Musavat.az
Musavat.az




Müsavat » Xeberler» Xeber

“Sizin müdaxileniz olmadan bu harınlamış ve quldur memurlar…”

04 Ekim 2016

7:16 pm


04/10/2016 [23:15]: xeber –
Hörmətli cənab Prezident!Şəxsi problemlərimlə bağlı Sizə və vəzifəli şəxslərə müraciət etməyin heç vaxt tərəfdarı olmamışam. Bunu ayıb bilmişəm və öz müxalifətçi əxlaqıma  zidd hesab etmişəm.Ancaq bəzi məmurlar Sizə yarınmaq və yaltaqlanmaq yolu ilə daha çox qamarlamaq məqsədilə son vaxtlar müəyyən  qırmızı xətləri də keçməkdən çəkinmirlər. Öz hüquqlarımızı pozmaqla kifayətlənməyənlər indi də övladlarımızın haqq və hürriyyətlərinə saldırırlar. Məhz belə yaramaz məmurların sayəsində 2004 və 2016-cı illərdə iki oğul övladım Azərbaycanı tərk edib,  biri öz qabiliyyətini ingilis xalqının, o biri də ispan xalqının xidmətinə qoyub. Bu qanunsuz təqiblərin nəticəsində ölkəni on minlərlə istedadlı və savadlı gənc tərk edib. 15-20 ildən sonra bunun fəsadlarını Azərbaycan mütləq hiss edəcək.Cənab Prezident!İndi və Sizdən əvvəlki prezidentlərin dövründə, siyasi mövqeyimə görə özümə qarşı olan münasibət;  2007-ci ildə yazılı test imtahanından keçsəm də Azərbaycan Vəkillər Kollegiyasına üzvlüyüə imkan verilməməsi, qanunsuz və əsassız olaraq həbs edilməyim, hüquqşünas kimi nümayəndəlik fəaliyyətimə hər addımda maneçiliklər yaradılması məni qətiyyən narahat etməyib. Mən buna siyasi mübarizənin tərkib hissəsi kimi baxıram.  Bu gün məni şərləyib  həbs edənləri sabah başqaları şərləyib həbs edəcəklər.  Hələ ki, Azərbaycan siyasətinin əxlaqı budur və mən də bu reallıqları qəbullanmışam.Ancaq övladlarımızla bağlı baş verənlərlə barışmaq fikrim yoxdur və bu mümkün də deyil.  Bu atrıq bütün əxlaqi və mənəvi çərçivələrin aşılmasıdır.Dostlarım məni sadəlövhlükdə ittiham etsələr də mən qəti əminəm ki, bu qanunsuzluqlardan  Sizin xəbəriniz yoxdur və olması da mümkün deyil. Paytaxtın mərkəzində qanunsuz tikilən villalar barədə Sizə doğru-dürüst məlumat verməyən məmurlar, quldurluq və reketçiliklə məşğul olduqları artıq sübut edilən xüsusi orqanlar təbii ki, bu barədə də Sizə dəqiq məlumat verməzlər.Bunu həm də öz şəxsi təcrübəmdən dəqiq bilirəm. 2010-cu ilin mart ayından 2016-cı ilin mart ayınadək, 6 il boyunca icra edilməyən məhkəmə qətnaməsinin, məhz Sizin elektron poçtunuza yazdığım məktubdan  sonra, həmin torpaq sahəsi üzərində övladımın mülkiyyət hüququnu təsdiq edən “Çıxarış”ın  cəmi bir gün içində verilməsi  buna sübutdur.Bəzi məmurlar isə öz xislətlərindən əl çəkmək fikrində deyillər.Sizə etdiyim müraciətdən sonra, artıq övladımın xüsusi mülkiyyətində olan, Xocəsən qəsəbəsində, 211 (2 sot) kvadrat metr torpaq sahəsində yerləşən, 50-60 il bundan öncə tikildiyi heç kimdə şübhə doğurmayan ev üzərində övladımın mülkiyyət hüququnun tanınması barədə zəruri tədbirlər görülməsi üçün Binəqədi rayon İcra hakimiyyətinə müraciət etdim. Aldığım cavab, sadəcə olaraq, normal insan məntiqindən kənardır. Binəqədi rayon İH-nin məktubundan aydın olur ki, mən həmin evi sökməliyəm və yeni evin layihəsini təsdiqlətmək üçün İH-ə müraciət etməliyəm. Məsələ tək mənim övladımın problemi deyil. Bu, çox böyük ictimai problemdir.İstər Xocəsən qəsəbəsində, istərsə də Bakı və kənd rayonlarında yüz minlərlə vətəndaşımız eyni problemi yaşayır.  Hələ sovet hakimiyyətinin vaxtından adamların qanuni istifadəsində və ya mülkiyyətində olan torpaq sahələrində yerləşən evlər üzərində mülkiyyət hüququnu təsdiq edən sənədləri yoxdur. İndiki qanunvericiliyimizdə bu problemin iki həll yolu var.Biri Mülki Məcəllənin 180.3-cü yarımmaddəsinə uyğun olaraq, məhkəmə yolu ilə,  digəri də Prezident Fərmanı ilə.MM-nin 180.3-cü yarımmaddəsinə əsasən, ” Özbaşına tikintiyə mülkiyyət hüququ məhkəmə tərəfindən o şəxs üçün tanına bilər ki, tikinti aparılmış torpaq sahəsi onun mülkiyyətində olsun…”Məsələ burasındadır ki,  mən vətəndaşlarımız üçün  bir nümunə və  məhkəmə təcrübəsi yaratmaq məqsədilə, həmin maddəyə istinad edərək,  Binəqədi rayon məhkəməsinə müraciət etdim. Məhkəmə açıq şəkildə qanunsuz qərar qəbul edərək iddiaya baxmaqdan imtina etdi, iddianın mümkünsüzlüyü barədə qərar qəbul etdi. Bakı Apellyasiya Məhkəməsi də eyni mövqeni tutdu. Azərbaycan məhkəmələri, həmin maddənin bu gün də qüvvədə olmasına baxmayaraq, qanunu, məhz mənə görə tətbiq etməkdən açıq şəkildə imtina etdilər.  “Məhkəmə qaydasında mülkiyyət hüququ tanına bilməz”—dedilər. MM-nin 180-ci maddəsi qüvvədən düşübmü?  Yoxsa, Sizin Fərmanla 2000-ci ildən qüvvəyə minən Mülki Məcəllədə belə maddə yoxdur? Mənim siyasi mövqeyimə, adımın hansısa “qara siyahı”da olmasına görə, qanuna qarşı belə hörmətsizlik məndən başqa yüz minlərlə adamın da hüququnu pozur, onların da hüquq və azadlıqlarının  qanuni yollarla müdafiəsi imkanlarını aradan qaldırır. Bu isə yaxşı heç nə vəd etmir.İkinci yol: bu problemi prezident fərmanı ilə birdəfəlik həll etməkdir.Cənab Prezident, yüz minlərlə Azərbaycan vətəndaşı Sizin qərarınızı, Fərmanınızı gözləyir. Sizin müdaxiləniz olmadan, bu harınlamış , quldur məmurlar və rüşvətxorluq bataqlığında boğulan məhkəmələr  vətəndaşlarımızın bu  problemlərinin qanuni yollarla həll edilməsinə imkan verməyəcəklər. Xahiş edirəm, Konstitusiyamızın Sizə verdiyi səlahiyyətlərdən istifadə edərək,  bu problemin birdəfəlik həlli üçün qanuni tədbirlər görəsiniz. Hörmət və ehtiramla,  hüquqşünas Qurban Məmmədov.04 oktyabr 2016-cı il.P.S: Bu müraciət Prezidentin [email protected]/* */ elektron poçtuna göndərilib


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler