Musavat.az
Musavat.az




Müsavat » Xeberler» Xeber

“Rembo”-un atası: – “Hara gedek, derdimizi kime deyek?”

29 Ağustos 2016

4:04 pm


29/08/2016 [20:00]: xeber –
Aprel döyüşlərində başından ağır yaralanan “Rembo” ləqəbli tankçımız  Razi Cavadovun atası Vidadi Cavadov sayta məktub ünvanlayıb. Birinci Qarabağ Müharibəsi iştirakçısı olan Vidadi Cavadov məktubda 1994-cü ildən bəri ona verilməli olan məzuniyyət kompensasiyasını ala bilmədiyindən şikayət edir. Qeyd edək ki, hələ də hərbi hospitalda müalicə alan hərbçimizin atası birinci Qarabağ savaşının iştirakçısıdır və hazırda təqaüddə olan hərbi qulluqçudur. Keçmiş döyüşçünün məktubunu olduğu kimi təqdim edirik: “Mən, Cavadov Vidadi Haqverdi oğlu təqaüddə olan hərbi qulluqçuyam. 1994-cü ildən bəri mənə verilməli olan məzuniyyət kompensasiyasını ala bilmirəm. Bu barədə Müdafiə Nazirliyinə məktub yazdım, mənə bildirdilər ki, “n”saylı hərbi hissədə komissiya yardılıb, həmin məsələyə onlar baxır. Aldığım cavabdan sonra bu ilin fevral ayında həmin hərbi hissənin komandirinə məktub yazdım. Ancaq bu günə kimi onlardan heç bir cavab almamışam. Bu günə kimi bir neçə ehtiyatda olan hərbi qulluqçuyla bərabər dəfələrlə həmin hissədə olmuşuq. Amma bir dəfə də olsun bizi qəbul etməyiblər. Bildiriblər ki, bu işə komissiyanın sədr müavini Qurbanov İlqar baxır. İ.Qurbanov da bu günə kimi bizi bu gün alacaqsız, sabah alacaqsız deyərək gözlədib. Məcbur olub bu ayın 8-də bir daha həmin hərbi hissənin komandiri general Hikmət Həsənova məktubla müraciət etmişəm. Bildirmişəm ki, bizim məsələmiz 10-15 gün müddətində öz həllini tapmasa, mətbuat qarşısında məsələni  qabardacağam. Amma yenə də heç bir cavab gəlmədi, nə məktubumuza cavab verdilər, nə də bizi qəbul etdilər. Bu gün yenidən komissiyanın sərdi İlqar Qurbanova zəng vurmuşam. O da bildirdi ki, bir neçə vaxtdır avtomobil qəzasına düşüb, hərbi hospitalda yatır, müalicə alır. Bu barədə Ali baş komandanımız fərman verib, 2014-cü ilin 5 aprelində Konstitusiya Məhkəməsi qərar çıxarıb ki, məzuniyyət kompensasiyamız ödənilsin. Ancaq bu günə qədər həmin fərmandan və qərardan irəli gələn tələblər icra olunmur. Biz bilmirik indi hara gedək, dərdimizi kimə deyək. İndi sizin saytınız vasitəsilə aidiyyati qurumlara üz tutub soruşmaq istəyirəm ki, biz problemimizin həlli üçün hara üz tutaq, kimə müraciət edək, kimin qapısını döyək?” 


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler