Musavat.az
Musavat.az




Müsavat » Xeberler» Xeber

“Savadsızlıq, qısqanclıq, seriştesizlik, yoxsa sadece diqqetsizlik?

08 Eylül 2016

5:08 pm


08/09/2016 [21:05]: xeber –
Əziz dostlar! Biz hamımız ehtiyac olduqca VİKİPEDİYA – dan istifadə edirik. Bu məqalələri hazırlamaq hər kəsdən ciddi məsuliyyət tələb edir. Ən azı faktları dəqiq göstərmək lazımdır. “Azərbaycan mətbuatı” səhifəsinin “Müasir mətbuat” bölməsində görün nə yazılıb:”Bütün Sovet Sosialist Respublikası (“Respublikaları” olmalıdır – M.S.) İttifaqında (SSRİ) başlayan yenidənqurma havası Azərbaycana da çatdı və ictimai mühitə kəskin təsir göstərdi. Millətin dirçəliş dövrü kimi tarixdə qalan 1989-cu ildə “Azərbaycan” qəzeti yaradıldı. Müstəqil mətbuatın qaranquşu hesab edilən “Azadlıq” qəzeti də 1989-cu ilin 24 dekabr tarixində işıq üzü görüb. Qəzetə tanınmış jurnalist Nəcəf Nəcəfov rəhbərlik edib.1990-cı ildə “Zerkalo”, “Səs”, 1991-92-ci illərdə “Yeni Müsavat”, “İki Sahil”, “525-ci qəzet”, “Yeni Azərbaycan” qəzetləri nəşr olunmağa başladı.1998-ci ilin avqust ayının 6-da prezident Heydər Əliyevin imzaladığı xüsusi Sərəncamla Azərbaycanda mətbuat üzərindən senzura götürüldü. Həmçinin, 1999-cu ildə Kütləvi İnformasiya Vasitələri (KİV) haqqında Azərbaycan Respublikasının Qanununun (ARQ), digər hüquqi-normativ aktların qəbulu həyata keçirilib.Prezident İlham Əliyevin 31 iyul 2008-ci il tarixli Sərəncamı ilə “Azərbaycan Respublikasında Kütləvi İnformasiya Vasitələrinin (KİV) inkişafına Dövlət Dəstəyi Konsepsiyası (DDK) kimi mühüm bir sənəd təsdiq olunmuşdur. Konsepsiyaya uyğun olaraq 22 may 2009-cu ildə Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondu (DDF) yaradılmışdır.Azərbaycan öz müstəqilliyini bərpa etdikdən sonra bir çox millim-mənəvi dəyərlərə qayıdış mətbuat sahəsində də özünü göstərdi.Bu gün ölkəmizdə yüzlərlə mətbuat orqanı-qəzet və jurnal fəaliyyət göstərir.Milli mətbuatımız illər keçdikcə daha da büllurlaşacaq, saflaşacaqdır.Azərbaycan Respublikasının Prezidentinin sərancamı ilə “Əkinçi” qəzetinin nəşrə başladığı gün -22 iyul Milli mətbuat və jurnalistika günü kimi qeyd olunur.Hazırda ölkədə 4500-ə yaxın mətbuat orqan Ədliyyə Nazirliyində (ƏN) qeydiyyatdan keçib”.Əziz dostlar! Müstəqil Azərbaycan mətbuatının ilk qaranquşu birinci nömrəsi 1989 – cu il avqustun 4 – də nəşr olunan “Səhər” qəzetidir. “Səhər” 1991 – ci ildə yüksək tirajla nəşr edilən yeganə gündəlik qəzet olub, ictimai fikrə təsir edən, xarici kütləvi informasiya vasitələrinin istinad etdiyi ən etibarlı xəbər mənbəyi rolunu oynayıb. “Səhər” müstəqil Azərbaycanımızın ilk illərinin canlı salnaməsidir. Necə ola bilər ki, “Vikipediya” məlumatında Azərbaycan mətbuatında iki milyon tirajla nəşr olunan yeganə qəzetin adı belə çəkilmir? Bunu biz necə adlandıraq? Savadsızlıq, etinasızlıq, qısqanclıq, səriştəsizlik, yoxsa, sadəcə, diqqətsizlik?Məzahir Süleymanzadə, 90-cı illərin əvvəllərində çap olunan “Səhər” qəzetinin baş redaktoru, tanınmış jurnalist


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler