Musavat.az
Musavat.az




Müsavat » Xeberler» Xeber

Türk Hava Yollarının rehberi Moderator.az-ın sualını cavablandırdı  – “Bir-birimizi terrorla terbiyye etmekden vaz keçmeliyik”

09 Ekim 2016

4:28 pm


09/10/2016 [20:25]: xeber –
Türk Hava Yollarının İstanbul ofisində 6 oktyabr tarixində geniş mətbuat konfransı keçirilib. Konfransda bir çox ölkələrdən gəlmiş KİV nümayəndələri, o cümlədən turizm sektorunun əməkdaşları iştirak edib. Fransadan, Bolqarıstandan, Ukraynadan, Rumuniyadan, Macarıstandan, Serbiyadan, Makedoniyadan gəlmiş nümayəndələr arasında Azərbaycanı da 12 nəfər təmsil edib. Azərbaycandan dəvət olunmuş nümayəndə heyətinin tərkibində sayt-ın əməkdaşı da olub. Mətbuat konfransında Türk Hava Yollarının Yönetim Kurulu ve İcra Komitesi Başkanı İlker Aycı konfrans iştirakçılarının qarşısında geniş çıxıb edib. Türk Hava Yollarının fəaliyyəti, qarşıdakı yeni planlar, perspektivlər barəsində, həmçinin 15 iyul dövlət çevrilişinə cəhd hadisəsinin Türkiyəyə vurduğu zərərdən danışıb. İlk öncə FETÖ terror örgütünün Türkiyədə necə formalaşmasından, ölkə daxilində, həmçinin ölkənin sərhədlərindən kənarda necə kök salmasından, böyüməsindən, güclənməsindən danışan İlker Aycı bu mətbuat konfransının keçirilmə məqsədlərini açıqlayıb: “…Biz qərar verdik ki, insanların şübhələrini aradan qaldırmaq üçün, dezinformasiya kampaniyalarını, səhv düşüncələri sizlərə yerindəcə göstərək, anladaq, sizin suallarınızı cavablandıraq. Yerindəcə öz gözlərinizlə gördüyünüz gerçəkləri ölkələrinizə qayıtdıqdan sonra qələminiz vasitəsilə öz həmvətənlərinizlə bölüşəsiniz deyə sizləri buraya dəvət etdik. Bu dönəmdə bizimlə bu anı paylaşıb ölkəmizi ziyarətə gəldiyiniz, gerçəyi öyrənib, araşdırmaq, doğrunu görmək üçün burada bizimlə bərabər olduğunuza görə sizlərə çox təşəkkür edirik. Qayıtdığınızda hər nə yazarsanız yazın, o sizi maraqlandırar, amma bizim insan olaraq vəzifəmiz sizlərlə yaşadıqlarımızı bölüşmək idi. Çünki biz yaşadıqlarımızı başqa cür anlatmaq, dünyadakı dostlarımızla bölüşməkmək üçün başqa yöntəm bilmirik. Yeni nəsil terror örgütüylə yaşadığımız bu hadisəni başqa ölkələrdəki insanlar yaşamasın, sizlər yaşamayasınız deyə bu təcrübəmizi sizlərlə bölüşməyi düşündük. Bu gün deyil, bəlkə də qarşıda bir gün, yeni nəsil terror orğütünün dünyanın başqa yerində də meydana gəldiyində bizləri yaxşı anlayarsınız. O zaman bəlkə də bu gün söylədiklərimizi xatırlayarsınız. O vaxt bunu görümüşdük, buna ilk olaraq Türkiyə şahid olmuşdu deyərsiniz. Nəticədə mən bir hava yolu şirkətinin rəhbəriyəm, vəzifəm bir hava yolu şirkətini idarə etməkdir. Şirkətimiz də dünyada ən yaxşı hava yolu şirkətlərindən biridir, eyni zamanda dünyanın ən böyük dördüncü netvörkünə sahibdir, ən çox məkana uçuşlar gerçəkləşdirən şirkətdir. Mənim vəzifəm normal olaraq şirkətimi idarə etmək. Əgər mən yaşadıqlarımızı sizin kimi dostlarımıza paylaşmaq məcburiyyəti hiss edirəmsə, hadisələrin bizim üçün nə qədər kritik olduğunu, ölkəm üçün nə qədər travmatik olduğunu anlamanızı istərəm. Təbii ki, bu yaşananların qısa zaman ərzində altından çıxmağı bacardıq. Hər şey çox sürətlə normala döndü və biz də zatən bir gün sonra uçuşlarımıza başladıq, uçuşlarımız da normallaşdı. Bazar ertəsindən etibarən də Amerikaya uçuşlarımız bərpa olundu. Türk hava Yolları olaraq yolçularımızın zərər görməmələri üçün onlara bilet dəyişməyi və bilet qaytarmağı təklif etdik və istədikləri formada biletlərin ya dəyişdik, ya da geri aldıq.  Çünki Türk Hava Yolları olaraq markamızım, işimizin, şirkətimizin arxasında durururq. Yolçularımızla olan birlik və bərabərliyimizi uzun yol yoldaşlığı kimi görürük, yolçularımızı sadəcə bir uçuşluq qonağımız kimi qarşılayıb yola salmırıq. Çünki əminik ki, bizimlə bir dəfə uçan yenə də uçmaq istəyəcək. Türkiyənin adətlərinə uyğun olaraq biz yolçularımıza müştəri demirik, biz yolçularımıza qonağımız deyirik. Bizdə də qonağı süfrənin yuxarı başında oturdurlar, ən gözəl xidmət göstərilər, evdəki ən gözəl qablarda, ən ləzzətli yeməklərə qonaq edirlər. Getdiklərində də onları ən gözəl sözlərimizlə yola salırıq, bir də gəlməsi arzusuyla ayrılırıq, yenidən gəlməsi üçün əlimizdən gələni edirik. Türkiyənin qonaqpərvərliyinin ən çox siraət etdiyi məkan Türk Hava Yollarıdır. Bizimlə uçan hər bir yolçumuz qonağımızdır. Onları hər uçuşda daha yaxşı qarşılamağa, daha yaxşı xidmət göstərməyə çalışırıq”. İlker Aycı Türk Hava Yollarının qarşıdakı planlarından da danışıb: “İstanbuldakı launcumuz dünyanın ən iyi Launchu seçildi. Mosvada, Naurobidə- Keniyada Launchumuz var. Bu aydan Vaşinqtonda Dallas hava limanında bir Launch daha açdıq, onu Nyu-York izləyəcək, onu da Londonda açacağımız Launchumuz izləyəcək. Daha sonra Asiyada və başqa yerlərdə açacağımız Launchlarımızla yolçularımıza qonaq etməkdə davam edəcəyik. Onlara özlərini evlərində hiss etdirəcək komfortu təqdim edəcəyik. Texnolojik yeniliklərə də imza atırıq. Artıq rezarvasyon dəyişiklərini ağıllı telefonlardan edə biləcəkləri sistemlər gətiririk. Qısa vaxtda rezarvasyon dəyişikliyi edə, bizimlə əlaqə yarada bilmək üçün yeni sistemlər yaradılacaq. Son hadisələrdən sonra bilet qaytarma və dəyişmə bizim üçün təxminən 50 milyon dollara başa gəldi. Ancaq bunu gözümüzü qırpmadan etdik, yolçularımızın rahatlığı üçün həmin günlərdə onları İstanbuldakı otellərdə qonaq etdik. Onlara təklif etdik ki, istərsəniz bizim təklif etdiyimiz otellərdə, istərsəniz də öz seçdiyiniz otellərdə qalın, xərcinizi biz çəkək. Yetər ki, komfortlu bir yerdə istirahət edib növbəti uçuşa hazırlaşın. Sizləri sevirik və sizlərin rahat olduğunu bilmək bizim üçün önəmlidir. Bu il təxminən 64 milyon sərnişin daşıyacağıq və bu göstərici də keçən ilkindən çox olacaq. Biz Türk Hava Yolları şirkəti olaraq tək ailəli böyümələrə alışmamışıq, cüt ailəli böyümələrə öyrənmişik. 2018-ci ilin birinci yarısında dünyanın ən böyük hava limanlarından biri İstanbulda istifadəyə veriləcək. Bu hava limanının birinci hissəsi 90 milyon, ikinci hissəsiylə birlikdə isə 150 milyon sərnişin tutacaq. Bu hava limanı dünyada ən böyük bir hava limanı olmaqla bərabər həm də bir barış, sülh mərkəzi olacaq. Bugünkü İstanbul hava limanı dünyada dördüncü yerdə dayanır. Çox qısa zaman ərzində dünyada ən böyük hava limanı, ən çöx ölkəyə uçuş həyata keçirən, daha çox qonaq qarşılaya bilən avia şirkət ola biləcəyik. Türk Hava Yolları kaqronu da genişləndirəcək. Bacardıqca daha çox yeniliklərə imza atmağa çalışırıq və inanıram ki, bunu bacaracağıq. Ətraf mühitin dostu olan bir avia şirkət olmağa çalışırıq. Bunun üçün ilk növbədə bütün plastik qablardan istifadəni ləğv etmək istəyirik. Təbiətdə 300-400 il əriməyən qabları istifadə etmək istəmirik. Çox qısa bir vaxtda yeni qablarımızla, təbiətdə çox qısa vaxtda, bir neçə saat, bir neçə gün ərzində əriyən qablardan istifadə edəcəyik. Daha sonra biznes klasdakı yolçularımıza uçuşdan darıxmamaları üçün tabletlər veririk. Ekonom klasda da kabelsiz interet vasitəsilə musiqi, film, cizgi filmi dinləyə bilmələri üçün şərait yaradırıq. Uçuş vaxtı bir qədər əylənmək istəyənlərə kompyuter oyunları da təqdim etməyə çalışırıq. Həmin kompyuter oyunları da çox yaxında istifadəyə veriləcək. Bizim təyyarələrimizə mindiyinizdə müxtəlif üslubda mahnıları dinləyib, istirahət edə, hətta istədiyinizdə sevinclə oynaya bilərsiniz. Həmçinin sağlıqlı yemək menyusunu təqdim etməyə çalışırıq. Bundan sonra menyuda yediyiniz yeməklərin kalori miqdarları göstəriləcək və dieta saxlayanlar da nə yeyə biləcəklərinə rahat qərar verə biləcəklər”. İlker Aycı daha sonra jurnalistləri maraqlandıran sualları cavablandırıb. Konfrans iştirakçılarının, eləcə də Azərbaycandan olan jurnalistlərin suallarına aydınlıq gətirən İlker Aycı sayt-ın “Türkiyədə, xüsusən də hava limanlarında ard-arda terror hadisələrinin baş verməsi yəqin ki, ölkəyə turist axınına ciddi şəkildə təsir edib. Hazırda Türk Hava Yolları terrorla mübarizə məqsədilə hava limanlarında nə kimi təhlüksəsizlik tədbirləri həyata keçirir? Türkiyəni seçən insanların təhlükəsizliyi necə qorunur, terror qurbanı olmama ehtimalları neçə faizdir? ” sualını da ətraflı cavablandırıb:“İlk əvvəl onu deyim ki, terror təkcə Türkiyənin deyil, bu gün bütün dünyanın problemidir. Terror bu gün Amerikada da, Fransada da, Londonda da, İspaniyada da, İtaliyada da, bir sözlə, dünyanın hər yerində problemdir. Terror sadəcə bizim coğrafiyamızla məhdud deyil. Bir də baxırıq ki, Parisdə, Nisdə, Münhendə, Brüsseldə fövqəlada vəziyyət elan olunur. Bir də baxırıq ki, Frankfurt hava limanı və ya başqa bir hava limanı boşaldılır. Terror dolayısıyla bütün dünyada başlı-başına bir məsələdir. Terrorla mübarizə məsələsində biz öz tədbirlərimizi görürük. Biz şirkət olaraq sivil havacılıq güvənlik qaydalarına tabeyik, Avropa Sivil Havacılıq təşkilatı, həm Beynəlxalq Sivil Havacılıq təşkilatı tərəfindən kontrol edilirik. Həm də ayrıca nə kimi əskiklərimiz var deyə  özümüzü kontrol etdiririk, mütəxəssislərlə işləyirik. Təhlükəsizlik şirkətlərindən güvənliklə bağlı məsləhətlər, mütəxəssislər alırıq. Bu günlərdə daha çox təcrübəli, dünyada 10 dənə beş ulduzlu hava limanından beşinin təhlükəsizliyini qoruyan şirkətdən təhlükəsizlik xidməti almağa çalışırıq. Hər keçən gün təhlükəsizlik sektorunda çıxan yeni kameraların, yeni cihaların quraşdırılması üçün çalışırıq. Bunlar bizim üçün önəmlidir və həyata keçirilməsi istiqamətində addımlar atırıq. Bütün beynəlxalq əməkdaşlarımızla məlumat mübadiləsindəyik. Təyyarəyə minmədən sərnişin haqqındakı bütün məlumatlar qarşı tərəfə ötürülmüş olur və orda təhlükəsizlik tədbirləri başlamış olur. Təhlükəsizlik məsələsində işbirliyimiz getdikcə artır. Yeni cihazlardan istifadə edirik, bəzilərinin bildiyi, bəzilərinin bilmədiyi yeni cihazlarımız, profil tanıma cihazlarımız var. Həmçinin özəl qüvvətlərdən dəstək alırıq, özəl qüvvətlərin nümayəndələri hava limanının daxilində və xaricində vəzifələrini həyata keçirirlər. Bizim hava limanımız son hadisələrə qədər Avropanın və dünyanın daha təhlükəsiz hava limanlarından biri idi. Bizdəki yoxlanış mərhələləri Avropadan bir dəfə daha çoxdur. Avropaya getdiyinizdə keçdiyiniz yoxlama mərhələsi ilə burada keçdiyiniz mərhələlər fərqlidir. Bəzi ölkələrdə tək, bəzilərində isə 2 yoxlama mərhələsindən keçirisiniz. Amma bizdə 3 yoxlama mərhələsi var. Bundan əlavə yeni xidmətlərlə işlərimizi davam etdiririk. Avropa Sivil Havacılık qaydalarına uyğun fəaliyyətimizlə hava limanı təhlükəsizliyimizi yüksək tutmağa çalışırıq. Heç bir ölkə terrordan sığortalanmayıb. Heç kim anti terrorizmlə bağlı yüzdə yüz qaranti verə bilməz. Ancaq biz beynəlxalq işbirliyimizi, beynəlxalq istihbarat məsələsində əməkdaşlığı artırmaq məcburiyyətindəyik. Ən önəmlisi isə terrorla mübarizə məsələsində səmimi və gerçəkçi olmaq məcburiyyətindəyik. Bir-birimizi terrorla tərbiyyə etmək huyundan bütün dünya olaraq vaz keçməliyik”. Rumiyyə MİRASLAN


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler