Musavat.az
Musavat.az




Müsavat » Xeberler» Xeber

Rövneq Abdullayev: “İstiqrazlara teleb iki defe çox oldu”

18 Ekim 2016

8:00 am


18/10/2016 [11:57]: xeber –
“100 milyon bizim gündəlik əməliyyatlarımızda istifadə olunan bir məbləğdir. O baxımdan istiqrazlarla bağlı hər hansı bir risl yoxdur”. Bu sözləri bu gün SOCAR istiqrazlarının satışının yekunlaşması və təkrar bazar əməliyyatlarının başlanması ilə bağlı keçirilən mətbuat konfransında SOCAR prezidenti Rövnəq Abdullayev bildirdi. Konfransda SOCAR prezidenti Rövnəq Abdullayevlə yanaşı, Milli Depozit İdarə Heyətinin sədri Araz Əliyev, Bakı Fond Birjasının İdarə Heyətinin sədri Fariz Əzizov, SOCAR-ın iqtisadi məsələlər üzrə vitse-prezidenti Süleyman Qasımov və SOCAR-ın kapital bazarları üzrə baş məsləhətçisi Ali Ağaoğlu iştirak etdi.Tədbirdə çıxış edən SOCAR prezidenti Rövnəq Abdullayev xalqımızı Azərbaycanın müstəqillik günü münasibəti ilə təbrik etdi. R. Abdullayev vurğuladı ki, bu Azərbaycan bazarında yeni mərhələdir: “Elə bir dövr gəlib ki, artıq şirkətlər gəlirlərini xalqla bölüşməlidirlər. Bu səhmlə ola bilər,  istiqrazla ola bilər. Müxtəlif alətlərlə  vətəndaşlarımız da ölkənin iqtisadi inkişafında iştirak etməlidir. Bu istiqrazların bazarda uğur qazanmasında bir çox dövlət qurumları iştirak ediblər.  Mən Maliyyə Bazarlarına Nəzarət Palatasına minnətdarlığımı bildirirəm. Bakı Fond Birjasına, “ASAN” xidmətə, banklara təşəkkürümü bildirirəm. Bu Azərbaycanda bir ilkdir. İndi biz bu işə uğurla başladıq. Əsas məqsədimiz bu istiqrazlardan xalqın, fiziki və hüquqi şəxslərin qazanması idi. Çox yaxşı nəticə əldə etdik. 100 milyon istiqraz buraxdıq. 200 milyon tələb gəldi və sifariş verənlərin əksəriyyəti fiziki şəxslər idi. Bu da çox yaxşı nəticədir. Artıq bazarda SOCAR istiqrazlarını  alınıb-satılmasının ikinci mərhələsi başlayır. Qiymətli kağızlarmız bazarda olacaq, biz də market-meyker kimi bazarda olacağıq. Nominal dəyərdən, yəni 1000 manatdan hər zaman istiqrazları almağa hazır olacağıq.İstənilən şəxs vəsaitlərini həmin gün geri ala bilər. Biz SOCAR olaraq 2 milyarddan çox məbləğdə  avrobond buraxmışıq və heç bir Avropa bankına verməmişik. Həmin istiqrazlar belədir ki, onu alırsansa neçə il müddət qoyulubsa ondan sonra satmaq mümkündür”. Rövnəq Abdullayev onu da vurğuladı ki, növbəti mərhələdə də istiqraz buraxacağıq və artıq onun faizi daha az olacaq: “Bunu 2017-ci il üçün nəzərdə tuturuq. Həmin istiqrazların şərtləri bu qədər əlverişli olmayacaq”. Milli Depozit İdarə Heyətinin sədri Araz Əliyev də çıxış edərək SOCAR istiqrazlarının digər qiymətli kağızlardan daha maraqla qarşılandığını və bazarda canlanma yaratdığını vurğuladı: “SOCAR-ın uğurlu enerji siyasəti nəticəsində əldə etdiyi nailiyyətlər iqtisadiyyatımıza birbaşa təsir göstərir, dövlətimiz də bu nailiyyətlərdən bəhrələnir. SOCAR istiqrazları da bazarda digər qiymətli kağızlardan daha maraqla qarşılandı. İstiqraz satışı tam şəkildə həyata keçirilib. Çünki bazarda yeni və etibarlı investisiyaya ehtiyac var. SOCAR istiqrazları bazarda bu durğunluğu aradan qaldırdı. Hazırda bazarda canlanma var. İstiqrazların likvitliyi tələbatın rekord həddə çatmasına səbəb oldu. Bu böyük uğurdur”. Tədbirin sonunda jurnalistlərin sualları cavablandırıldı. 


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler