Musavat.az
Musavat.az




Müsavat » Xeberler» Xeber

Rotşildler öz pul dezgahı ve valyutasını yaratmaq isteyir… – ARAŞDIRMA

11 Temmuz 2016

10:00 am


11/07/2016 [13:58]: xeber –
Böyük Britaniyanın AB-dən qoparılmasının və Avropaya kütləvi miqrasiyanın kökündə həm də bu niyyət dayanır.Dünyada iqtisadi  və hərbi-siyasi proseslərin yönləndirilməsindən danışdığımız ötən yazımızda yəhudi əsilli sələmçi-bankir, super oliqarx nəsli olan Rotşildlərdən  bəhs etmişdik. Hətta Türkiyə lideri R.T.Ərdoğanın da Rotşildlərdən dəstək alması barədə iddiaların olduğunu söyləmişdik. Söz verdiyimiz kimi yeri gəldikcə transmilli maliyyyə şəbəkələrinin planetdəki önəmli olaylardakı yeri barədə danışacağıq. Bu dəfə Böyük Britaniyanın Avropa Birliyindən ayrılmasında Rotşild-Rokfeller qarşıdurmasının rolundan söz açacağıq. Dünyada ən çox pul sələmçilərdədir… Öncəki yazımızda qeyd etdiyimiz kimi, əllərində daha çox maliyyə vəsaiti olan bir neçə insanın bəşəriyyəti “Allahın əlindən alıb” idarəetmə cəhdləri tam təbiidir. Bu, insanın fitrətindəki daha güclü, daha varlı olmaq xislətindən irəli gəlir. Ən çox pul isə kimdədir? Təbii ki, Allahın  öncəki kitabları kimi, Quranda da haram buyurduğu sələmçilikdən- “faiz yemə”dən gəlir götürənlərdə… Hazırda Azərbaycanda da bank kreditorluğu ilə yanaşı, fərdi sələmçiliyin  insanların, bütöv ailə və nəsillərin taleyinə hansı zərbələr vurduğunun şahidiyik. Sələmin insanlığın başına gətirdiyi fəlakətlər  barədə, inşallah, başqa bir yazımızda geniş bəhs edəcəyik. “Balina”lar “akula”lar “iri balıq”ları, “iri balıq”lar “xırda balıq”ları “yeyir”… Çox vaxtçı iqtisadçı ekspert və politoloqlar dünyadakı iqtisadi prosesləri müəyyən mürəkkəb qanun və düsturlarla izah etməklə insanları bilərəkdən, ya bilməyərəkdən çaş-baş salırlar. Əslində məsələlərin mahiyyəti çox sadədir… Əsrlərdən bəri bir qrup Allah, bəşər düşməni heç bir mənəvi-əxlaqi, siyasi-iqtisadi qayda-qanun gözləmədən sələmçilik, quldurluqla varlanıb. Və həmin xaosda “balinalar”, “kit”lər “akula”ları, “akula”lar böyük balıqları, iri “balıq”lar xırda “balıq”ları, xırda “balıq”lar “həşərat”ları, “həşərat”lar isə “mikrob”ları və s. “yeyir”.  Bu savaşda güclülərin “köpəkdişi” rolunu məhz sələm oynayır. Təsəvvür edin ki, bir kənddə, yaxud şəhərdəki böyük bir sələmçi oradakı neçə evi, neçə ailəni dolayısıyla nəzarət və təzyiq altında saxlaya bilir. Eyni zamanda o, həmin məkandakı digər güclü bir sələmçi ilə rəqabətə girir və onlar məntəqəni nüfuz dairələrinə bölməyə çalışırlar. Razılığa gələ bilməyəcəkləri halda bu rəqabət dava-dalaş, hətta silahlı qarşıdurma və qətllərlə də nəticələnə bilir. Eyni fikri böyük banklar haqqında da söyləmək mümkündür. Bu misalı dünya çapı qədər böyütsək, nəhəng sələmçi oliqarxların fəaliyyət və rəqabətinin nəticələrini təsəvvür etmək çətin olmaz. Ümumdünya Sələmçi Şəbəkəsi dövlətləri daim təzyiq altında saxlayır… Digər tərəfdən, heç bir sələmçi və ya bank rəhbərinə sadə vətəndaşların dolanışığının yaxşılaşması, maaşların normal səviyyədə yüksəlməsi sərf etmir. Bəs krediti, sələmi kim alacaq? Qlobal iqtisadiyyatdakı anormal proseslər də elə  bu adi amillərdən doğur.  Transmilli korporasiyalar  irili-xırdalı bütün dövlətlərə sələm paylayaraq hamını özlərindən asılı vəziyyətə salmaq istədiyindən kreditlə dolanan dövlətlər də,  mümkün yollarla vətəndaşları “əzib suyunu” çıxarmağa” məcburdurlar… Son vaxtlar demək olar ki, hər il, bəlkə də hər il parlamentlərdə yeni-yeni vergi, cərimə növlərinin icadı və qəbulu baş verir. Bu proses də məhz ÜMUMDÜNYA SƏLƏMÇİ ŞƏBƏKƏSİNİN oyuncaqları olan Beynəlxalq Valyuta Fondu, Dünya Bankı, Federal Ehtiyat Sistemi və s. beynəlxalq qurumların birbaşa və dolayı təzyiqləri altında baş verir. Yeni qayda-qanunları xoşluqla qəbul etməyənlər isə sanksiya, daxili savaş, teraktlar və s. ilə cəzalandırılır…Oliqarxlar arasındakı rəqabət nəticəsində bazarlar dağıdılır…Paytaxtımızda və ya rayon mərkəzlərimizdə dəfələrlə belə hallar olur: icra başçısı ilə arxasında  hər hansı bir nazirin durduğu oliqarx arasındakı rəqabət ucbatından əhali üçün tam rahat yerdə yerləşən bir satış bazarı zorla şəhərdən kənara çıxarılır, yaxud həmin obyektdə güclü yanğın törədilir. Yüzlərlə, bəzən minlərlə insan işsiz qalır, illərlə topladıqları qazanc əllərindən çıxır. Və kiçik və orta sahibkarlar məcburən təzə bazarlara köçməyə və yeni qaydalarla hesablaşmağa  məcbur olurlar. Dünya çapında da belə olaylar minlərlə, milyonlarla dəfə böyüdülmüş  miqyasda baş verir. Konspiroloqlar Brutaniyanın Avropadan ayrılmasına, ayrı-ayrı ölkələrdəki müharibə və kütləvi terror aktlarına da məhz belə bir kontekstdən yanaşırlar…  Rotşildlər Britaniya mühazikarlarına dəstək verdi və… Ötən ay Böyük Britaniyada AB-də qalıb-qalmamaq  barəsində keçirilmiş referendum onu səhnəyə qoymuş  Mühafizəkarlar Partiyasından ötrü  seçicilərin səsini qazanmaq və AB-dən öz ölkəsinin üzvlüyü üçün daha sərfəli şərtlər “qoparmaq” məqsədi daşıyırdı. Yəni, mühafizəkarlar ölkələrinin Birlikdən tam ayrılmasını istəmirdi. Rotşildlərin isə niyyəti bambaşqa idi. Britaniyanın AB-dən çıxması onların tam ürəyincə oldu. Qeyd edək ki, “Rotşildlər” deyəndə yalnız konkret bir transmilli ailə deyil,   neçə-neçə ailə, klan və təsir qruplarının konqlomeratı nəzərdə tutulur. Bu nəhəng super-oliqarx toplusu  şərti olaraq “Rokfellerlər” adlandırılan digərlərinə opponentlik edən qlobal Yeni Dünya Düzəni layihəsini yürüdür…Beləliklə, öncəki sualımıza qayıdaq: “Breksit”, yəni Britaniyanın AB-dən ayrılması Rotşildin nəyinə lazımdır?“Ərəb baharı”ndan Breksitə aparan yol…Hələ 2011-ci ildə Şimali Afrikadakı təlatümlərin, Liviya lideri Kəddafinin məhv edilməsinin arxasında Rotşildlərin nəhəng maliyyə klanının durduğu göstərilirdi.. “Ərəb baharı”nın koordinasiyası Rotşldlərin Beynəlxalq Krizis qrupu (International Crisis Group) tərəfindən həyata keçirilirdi. Bu prosesin “Breksit”lə bağlılığını bir azdan biləcəksiniz…ABŞ Mərkəzi Bankına əsasən Rokfellerlər nəzarət edir… Rotşildlər ailəsinin böyüklərinin baş qərargahı London sayılır və Britaniyada onlar ənənəvi olaraq böyük nüfuza malikdirlər. Klanın əsas mərkəzləri London və Honkonqdadır.  Avropa elitalarına güvənən bu şəbəkə Nyu-Yorkda arxasında Rokfellerlərin dayandığı “Çeylz-Manxetten Bank”la rəqabət aparır. Həm də Rotşildlərin ümidləri Britaniya Krallığı ilə yox, Avropa və Çinlə bağlıdır. Bunun niyə belə olduğunu anlamaq üçün  iki qlobal klanın – şərti “rotşildlər”  və “rokfellerlər”in, onların maliyyə-siyasi konqlomeratlarının  apardığı rəqabətin strukturuna göz yetirmək gərəkdir. Rokfellerlərin dayağı və pul kisəsi ABŞ-ın Mərkəzi Bankı qismində görünən Federal Rezerv(Ehtiyat) Sistemidir. 1913-cü ildən bəri Rokfellerlərlə bərabər Rotşildlərin bankları da bu nəhəng pul çap edən dəzgahın səhmdarlarıdır. Ancaq FES-in meydanı bütövlükdə onların yox, rəqiblərinin, yəni Rokfellerlərindir. Rotşildlər FES-də yürüdülən proseslərdə iştirak etsələr də,  bütövlükdə bu sistemə nəzarət edə bilmirlər. Bu da təbii ki, həmin nəhənglərin içində qəzəb və  kin oyadır. Odur ki, Rotşildlər də nəsə sırf özlərinə məxsus bir maliyyə sistemi qurmaq istəyirlər. İllah da FES-in gələcəyi və ABŞ-ın hegemonluğu barədə daha çox sualların yarandığı indiki dövrdə… Rotşildlər FES-ə alternativ “çap dəzgahı” qurmaq istəyirlər…Beləliklə, Rotşildlərin məqsədi FES-ə alternativ olan, özlərinə məxsus qlobal maliyyə sistemini və deməli, öz valyutasını və çap dəzgahını yaratmaqdır. Bundan əlavə, Rotşildləri Rokfellerlərdən  onların qloballaşmanın gələcəyinə baxışları da fərgləndirir. Bayaq dediyimiz kimi, hər iki nəhəng klanın özünəməxsus qlobal  layihələri mövcuddur.  Hər ikisi  eyni strateji məqsəd güdür- Vahid Dünya Dövləti…  Amma Rokfellerlər Vahid Dünya Dövlətinin dolların və Amerika hegemeonluğunun xətti ilə, Rotşildlər isə beynəlmiləl qlobalizm və hələlik yevronun hökmranlığı xətti ilə qurulmasının tərəfdarıdır. Planda ABŞ dövlətinin sarsıdılması da var…Əgər birincilər qloballaşmanın mərkəzinin və qurulan Yeni Dünya Düzəninin baş  qazanclısının ABŞ və FES-ə nəzarət edən klanlarının olmasını istəyirlərsə, Rotşildlər daha irəli gedirlər… Onların modeli bütün dövlətlərin, o cümlədən ən əsas dövlət olan ABŞ-ın da zəiflədilməsini nəzərdətutur. Görünür, son vaxtlar Amerikada   çoxalan kütləvi teraktlar və ağ-qara qarşıdurmaları  məhz  bu planlara uyğun olaraq həyata keçirilir. Rotşildlər tərəfindən qurulan  yeni dünya arxitekturasının mərkəzində  hər hansı dövlət və ya regional nəzarətdən uzaq, dövlətlərdən yuxarıda duran və bu klana tabe olan idarəetmə qurumları durmalıdır. Və aydındır ki, prosesin əsas moderatoru və qazanclısı da Rotşildlər özləri olmalıdır.Rokfellerlər və deməli, ABŞ-la da amansız rəqabət şəraitində Rotşildlər alternativ dayaq axtarmağa məcburdurlar. Və onlar bunu demək olar ki, tapıblar… Rotşildlərin əsas dayağı və “pul kisəsi” Çindir…Hazırda Rotşildlərin əsas pul kisəsi və müttəfiqi Çindir. Köhnə Amerika hegemonluğuna meydan oxuyacaq yeni dünya mərkəzinin yaradılması da məhz Çinlə bağlıdır. Yadınızdadırsa, ötən bir neçə ildə Rotşildlərin öz kapitallarını Pekin və Honkonqa daşıması barədə informasiyalar yayılmaqdadır. Pekinlə ittifaq xatirinə Rotşildlər Rusiya ilə də müvəqqəti birliyə getməyə hazırdırlar. Bu məqsədlə onlar Rusiyanı və daha geniş götürsək, Avrasiya ərazisini öz qlobal planlarına uyğunlaşdırmalıdırlar. Beləliklə, Rotşildlərin Çinlə problemləri yoxdur. Əngəllər Avropa ilə bağlıdır…Krımın Ukraynadan alınmasında Çinin marağı nədir?Dünya liderliyi uğrunda mübarizədə udmaq üçün amerikanlar öz qarşılarına inkişaf baxımından yaxın regionların konsolidasiyasını yaratmağı qoyublar. Buraya, ən başlıcası, Qərbi Avropa daxildir. Bunun üçün Trans-Atlantika Tərəfdaşlığı yaradılır ki, onun vəzifəsi də AB-ni ABŞ-a birləşdirməkdən ibarətdir. Bu cür  qruplaşma isə Rotşildlərə sərf etmir. Onların planlarına Çinlə Avropa Birliyinin maliyyə simbiozunun yaradılması daxildir ki, bunun da əsasında ABŞ-ın FES-inə alternativ olacaq qlobal  maliyyə konqlomeratı formalaşdırılmalıdır. Burada Krımın Rusiya tərəfindən ilhaqı zamanı bir sıra Qərb dairələrinin susqunluq nümayiş etdirməsinin də sirri açılır. Bunun arxasında da Rotşildlər dayanır. Çünki müttəfiqləri olan Çin “əjdahası”nın Krımda nəhəng liman tikmək planları var ki, bu da Avropa ilə bu ölkəni birləşdirən “İpək yolu”nun rolunu hədsiz gücləndirə  və regionda ABŞ-ın təsirini tam zəiflədə bilər. Sözsüz ki,  bu, hazırkı durumunda Putin Rusiyası üçün də sərfəlidir. Bu yandan Türkiyə də Çinin bu planlarına dəstək verməlidir. Ərdoğanın Putinlə barışığı və ilk görüşlərinin Pekində keçirilməsinin vurğulanması da məhz Rotşildlərin planlarına uyğundur… Avropaya kütləvi miqrant axını Britaniyadakı son referendumun taleyini həll etmişdi… Bir sözlə, Rotşildlərin irəliləməsi üçün Amerikanın, yəni Rokfellerlərin Avro-Atlantika planları iflasa uğramalıdır. Və bunun ən asan yolu AB-dən ABŞ-ın əsas müttəfiqi olan Böyük Britaniyanı çıxarmaqdır. Anqlo-saksların ittifaqı  özünün Avropa Birliyindəki  təsirini itirməlidir. “Bəs bunu necə etməli?” sualına Rotşildlər məqamında cavab tapdılar. Mühafizəkarların başlatdığı referendum kampaniyası onların maliyyə dəstəyi ilə əksər Britaniya əhlinin ölkənin AB-dən çıxmasına səs verməsi ilə nəticələndi. Amma Rotşildlər bundan ən azı bir il öncə özlərinin 2011-ci ildən bəri  təşkil etdikləri “Ərəb baharı”nın bəhrəsi kimi Yaxın Şərqin qaynar ocaqlarından yüz minlərlə qaçqını Avropaya doğru yönəltməklə referendumun taleyini, demək olar ki, həll etmişdi. Çünki referendum ərəfəsində qitə Avropadan Britaniya adalarına miqrant axını Krallıq təbəələrində  qııcıqlanma yaradaraq onları AB-dən ayrılmağa səs verməyə təhrik etmişdi…Avropaya miqrasiyanın təşkil edilməsinin  digər sirləri barədə isə növbəti yazılarımızda danışacağıq…Sultan Laçın




Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler