Musavat.az
Musavat.az




Müsavat » Xeberler» Xeber

“Son terror hadisesi ise turizme vurulan “nokaut”du”

29 Haziran 2016

3:52 pm


29/06/2016 [19:51]: xeber –
Terror hadisələri yalnız insan tələfatı ilə bitmir. Ölkənin imicinə də ciddi ziyan törədir. Təəssüf ki, Yaxın Şərq ölkələrindən sonra qardaş Türkiyə də terror əsarətinə düçar olur. Təhlükə səbəbi ilə bu ölkəyə gələn turistlərin sayı da əvvəlkindən qat-qat azdır. Turizm eksperti Azər Bayramov Türkiyənin turizm sahəsinin gələcəyi ilə və bugünkü mənzərəsi ilə bağlı sayt -a açıqlama verib:”Türkiyədə son günlər siyasi müstəvidə baş verən hadisələr demək olar ki, Türkiyə turizminə çox böyük zərbə vurmaqdadır. Xüsusən Türkiyə ilə Rusiya arasında olan təyyarə krizindən sonra demək olar ki, Türkiyənin yay turizmində əsas gəlir mənbəyi olan rusiyalı turistlərin bu ölkəyə istirahət üçün gəlmələri böyük sual altına düşmüşdü. Türkiyədə may ayından etibarən çimərlik mövsümünün start götürüldüyünü nəzərə alsaq görərik ki, son 2 ay ərzində Türkiyəyə gələn rus turistlərin sayı ötən illərə nisbətən çox azdır. Desəm ki, siyasi müstəvidə olan oyunlara görə turizmi qurban verdilər, heç də yanılmaram. Dünən Atatürk Hava Limanında olan üzücü terror hadisəsi isə turizmə vurulan “nokaut” idi. Atatürk Hava Limanı nəyin ki, Türkiyə üçün, regionun digər ölkələri üçün vacib olan hava limanıdır. Dünyanın ən böyük 10 hava limanından biri olan bu limandan hər gün müxtəlif ölkələrə minlərə insan gedib-gəlir. Heç Türkiyəyə gəzmək məqsədiylə gəlməyən minlərlə insan bu hava limanından ancaq tranzit kimi istifadə edir. Təkcə bu tranzit vasitəsi ilə Türkiyə büdcəsi xeyli qazanc əldə edir. Bu terror hadisəsindən sonra həm Türkiyənin yay turizmi, həm də Atatürk Hava Limanının tranzit kimi istifadə olunması çox ağır bir zərbə aldı. Ümumi olaraq götürsək, bu il Türkiyənin yay turizmi elə də yüksək gəlir vəd eləmir. Yalnız bir ona ümid qalır ki, siyasi müstəvidə ciddi şəkildə islahatlar aparılsın”.Mehman Nəbiyev




Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler