Musavat.az
Musavat.az




Müsavat » Xeberler» Xeber

Tehsil islahatlarına destek tedbiri keçirilib – FOTO

23 Haziran 2016

12:28 pm


23/06/2016 [16:25]: xeber –
Demokratiyanın İnkişafı Problemləri Mərkəzi İctimai Birliyi Azərbaycan Respublikası Prezidenti yanında QHT-lərə Dövlət Dəstəyi Şurasının dəstəyi ilə “Təhsil islahatlarına dəstək məqsədilə tələbə və valideynlər arasında maarifləndirmə işlərinin aparılması” layihəsi çərçivəsində növbəti tədbir keçirib.İctimai Birliyin sədri Mütəllim Rəhimov tədbiri açaraq bildirib ki, təhsil sistemində aparılan islahatlar bəzi hallarda, xüsusilə də özəl ali məktəblərdə tələbələrə və valideynlərə düzgün izah edilmədiyindən onlar bu dəyişilmələrin mahiyyətini dərk edə bilmirlər. “Boloniya sisteminə qarşı münasibət isə bəzən belə bir yanlış fikir formalaşdırır ki, aparılan islahatlar təhsilalanların maraqlarını deyil, təhsil müəssisələrinin rəhbərlərinin mənafelərini qorumağa xidmət edir. Əslində isə belə deyil deyən M.Rəhimov bununla bağlı iştirakçılara geniş bilgilər verib. Daha sonra çıxış edən Təhmasib Hüseynov tələbələrin Boloniya prosesi haqqında geniş məlumatlara malik olmadığına görə çoxsaylı problemlərlə qarşılaşdığını və hüquqlarının pozulduğunu dedi. O daha sonra diqqəti Boloniya sisteminin gətirdiyi üstünlüklərə yönəldib: “Ölkəmizdə bəzi özəl ali məktəblər Boloniya sisteminin gətirdiyi yenilikləri öz şəxsi maraqları prizmasından tətbiq edirlər ki, bu da bir çox hallarda prosesin həqiqi mahiyyətinə kölgə salır. Nəticədə tələbələrin təhsil hüquqları pozulur, onlar islahatların müsbət tərəflərindən bəhrələnə bilmir, əksinə islahatlar adı altında hüquqlarının pozulması halları ilə qarşılaşırlar. Bu da nəticə etibarilə onlarda islahatlara qarşı antipatiya yaradır, onları ruhdan salır, oxumağa, öyrənməyə marağını azaldır.” T.Hüseynov bu cür neqativ hallardan çıxış yollarının olduğunu qeyd edərək, onlardan bəziləri ilə bağlı konkret fikirlər də səsləndirdi. Ekspert Səyavuş Qasımov isə bildirdi ki, cəmiyyətə belə bir yanlış fikir hakim kəsilməkdədir ki, Boloniya prosesi yalnız test sistemindən ibarətdir. Həm də bu testlər təhsilalanların dərindən savad almasına, biliklərə yiyələnməsinə yönəlməyib, ölkədə bilərəkdən savadsızlığın dərinləşməsinə xidmət edir. Buna görə də bir sıra hallarda geniş ictimaiyyət ölkədə aparılan təhsil islahatlarına dəstək verməkdənsə, onun qarşısında maneəyə çevrilir. İslahatların əleyhidarı kimi yanlış mövqe tutaraq son nəticədə aparılan zərurui işləri yubadır, nəticədə Azərbaycan təhsil sisteminin Avropa təhsilinə inteqrasiyasını ləngidir. Sonra tədbirdə iştirak edən tələbə və valideynlər qarşılaşdıqları problemlər haqqında danışıblar. Onlar təhsil haqqı, təhsil krediti, sərbəst işlərin yerinə yetirilməsi, semestr ərzində fənn üzrə toplanılan ballarla bağlı qarşılaşdıqları çətinliklərin aradan qaldırılması üçün qanuni variantların mövcud olub-olmaması ilə maraqlanıblar və bununla bağlı suallar veriblər. Sonda bir daha vurğulandı ki, Boloniya prosesinin həqiqi məzmun-mahiyyətini izah etmək, təhsil sistemində aparılan islahatların düzgün başa düşülməsini təmin etmək üçün sistemli iş aparılmalıdır. 




Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler