Musavat.az
Musavat.az




Müsavat » Xeberler» Xeber

Şehid ailesi bu şad xeberi sebirsizlikle gözleyir…- FOTOLAR

02 Ağustos 2016

7:16 pm


02/08/2016 [23:08]: xeber –
Aprel döyüşlərində qəhrəmancasına şəhid olmuş şəhid əsgərimiz Emin Bağırovu bir çoxları yaxşı tanıyır. Bu gün biz də sayt olaraq şəhidin ailəsi ilə görüşüb Eminlə bağlı xatirələri bölüşdük. Bizi Binəqədi rayonunda şəhidimizin qardaşı Yaqub Bağırov qarşılayaraq evə dəvət etdi. Evdə isə şəhidimizin atası İmran dayı, şəhidimizin anası Sədaqət ana qarşıladı.“Respublika çümpionu olur…”Şəhid Emin Bağırov 1996 – cı il iyulun 15 – i anadan olur. Binəqədi rayonunda yerləşən 182 – saylı orta məktəbdə təhsil alır. Bununla bərabər o, idmanla da məşğul olur. O, həmçinin idmanın “Uşu Sanday” növü üzrə respublika çempionu olur. Çox kasıb ailədə böyüyən Emin evin son beşiyi, üç qardaşın kiçiyi olur. Atası İmran dayı söhbət edərək bildirir ki, ailəsini çox çətinliklə dolandırıb. Amma, bütün bunlara baxmayaraq üç oğlunun tərbiyyəsi ilə də məşğul olur.“Bunun üçün atasının da xeyr – duasını alır…”Emin orta məktəbi bitirdikdən sonra ali məktəbə sənət versə də, bunun üçün çox az balı çatmır. Bununla da o, tələbə adını qazana bilmir. 2014 – cü ilin iyulunda Emin hərbi xidmətə yollanır. İlk olaraq Lənkəran şəhərində xidmətə başlayır. Sonra xüsusi təyinatlıların sıralarına daxil olan Emin oradan Beyləqana göndərilir. O, xüsusi təyinatlıların təşkil edilmiş bütün kurs və təlimlərində uğurla iştirak edir. Atasına bildirir ki, əgər lazım olsa oxumaq üçün Türkiyəyə gedəcək. Bunun üçün atasının da xeyr – duasını alır.“Narahat olmayın, torpaqlarımızı işğaldan azad edirik…”Bir il altı aylıq hərbi xidmətini başa vuran şəhidimiz düşünür ki, müddətdən artıq hərbi qulluqçu kimi qalıb işləsin. Bunun üçün hərbi hissə rəhbərliyi ilə də razılaşma imzalayır. Şəhid ailəsi deyir ki, Emin aprelin 1 – də evə buraxılandan sonra, bir ay evdə dincəlib, yenidən müddətdən artıq hərbi xidmətçi kimi xidmətə başlamalıymış. Aprelin 1 – də hamı Eminin yolunu gözləyir. Amma, o gəlmir. Aprelin 2 – də evə zəng vuran Emin deyir ki: “Narahat olmayın, torpaqlarımızı işğaldan azad edirik, mən hələ gələsi olmadım”. Bu şəhid əsgərimizin sonuncu zəngi olur. Ailə müharibənin bitəcəyini və Eminin evə qayıdacağını gözləyir. Bu günlər ərzində şəhid atası İmran dayı hər gün ağlayır. Özünün dediyi kimi hiss edir ki, Eminə nəsə olacaq.“Axşam saatlarında şəhidin qardaşı Yaquba xəbər gəlir ki…”Aprelin 5 – də qəsəbədə toy olur. Yaxınları şəhidin atası İmran dayını da toya dəvət edirlər. O, toya getmək istəməsə də, yaxınlarının təkidindən sonra toya gedir. Axşam saatlarında şəhidin qardaşı Yaquba xəbər gəlir ki, Eminə nəsə olub. O, da tez toyda iştirak edən dayısı və atasını evə çağırır. Həmin axşam məlum olur ki, Emin şəhid olub. Şəhidin tabutunu gecəylə evə gətirirlər. Aprelin 6 – da isə şəhid əsgərimiz dəfn edilir.Ailə Emindən sonra çox pis duruma düşür. Anası Sədaqət xanım şəkər xəstəliyi tutur. Atasının saçı ağarır. Ona çox inandığını deyən şəhid atası indi çox çətinlik çəkdiyini deyir. İndi Binəqədi rayonunda şəhid əsgərimizin məzarı hamı tərəfindən ziyarət edilir. Bu isə şəhid ailəsini çox sevindirir. Şəhidimiz göstərdiyi qəhrəmanlığa görə üçüncü dərəcəli medalla təltif edilir. Şəhidimizin medalı ailəsinə verilir. İndi şəhid ailəsinin bircə istəyi onun adına yaşaması üçün küçə adı verilməsi və bir də Eminə milli qəhrəman adı verilməsidir. Şəhid ailəsi bu şad xəbəri səbirsizliklə gözləyir.Sonda biz də şəhidimizin atası İmran dayıyla gedib Eminin məzarını ziyarət etdik. Allah şəhidlərimizə rəhmət eləsin!Vasif Əlihüseyn


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler