Musavat.az
Musavat.az




Müsavat » Xeberler» Xeber

Rusiya Vladimirleri Vladimire heykel qoydular – FOTO

05 Kasım 2016

5:12 am


05/11/2016 [09:09]: xeber –
Noyabrın 4-də Moskvada Kreml divarları yaxınlığında Knyaz Vladimirin 17,5 metrlik hündürlükdə heykəlinin açılışı oldu. Maraqlısı odur ki,  heykəlin açılışında dörd Vladimir iştirak edirdi: Birinci, heykəlin özü – Knyaz Vladimir Svyatoslaviç, prezident Vladimir Putin, mədəniyyət naziri Vladimir Medinskiy və patriarx Kiril kimi tanınan Vladimir Qundyaev. Çıxış edən Vladimirlər Rusiyanı provaslav kilsənin dayağı ilə  Kremldəki Vladimirin ətrafında sıx birləşməyə və nəticədə Vladimir adının mənasına uyğun olaraq “dünyanın sahibi” olmağa çağırdılar.Açılışda Vladimir Putinin yanında ağ saçlı bir qadın da iştirak edirdi. Bu məşhur yazıçı Aleksandr Soljenitsinin dul qadını Natalya Soljenitsinadı. Natalya Dmitriyevna təsadüfən dəvət olunmamışdı. SSRİ rejiminə düşmən olsa da yazıçı Soljenitsin qatı velikorus şovinist millətçi, yeni Rusiya millətçiliyinin atası kimi tanınır. Rus imperiyasının zəbt etdiyi torpaqları dağıtdığı üçün Qorbaçova, Yeltsinə nifrət edirdi. O Yeltsinə ki, ona sığınacaq vermiş, ABŞ-dan vətənə dönməyi xahiş edib, təntənəli qarşıladı. Soljenitsin Polşanın NATO-ya üzv etdiyinə görə, ona sığınacaq vermiş ABŞ-a da nifrətini gizlətmirdi. Soljenitsin heç vaxt demokrat olmayıb, insan haqlarından çox onu imperiya maraqları düşündürüb. Soljenitsin 1998-ci ildə “Rusiya uçurumda” ( Rossiya v obvale) kitabında Rusiyanı yenidən dirçəltməyin, yenidən imperiya olmağın yollarını göstərmiş və Kremldəki Vladimir yazıçı Soljenitsinin bu kitabdakı ideyalarını həyata keçirməklə məşğuldur. Natalya Soljenitsina bir simvol kimi açılşa dəvət olunduğu açıq hiss olunurdu.Rus millətçiliyi dövlət siyasətinin tərkib hissəsi kimi özünün çiçəklənmə dövrünü yaşayır. Revanş götürmək, “rus əsgəri çəkmələrini Hind okeanında yumalıdır” ideyası 1933-cü ilin Almaniyasını xatırladır. 4 noyabrda “Milli birlik” adı altında  Moskvada keçirilən nümayişdə siyasi partiya rəhbərləri imperialist şüarlar səsləndirməkdən çəkinmədilər, gənclər isə Böyük Britaniya səfirliyini mühasirəyə aldılar. Böyükdən balacaya, keşişindən ateistinə, alimindən alkoqolikinə, əsgərindən generalına kimi ölkə təhlükəli fazaya daxil olub.  Böyük təhlükənin qonşuluğunda olmağın ağır nəticələrini Azərbaycan iki əsrə yaxın tarixində yaşayıb, indi də Qarabağın işğalı ilə yaşayırıq. Təhlükə sovuşmayıb…Azərbaycan perspektiv təhlükədən yayınması üçün daxili və xarici siyasətində ölçülü-biçili xətt yürütməli, qlobal dünyada ciddi müttəfiqlər seçməlidir. Qarabağı işğal edib Ermənistana verən və ermənini strateji müttəfiq elan edən Rusiyanın nə vaxtsa bizi dəstəkləməsinə ümid etmək təbliğatını aparanlar səhv düşünürlər. Seçimdə strateji düşünməli, dövlətin, məhz dövlətin maraqlarından çıxış etmək lazımdır.İlham İsmayıl, xüsusi olaraq sayt üçün


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler