Musavat.az
Musavat.az




Müsavat » Xeberler» Xeber

Rusiyanın “İsgender” raketlerine qarşı İsrail silahları…

27 Eylül 2016

6:52 am


27/09/2016 [10:48]: xeber –
Rusiyanın Ermənistana “İsgəndər-M” raketləri verdiyi ortaya çıxdıqdan sonra Azərbaycanın bu cür silahları zərərsizləşdirmək gücünə malik raketdən müdafiə sistemləri istehsalı edən İsraillə daha da yaxınlaşması gündəmə gəldi. İsrail ərazi və əhali baxımından Rusiyadan dəfələrlə kiçik olsa da, hərbi sənayesi, siyasi gücü dünya siyasətində söz sahiblərindən biri olmağına imkan verir.Bəzi ekspertlər isə hesab edir ki, Rusiyanın ermənilərə ən müasir silahlar verdiyi bir zamanda Azərbaycan İsraillə yaxınlaşmaqla sanki cavab addımı atır. Bu baxımdan, Azərbaycanın belə bir ölkə ilə yaxınlaşmasının gətirəcəyi dividentlərlə yanaşı, risklər də ola bilər. Bu mövzuda  danışan politoloq Şahin Cəfərli bildirdi ki, İsrail dövləti ilə yaxın münasibətlərin faydasını Azərbaycan ictimaiyyəti qısamüddətli aprel döyüşləri zamanı gördü: “Bu ölkədən alınan texnoloji silahlar və hərbi sistemlər sayəsində Azərbaycan Silahlı Qüvvələrinin işğalçı ordu qarşısında üstünlüyü ortaya çıxdı. Hazırda ikitərəfli əməkdaşlığın hərbi aspekti digər aspektlərdən daha çox önə çəkilib. Əslində siyasi münasibətlər də yaxşı səviyyədədir və iki ölkə arasında hər hansı problem yoxdur. Lakin Azərbaycanın İsraildə səfirlik açmaması siyasi münasibətlərə az da olsa, kölgə salan amildir. Azərbaycan bu məsələdə ərəb dünyasının mövqeyini nəzərə alır. Çünki ərəb dövlətləri ilə münasibətləri qaydasında saxlamaq da Azərbaycan üçün çox önəmlidir, xüsusən ərəb ölkələrinin çoxluq təşkil etdiyi İslam Əməkdaşlıq Təşkilatı bizim üçün vacib beynəlxalq platformalardan biridir. BMT başda olmaqla, digər beynəlxalq təşkilatlar çərçivəsində ərəblərin və digər müsəlman ölkələrinin dəstəyi də qiymətlidir. Bu səbəbdən Azərbaycan İsraillə münasibətlərində bir qədər ehtiyatlı davranır”.Ş.Cəfərlinin sözlərinə görə, əməkdaşlığın hərbi aspektinin inkişafı İsrail tərəfinin Azərbaycana verdiyi önəmin göstəricisidir. Azərbaycanın müsəlman dünyasında dini radikalizmdən uzaq azsaylı dünyəvi ölkələrdən biri olması, İsrailə düşmən kimi yox, dost kimi yanaşması, ölkəmizdə antisemitizmin müşahidə edilməməsi və yəhudilərin burada rahat, təhlükəsiz şəraitdə yaşaması İsrailin bizə isti münasibətinin əsas səbəbləridir: “Digər amil isə Azərbaycanın geostrateji mövqeyi ilə əlaqədardır. Azərbaycan İranla həmsərhəd ölkədir və bu ölkə ilə uzun sərhəd xəttinə malikdir. Bu gün İsrailin təhlükəsizliyinə əsas təhdid mənbələrindən biri isə məhz İran dövlətidir. Bu səbəbdən Azərbaycanla yaxınlıq İsrailə lazımdır. İki ölkə münasibətlərində mediaya, ictimaiyyətə məlum olmayan müəyyən gizli istiqamətlərin olduğunu da düşünürəm. Məhz bu məsələlərin nəticəsidir ki, İsrail hər ölkəyə satmadığı müasir hərbi vasitələri Azərbaycana həvəslə satır. Məsələn, onlar bu cür texnoloji silahları Ukraynaya satmaqdan imtina ediblər. Bunun əsas səbəbi Ukraynanın bilavasitə Rusiya ilə müharibə vəziyyətində olmasıdır. İsrail Rusiya ilə münasibətlərinin pozulmasını istəmir”. Ekspert vurğuladı ki, Azərbaycan öz hərbi qüdrətini artırmaq üçün İsraillə əməkdaşlığı davam etdirməlidir: “Hərbi ekspert olmadığım üçün bu mövzuda geniş danışmağım doğru olmaz, ümumi şəkildə yalnız onu demək istəyirəm ki, Azərbaycan ”İsgəndər” və digər potensial raket təhdidlərindən qorunmaq üçün raket hücumundan müdafiə çətirinə sahib olmalıdır. Hazırda dünyada raket hücumundan müdafiə sistemləri hazırlayan ən qabaqcıl dövlətlərdən biri də məhz İsraildir. Bu sahədə İsrail bizə kömək edə bilər. Doğrudur, ölkə iqtisadiyyatının durumunu və maliyyə çətinliyini nəzərə alsaq, Azərbaycanın bahalı silah sistemləri almaq gücündə olub-olmadığı bir az qaranlıq qalır”. Ş.Cəfərli sonda onu da qeyd etdi ki, İsraillə əməkdaşlığın yaratdığı üstünlüklərdən biri də ABŞ başda olmaqla, dünyadakı güclü yəhudi lobbisi ilə yaxın əlaqə qurulmasıdır. Erməni lobbilərinin Azərbaycan əleyhinə təşəbbüslərini əngəlləmək üçün yəhudi təşkilatları ilə əlaqələr çox mühümdür.(“Yeni Müsavat”)


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler