təhdid olacaq hərəkətlərdir. Suryanın şimalında  Cerablus- Menbic xəttində Türkiyə  “Fırat xalxanı” əməliyyatı bu planı pozduğuna görə indi qəsdən onu koalisyon içinə almaq istəmirlər. Amma Mosul, Kərkük,  Hələb bölgələri Türkiyənin “Misaki milli” sərhədlərinə daxildir və burada yaşayan əhalinin təhlükəsizliyinə, həmçinin Türkiyənin təhlükəsizliyinə təhdid yaradacaq bu şəkillənmədə Türkiyə olacaq.   MHP başkanı Devlet  Baxçalı son çıxışında dedi ki, artıq hansısa dövlətin istəyinə baxmaq lazım deyil və Türkiyənin bu bölgələrdə söz sahibi olması üçün sərt qərarlar qəbul etməsi lazımdır. Ən azından soydaşlarımızı qorumaq və onların gələcəkdə milli haqlarının təmin olunması üçün Türkiyə hərbi gücünü tətbiq etməlidir. NATO-da ikinci olan Türk ordusu nə zaman bu gücündən istifadə edəcək?”Rumiyyə MİRASLAN


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler