Musavat.az
Musavat.az




Müsavat » Xeberler» Xeber

Tehsil eksperti telekanalları yıxıb-sürüdü

15 Temmuz 2016

4:40 am


15/07/2016 [08:37]: xeber –
Sən demə, ANS rəhbərliyi ilə İdman və Gənclər Nazirliyinin rəhbəri arasında İsveçrə saatlarının satışında münaqişə yaranıbmış…Televiziyanın zəfəri onun görüntülü informasiya vasitəsi olmasıdır. Onun faciəsi isə səriştəsizlikdədir. Şou proqramları və mənasız verilişlərə köklənən televiziyalar üçün təhsil və elm sahəsindəki söhbətlər maraqlı ola bilməz. İyulun 14-də Təhsil Nazirliyinin “Məqsəd keyfiyyətdir: təhsilimiz təhlil müstəvisində” adlı hesabat tədbirində bunun bir daha şahidi olduq. Tədbirdə təhsil naziri Mikayıl Cabbarov, millət vəkilləri, ali məktəblərin rektorları, QHT təmsilçiləri və KİV nümayəndələri iştirak edirdilər. Tədbirə demək olar ki, bütün televiziya kanalları dəvət olunmuşdular. Mübaliğəsiz demək olar ki, bu tədbir Təhsil Nazirliyinin keçirdiyi tədbirlər içərisində özünəməxsusluğu ilə seçilirdi. Demək olar ki, təhsilin bütün pillələrinindəki vəziyyət müzakirə olundu. Sual – cavablara geniş yer verildi. Məsələn, təhsil naziri Mikayıl Cabbarovun və Milli Məclisin Elm və Təhsil Komitəsinin sədri akademik İsa Həbibbəylinin çıxışı xüsusilə maraq kəsb etdi.Ancaq tədbirin işıqlandırılması məsələsi mənim kimi xeyli insanı təəccübləndirdi. Telekanallar tədbir barədə məlumat vermədən Mikayıl Cabbarovun tələbə qəbulunun ödənişli həyata keçirilməsinə münasibətini verdilər. Belə çıxdı ki, bu qədər insanlar sanki bu məsələni müzakirə etmək üçün yığışıbmış. Kanalların çoxu tədbirdən heç görüntüləri belə vermədilər. Bu isə tədbirin gücünün xeyli dərəcədə azaldılmasına səbəb oldu.  Vətəndaşlar təhsil haqqında informasiyaları belə alırlarsa, onda onların təhsil haqqında təsəvvürləri necə ola bilər? Televiziyaların maarifçilik missiyasının nüvəsini təhsil təşkil etməlidir. Müğənnilərin çıxışlarının tam mətnini verən, hətta anonslarla zəhləmizi tökən bu “elektron yeşik” ölkənin təhsil nazirinin çıxışındakı fikirləri kontekstdən çıxararaq verir. AMEA-nın vitse prezidentinin çıxışından bir cümləni belə tamaşaçılara çox görürlər. Millət vəkilləri Qənirə Paşayeva, Rəşad   Mahmudov, Fazil Müstafanın dəyərli fikirlərini bir yana qoyaq, heç onların görüntülərini də vermədilər. Məsələn, Fazil Mustafa məktəblərin ətrafında çay evlərinin sayının göbələk kimi artması məsələsinə toxundu. Deputatın bu fikrini verməyən telekanallar həmin çayxanalardan geniş reportajlar veriblər. Bir sözlə, Təhsil Nazirliyinin illik hesabatı sanki qəbul imtahanlarının ödənişli olub – olmaması ilə bağlı keçirilən tədbir kimi cəmiyyətə sırındı.  Görəsən bu cür təlimatlar haradan alınır? Nədən televiziya əməkdaşları eyni təfəkkür daşıyıcılarıdır? 2 saat davam edən tədbirdən verilən materialların bir –biri ilə oxşarlığı bunu deməyə əsas verir. Dünyanın inkişaf etmiş ölkələrində təhsil kanalları mövcuddur. Bu kanallar maarifçilik missiyasını daşıyırlar. Ölkədə idman kanalı, mədəniyyət kanalı var, ancaq təhsil kanalı yoxdur. Kütləvi informasiya vasitələrinin çoxu təhsildə və elmdə qalmaqal güdürlər. Müəllimin şagirdi döyməsi bəlkə 50 dəfə işıqlandırılır. Buna görə təhsilin keyfiyyətini qiymətləndirənlər də olur. Ancaq Nazirliyin hesabatına və orada aparılan dialoqlara 30 saniyə vaxt da ayrılmır. Mikayıl Cabbarovun tələbə qəbulunun ödənişli aparılmasına münasibətini yəqin ki, qəzetlər Məleykə Abbaszadə ilə münasibətlərin gərginləşməsi kimi qələmə verəcəklər. Buna televiziyalar şərait yaratdılar.Düşünürəm ki, təhsilimizi həm də televiziyalardan qorumaq lazımdır. Elə idmanı və gəncləri də buna aid etmək olar. Yadınızdan yəqin ki çıxmayıb, yaxın keçmişdə ANS bir verilişini Azad Rəhimovu “vurmağa” həsr etdi. İnsanlar elə başa düşdülər ki, Azad Rəhimovun sonudur. Ancaq belə olmadı. Sən demə, ANS rəhbərliyi ilə İdman və Gənclər Nazirliyinin rəhbəri arasında İsveçrə saatlarının satışında münaqişə yaranıbmış. Bu məsəl sözgəlişi yadıma düşdü.Tələbə qəbulunu ödənişli aparılması ideyasına daha bir ideyanı da qoşmaq olar. Təhsil haqqında verilişlər də ödənişli olsun. Televiziyalara pul ödəmək lazımdır ki, tədbirləri heç olmasa adlarına uyğun işıqlandırsınlar. Əks təqdirdə onlar istəsələr uşaq bağçalarındakı vəziyyəti Boloniya razılaşmasının şərtlərinin pozulması kimi  qələmə verə bilərlər. Məncə, bu ideyanı da ictimai müzakirələrə çıxarmağın vaxtıdır.Etibar Əliyev, Təhsil eksperti 




Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler