Musavat.az
Musavat.az




Müsavat » Xeberler» Xeber

“Roma papası ya deli, ya da texribatçıdır”

27 Haziran 2016

10:04 am


27/06/2016 [14:03]: xeber –
“Fransisk “persona non grata”
elan edilməlidir”

 

Ermənistana səfərini
yekunlaşdıran Roma papası Fransisik ilginc açıqlama ilə çıxış edib. Roma papası
Azərbaycan və Ermənistanı “kiçik torpaq sahəsinə görə” mübarizə aparmamağa,
sülh bağlamağa səsləyib:

“Mən azərbaycanlılarla Ermənistanda gördüyüm həqiqətlər haqda
danışacağam,  o haqda ki, onları hiss etmişəm, habelə onları
ruhlandıracağam. Mən onlara bunları deyəcəyəm: kiçik torpaq parçasına görə
(Dağlıq Qarabağı nəzərdə tutur-red.) sülhü bərqərar etməmək-bunda möhtəşəm heç
nə yoxdur, axı bu o deməkdir ki, nəsə qaranlıqdır, elə deyilmi? Lakin mən bütün
azərbaycanlılara və ermənilərə deyirəm ki, bəlkə onlar sülhün əldə edilməsi məsələsində
razılığa gələ bilmirlər və bunun üzərində işləmək lazımdır. Bilmirəm, daha nə
demək olar…İndiki məqamda bu mənim ürəyimdən gəlir-həmişə irəliyə aparan müsbət
həll tapmağa cəhd etmişəm”.

Maraqlıdır, Roma
papasının Azərbaycan torpaqları hesabına Ermənistana səxavət göstərməsi nə dərəcədə
doğrudur? Doğrudanmı Qarabağı “kiçik torpaq parçası” kimi gözardı etməli, bu
torpaqları ermənilərə peşkəş etməliyik? Ümumiyyətlə, dini liderin dünyəvi məsələlərə
müdaxiləsi nədən xəbər verir?

Məsələ ilə bağlı
sayt-a açıqlama verən tanınmış politoloq, siyasi elmlər doktoru Cümşüd
Nuriyev Roma papasının bu açıqlamasının Azərbaycan dövləti və xalqı üçün təhqir
olduğunu vurğuladı:

“Əvvəla, Roma papasının
bu işlərə qarışmağa ixtiyarı yoxdur. Beynəlxalq hüquqa görə hər bir dövlət öz ərazi
bütövlüyünü qorumaq hüququna malikdir. Ikincisi, Azərbaycan 1992-ci ilin mart
ayında BMT-yə üzv olub. Vatikan da teokratik dövlət olsa da oranın üzvüdür. Bir
dövlətin başçısının başqa bir dövlətin ərazisini kiməsə peşkəş eləmək iddiasını
irəli sürməsi iki cür dəyərləndirilə bilər. Bu  ya dəlilikdir, ya da bu adam təxribatçıdır. Bunun
ayrı adı yoxdur. Axı o, kimdir ki, bu tip məsələlərə qarışır? Vatikan teokratik
dövlət olduğu üçünb yalnız dini məsələləri müzakirə edə bilər. Azərbaycan
multikultural dövlətdir. Bakıda katolik kilsəsi üçün hər cür şərait yardılıb. Vatikanda
necə, müsəlmanlar üçün məscid tikilməyə icazə varmı? Yəhudilərin bir sinaqoqu
var? Yoxdur. Fransiskdən bunu gözləyirdim. Çünki Argentina ermənilərin güclü
olduğu bir dövlətdir. Roma papasının ətrafında da çoxlu erməni var. Mənə bir
şey aydın olmadı. Necə oldu ki, “Mir” telekanalı iki gün ardıcıl canlı yayımla
İrəvandan onun çıxışını, erməni kilsəsi patriarxının çıxışını verir, orada türk
dünyasının, Azərbaycanın əleyhinə fikirlər səslənir. Azərbaycan XİN-i isə buna
susqun qalır. Biz həmişə gözləyirik ki, hadisələr olsun bitsin, sonra ona qiymət
verək. Vatikanın Azərbaycanda nümayəndəliyi var. Azərbaycan XİN-i Vatikana nota
verməli idi. Niyə vermədi, bilmirəm. Türkiyə də nota verməli idi, onun da
susqunluğunu anlamıram. Bəlkə də verəcək.

Azərbaycan Vatikan üçün nələr
eləməyib. Vatikanda katakombaları Heydər Əliyev Fondu təmir elətdirdi, onların
kitabxanasında da böyük işlər görüldü. Bütün bunların qarşılığında Azərbaycanın
ən dilbər guşəsini ermənilərə pay etmək istəyi nə deməkdir? Ermənistan ərazisinin
29 min kv kilometri ona bir verilib. Digər ərazilər bir verilib. Ermənilər 9
min kv km ərazini pulla almışdılar. Qalanlarını isə Azərbaycan torpaqları
hesabına peşkəş ediblər. İndi bir dənə Fransisk çatmırdı? Fransisk getsin
faşistliyini başqa yerdə eləsin. O adam açıq şəkildə Azərbaycan xalqını təhqir
edib. Onu Azərbaycana kim dəvət edib, bilmirəm. Amma o, Azərbaycana gələndə, gərək
böyük etirazla qarşılana. Torpaqdan paymı olur? Azərbaycan prezidenti dəfələrlə
elan edib ki, torpaqdan pay olmaz. O, Azərbaycan dövlətinin siyasətinin əleyhinə
çıxış edir. O, “persona non grant” elan edilməlidir. Onu Bakıya buraxmaq olmaz”.

 

Seymur Əliyev




Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler