Musavat.az
Musavat.az




Müsavat » Xeberler» Xeber

Rus uçağının vurulmasıyla bağlı daha bir İDDİA…

23 Ağustos 2016

9:52 pm


24/08/2016 [01:48]: xeber –
AKP-yə yaxınlığı ilə tanınan jurnalist, siyasi şərhçi Abdülkadir Selvi Türkiyənin “Hürriyyət” qəzetində yayımlanan son yazısında Rusiyaya aid qırıcının vurulduğu gün Türkiyənin İŞID-a qarşı Suriyaya qoşun yeritməyi planlaşdırdığını, ancaq qırıcının vurulmasının planın təxirə salınmasına səbəb olduğunu iddia edir. sayt həmin yazını tərcümə edərək oxucularına təqdim edir.“Böyük Cerablus əməliyyatı üçün bütün hazırlıqlar görülmüşdü. Suriyalı müxalif qüvvələr və Türk ordusu qurudan girəcək, ABŞ hərbi hava qüvvələri havadan dəstək verəcəkdi. Cerablus İŞID-dan təmizləndikdən sonra Suriyanın şimalında “təhlükəsizlik zonası” (güvenli bölge) yaradılacaqdı. Böyük İyirmiliyin zirvə görüşü üçün Antalyaya gələn Putinə xəritələr üzərində əməliyyat haqqında məlumat verilmiş, rus lider “Biz yüksək səslə etiraz edərik, ancaq üzərində durmarıq” demişdi. Ortaq hücum planı ABŞ ilə birlikdə hazırlanmış, hərbi qüvvələr sərhədə dislokasiya edilmiş, Böyük Cerablus əməliyyatı üçün start verilməsi qalmışdı. 24 Noyabr 2015-ci il idi. O gün rus hərbi təyyarəsi vuruldu. Nəinki Cerablus əməliyyatı təxirə salındı, o gündən etibarən Suriya hava məkanında təyyarə uçurmaq imkanını da itirdik. Sərhəddən ancaq “Fırtına” artilleriya sisteminin mənzili daxilində qalan ərazilərə cavab atəşi aça bildik.2-ci Careblus əməliyyatı üçün hücuma hazırlaşanda isə İŞID bu dəfə Qaziantepdə toyu qana bələdi.  Hər an başlanılması gözlənilən Cerablus əməliyyatının pərdə arxası çox qəribədir. Menbiç əməliyyatında Türkiyənin PYD-YPG həssaslığına görə ABŞ, Demokratik Suriya Qüvvələri (DSQ) adı altında bir qruplaşma yaratdı. DSQ əsasən kürd silahlılarından ibarətdir. PYD-YPG Cerablusa hücuma hazırlaşırdı ancaq Türkiyənin diktəsi ilə ABŞ, əməliyyatı Türkiyə dəstəkli suriyalı müxaliflərin etməsinə razı oldu. Qaziantepdə terror hadisəsinin baş verdiyi gecə Cerablus əməliyyatına qatılacaq hərbi qüvvələrin dislokasiyası həyata keçirildi. İŞID, Cerablus əməliyyatı planına görə Qaziantepdə qanlı terror hadisəsini törətdi.Cerablus İŞID üçün əhəmiyyət kəsb edir. Cerablus İŞID-dan təmizlənsə növbə Rakkaya gələcək. Cerablus Türkiyə üçün isə daha böyük əhəmiyyət kəsb edir. Bununla həm İŞID terror qruplaşmasını sərhədlərimizdən uzaqlaşdıracağıq, həm də Kobanidən Afrinə bir kürd koridoru yaradılmasının qabağını alacağıq. Cerablus əməliyyatının ikinci vacib tərəfi isə Türkiyənin Suriya siyasətinin dəyişdiyi bir vaxta təsadüf etməsidir. Rusiya ilə yaxınlaşmağın nəticələrindən biri Suriyada ortaya çıxdı. Türkiyə hal-hazırda Suriyanın ərazi bütövlüyünü müdafiə edən Rusiya, İran və Suriyadan təşkil olunan bir blokda yer alır. Ancaq İŞID-a qarşı əməliyyatlarda isə ABŞ ilə birgə hərəkət edir.”


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler