Musavat.az
Musavat.az




Müsavat » Xeberler» Xeber

Sevdası böyük olanın imtahanı ağır olar…

12 Temmuz 2016

6:40 pm


12/07/2016 [22:37]: xeber –
           

Sevdası böyük olanın,
imtahanı ağır olar deyiblər əzəldən bəri. İllər öncə desəydilərki, səni düşünməyə
vadar edən bu kəlimələrlə nə vaxtsa canli qarşılaşacaqsan, inanmazdim.
İnansamda, belə sarsilacağım ağlıma belə gəlməzdi. Danışacağim insan, bəzlərinə
tanış, çoxlarinada yad olan sima Səyyarə xanım Namazovadir.

Səyyarə xanım Namazova 1940-cı il 26 iyunda
anadan olub. 1961-ci ildə Azərbaycan Dövlət Teleradio Verilişiləri Komitəsinin
Ekran Yaradıcılıq Birliyində televiziya filmlərinin montajçısı kimi əmək fəaliyyətinə
başlayıb. Səyyarə xanim dəfələrlə 1971, 1977, 1990-cı illərdə Azərbaycan
Televiziya və Radio Verlişləri Komitəsinin rəhbərliyi tərəfindən
mükafatlandırılmışdır. 1972, 1977 və 1982-ci illərdə Moskva Dövlət televiziyası
tərəfindən fəxri fərmanlarla təltif olunmuşdur. Eləcədə 25 ildən artiq fasiləsiz
işinə görə dövlət televiziyası və Moskva dövlət televiziyasi tərəfindən qiymətləndirilmişdir.
1994-cü ildə Teleradio Verilişləri Yayımı Texnologiyasının İstismarı və
İnkişafı şöbəsində texnik, 1999-cu ildən Texniki Nəzarət İdarəsinin Kino
materiallarına nəzarət sahəsinə texnik vəzifəsində çalışıb.

Səyyarə xanım xanım çalışdığı 41 il müddətində
Azərbaycan Dövlət Televiziya və Radio Verilişləri Komitəsində “Salam, Zeynəb!”,  “Bayramda yağış”, “Buta”, “Habil Kaman” və
digər çoxsaylı filmləri montaj etmiş, Sovetlər məkanında və ölkəmizdə maraqla
izlənmişdir. Eyni zamanda Səyyarə Namazova həvəskar fotoqraf olmuşdur. Onun çəkdiyi
şəkillər – “Danışır Bakı”, “Azərbaycan gəncləri”, “Ekran Efir” və s. qəzetlərin
səhifələrində çap olunmuşdur. Hal-hazırda Azərbaycan Dövlət Televiziya və Radio
Verilişləri QSC-nin əmək veteranıdır.

Mən Səyyarə xanımı öz sevgisinə görə öz həyatını,
öz gələcəyini qurban verən insan adlandırıram. Bu sevgi adi sevgi deyil, vətəninə,
anasına, bacısına və nəhayət bacısı qızı Həyata olan sevgidir. Bacısı dünyasını
dəyişəndən sonra, Həyatin bütün öhdəliklərini öz üzərinə götürmüş, qəyyumluq əldə
etmişdir. Həyat anadan gəlmə əlil olduğundan işini belə ona qurban etmiş, onun
qulluğunda durmaqla skleroz xəstəliyi tapmışdır. Təəssüflər olsunki, 2016- cı
ilin yanvar ayında, Həyatın xəstəliyi dahada irəliləyib və dünyadan köçüb. Səyyarə
xanim deyirki, “sevgi elə bir hisdirki, sevərkən həm dərdin olur, həmdə ümidin.
Mən Həyatdan öz anamin, öz bacımın qoxusun alirdım. Həyat məni tək qoydu getdi.
İndi mənim dərdim çoxdu, ümidim yox…

Təəssüflər olsunki, Səyyarə xanımın nə bir fəxri
adı nədə bir ordeni yoxdur. 200 manat təqaüdlə dolanır. Birotaqlı evdə yaşayır.
Bu pul onun dərmanlarina belə bəs etmir. Gözlərinə ağlamaqdan tor gəlir artıq.
Xəstəliyi günü gündən irəliləyir, evdə yeriməyə belə əziyyət çəkir. Bir gününü
ac, bir gününü yari tox keçirdən 41 il Azərbaycan televiziyasinda çalışmış bu
ürəyi təmiz insan bizlərdən bir qəpik belə ummur.                                                                                                                                  Bu görüş zamanı nə hislər keçirdiyimi ifadə etmək
qeyri-mümkündür, bəlkədə bunu bir Allah bilir. Mənə nə qədərdə ağir olsada Səyyarə
xanimin həyat hekayəsini onun dilindən dinləmək, həm mənə, həmdə insanliq üçün
bir həyat dərsidir. Kiminin əvvəli kiminin axiri misalı. Gözlərinə görə
ağlamağa icazə olmasada, ağlayaraq “keçmişimi necə unuda bilərəm, orda mənim
xatirələrim var” deyərək doğma Şuşa haqqinda, Şuşadaki xatirələri haqqında
danişaraq “sanki orani mən hiss edirəm, ora üçün burnumun ucu göynəsədə sanki
bir nəfəs qədər yaxınam Şuşama, sanki düşmən tapdağindan azad olub”.

Sonda sözümü Səyyarə xanımın mənə dediyi,
“oğul nolar getmə, tez-tez gəl, mən darıxıram təklikdə”sözləriylə bitirmək istəyirəm.
Ən azindan biz sosial işçilər və yardim sevər insanlar onun ömrünün bu son
çağlarinda ona dayaq duraq, tək qalmamasina yardımçı olaq.

Müəllif: Ayxan Qəhrəmanov




Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler