Musavat.az
Musavat.az




Müsavat » Xeberler» Xeber

“Seni unuda bilmirem, evlendiyim qadına arxamı çevirib yatıram” – Aile faciesi…

16 Ağustos 2016

7:04 pm


16/08/2016 [23:03]: xeber –
sayt – ın əməkdaşı “Qadın taleyi” rubrikasından daha bir qadının həyat hekayəsini qələmə alıb. Bu dəfə sizə Nərminin (adı şərtidir) həyat hekayəsindən bəhs edəcəyik. O, hərbçi yoldaşı olub.“Əmim arvadının da vasitəçiliyi oldu…”“Ata evimizə qayıtdıqdan sonra demirəm ki, xoşbəxtəm, amma heç olmaya onun sərxoş evə gəlmələrindən, yumruq zərbələrindən canım qurtarıb. Həyat yoldaşım əmimin həyat yoldaşının qohumlarından idi. Elə məni də əmimgildə görmüşdü. Deməzdim bir – birimizi sevirdik, yox, bu işdə əmim arvadının da vasitəçiliyi oldu. Əmim arvadı bilə – bilə ki, oğlan yaxşı adam deyil, yenə də məni bədbəxt eləməkdən qorxmadı.“Bu ailədə isə mənim kimi bir adamın baş çıxarması zülüm idi…”Toyumuz oldu. Onda həyat yoldaşım hələ ki, heç yerdə işləmirdi. Kəndlərində əkinçiliklə məşğul idi. Mən ölkənin şimalından – cənubuna gəlin köçdüm. Həyat yoldaşım evin böyük oğlu idi. Böyük ailələri vardı. Bu ailədə isə mənim kimi bir adamın baş çıxarması zülüm idi. İşsizlikdən məcbur olub gizirlər məktəbinə yazıldı. Altı ay oxuduqdan sonra gizir kimi silahlı qüvvələrimizin N saylı hərbi hissəsində xidmətə başladı. Bir az keçəndən sonra atasıgildən məni də Gəncə şəhərinə gətirib xidmət etdiyi hərbi hissənin yaxınlığında ev kirayələdi.“Müalicədən sonra içki içirdi…”Hər şey yaxşı idi, amma bircə onun içki içməyindən başqa. Bu içməyi isə ona heç cür tərgitdirə bilmirdim. İçki içmək isə onların tayfasında var idi. İki ilə yaxın evli idik, amma uşağımız olmurdu. Həkimlər hər ikimizi müalicə edib deyirdilər ki, oğlan içki içməsin. Əgər içki içsə, bütün müalicələr boşa çıxacaq. Mən də həyat yoldaşıma deyirdim ki, içki içmə, neçə ildi övlad üzünə həsrətik. Heç olmaya bu arzumuz gerçəkləşsin. O, isə sözə qulaq asmırdı. Müalicədən sonra içki içirdi. Bu isə olunan müalicəni məhv edirdi. Beləcə hər il övlad arzumuz ürəyimizdə qalırdı.“Bir dəfə içkili olanda dostları ona deyib ki…”Çox vaxtı evə sərxoş gələndə deyindiyimə görə məni də döyürdü. Bu dava – dalaş həm atasıgildə, həm də Gəncədə baş verirdi. Bir dəfə içkili olanda dostları ona deyib ki, qonşuda bir qadın var gözü – başı qaynayır. Bu da sərxoş vəziyyətdə gedib onların balkonuna çıxıb. Böyük dava düşdü. Qadının həyat yoldaşı polisə şikayət verəndən sonra onu hətta bir neçə günlük həbsdə də saxladılar.“İçkiyə qurşandığına görə silahlı qüvvələrdən qovuldu…”Silahlı qüvvələrin giziri idi, belə bir adamın içki içməyi mənə də ağır gəlirdi. Deyirdim ki, sən hərbçisən. Heç olmasa sənin bir gün sərxoş olmayan vaxtın olacaq? Mənə o qədər işgəncələr verirdi ki, özüm də bezirdim. Axır bir gün evə səxoş vəziyyətdə gələndə yenə dalaşdıq. Gecə saat 3 – də məni küçəyə çıxarıb qapını arxadan bağladı. Mən də qardaşıma zəng vurdum. Qardaşım gecəylə gəlib məni evimizə gətirdi. Bu hərəkətindən sonra dedim ki, qayıtmaram. İçkiyə qurşandığına görə silahlı qüvvələrin sıralarından qovuldu. İndi Bakıda fəhləlik edir. Hər gün zəng vurub deyir ki, barışaq. Amma, mən fikrimdə qətiyəm, barışmaram. Bu yaxınlarda eşitdim ki, ata – anasının təkidindən sonra ailə qurub. Amma, bütün bunlara baxmayaraq yenə də mənə zəng vurub deyir ki: “Səni unuda bilmirəm, evləndiyim qadına arxamı çevirib yatıram”. Bilirəm ki, o, düzələn deyil. Getsin necə istəyir elə də yaşasın”.Vasif Əlihüseyn


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler