Musavat.az
Musavat.az




Müsavat » Xeberler» Xeber

“Rayon rehberleri emek adamından yalnız pay gözleyirler…”

07 Eylül 2016

5:08 pm


07/09/2016 [21:07]: xeber –
“Zəhmətkeş” sözü indi adamda qəribə hisslər oyadır. “Əmək adamı” ifadəsinə də qəzetlərdə, rəsmi çıxışlarda nadir hallarda rast gəlirik. Niyə? İndi əmək adamı, zəhmətkeş insan yoxdur? Doğrudur, daha “Vətən oğlu Çoban Qara”, “Qol çırmayıb sən tarlaya çıxanda” mahnılarını eşitmirik. Əvəzində qəzetlərimiz nazirlərin, icra başçılarının şəkillərini verirlər. Sanki, bu yolları çəkən, körpüləri tikən, günün istisində, qışın soyuğunda daş daşıyan, beton qarışdıran, hündür binalar ucaldan onlardır. Kənddə min bir əziyyət çəkən, məhsul yetişdirən, bolluq yaradan adamlar da yada düşmür. Dinəndə də deyirlər ki, öz təsərrüfatıdır, əkir, biçir, pul qazanır…Şamama Həsənovanı, Ömər Ağayevi, Sərdar İmrəliyevi, Sevil Qazıyevanı, onlarla başqalarını kim tanımırdı ki…Yüzlərlə, minlərlə gənc onlara bənzəmək istəyirdi. Öz işinə məsuliyyətlə yanaşan, şərəfli əməyi ilə nümunə göstərən, hörmət qazanan adamlar indi də var, özü də əvvəlki illərdə olduğundan daha çoxdur. Sadəcə, onları saymırlar, əməklərini qiymətləndirmirlər, orden – medal verməkləri bir yana, heç quruca “çox sağ ol” da demirlər. Rayon rəhbərləri əmək adamından, zəhmətkeşdən yalnız bu və ya digər şəkildə pay gözləyirlər…Sovet dövründə neçə əmək qəhrəmanı haqqında oçerk yazmışam. Bəzən o yazıları yenidən oxuyuram. Görürəm ki, sevinclə, fərəhlə, gözümün nuru, qəlbimin hərarəti ilə yazılıb. Əmək qəhrəmanları buna layiq idilər. İndi də layiqdirlər, sadəcə, onları axtarıb tapmaq, kəşf eləyib hamıya tanıtdırmaq lazımdır. Bilirəm, qəzetlərdəki, saytlardakı intihar, şou – biznes, xəyanət, məhkəmə xəbərləri arasında bu yazılar o qədər də diqqəti cəlb eləməyəcək. Amma, necə olur – olsun, əmək adamına, zəhmətkeşə münasibət dəyişməlidir…Məzahir Süleymanzadə, publisist-jurnalist


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler