Musavat.az
Musavat.az




Müsavat » Xeberler» Xeber

“Qurbanın bayramı olarmı?”  Tanınmışların bayramla bağlı düşünceleri

12 Eylül 2016

8:48 am


12/09/2016 [12:45]: xeber –
Artıq neçə ildir ki, Qurban bayramında insanlarda bir-birinə zidd olan iki fikir, necə deyərlər, ikitirəlik yaranır. Bir qurup insanlar “Qurban Bayramı”nın qeyd edilməsinə, heyvanların kütləvi halda kəsilməsinə qarşı çıxırlar. Digər qurupa aid olanlar isə “Qurban Bayramı”nı qəbul etməyənlərə qarşı. Bu iki tirəlik hər il olduğu kimi, bu il də sərgilənməkdədir. sayt bir neçə tanınmış şəxsin “Qurban Bayramı” ilə bağlı fikirlərini təqdim edir: İqtisadçı Vüqar Bayramov: “Mən də Allahin yaratdığı bütün canlıların və o cümlədən heyvanların hüquqlarının qorunmasının tərəfdarıyam. Amma Qurban Bayramının kütləvi və coşğu ilə qeyd olunmasının bu aspektdən qiymətləndirilməsini doğru saymıram. Bütün dinlər o cümlədən, İslam istənilən canlıya qarşı ədalətsizliyi pisləyir. Bununla yanaşı, Müqəddəs Qurani- Kərim Qurban Bayramı vasitəsi ilə nəinki İslam aləminə, bütövlükdə dünyaya qardaşlıq, barışıq, kasıb və kimsəsizlərə diqqət vəd edir.BMT-nin ərzaq Proqramının məlumatına görə, hər il 1.3 milyard metrik ton ərzaq məhsulları israf olunur. Bu dünyada istehsal olunan ərzaq məhsullarının 1/3-i deməkdir. Yalnız Amerika Birləşmiş Ştatlarında hər il 161.6 milyard dollarlıq ərzaq məhsulları israf olunur, xarab olur. Bunların da böyük qismı məhz ət məhsullarıdır. Zəif inkişaf etmiş ölkələrdə isə hər gün 100 minlərlə insan, uşaq və yaşlılar qida çatışmamazlığından dünyasını dəyişirlər. Qurban Bayramı məhz qida əldə edə bilməyənləri yada salmaq, onlara dayaq durmaq və onlar ilə birlikdə olmaq üçündür. Gündəlik istehlak etdiyimiz ət məhsullarını Qurban bayramı günü kasıb, kimsəsizlər ilə bölüşməkdən ülvi heç nə ola bilməz. Hər bir insanın qəlbində əslində hər gün Qurban Bayramı yaşanmalı və hər gün ehtiyacı olanları anmalıdır.Yardıma ehtiyacı olanlar ilə hər zaman birlikdə olmaq diləyi ilə Qurban Bayramınız mubarək! Allah qurbanınızı və duallarınızı qəbul etsin!”Şairə Kəmalə Abiyeva: “Qurbanın bayramı olurmu? “Yardım, Kömək, Arzu, Sevinc” və s. nəsə başqa ad lazımdı. İndi deməyin ki, adam var, günlərlə ət yemir, onlara paylanır, sevinirlər. Mən bunu çox gözəl bilirəm. BAYRAM onda olur ki, belələri heç olmasın. Yoxsa biri günlərlə yeyir içir, sağa-sola pul xərcləyir. İldə bir dəfə qoyun kəsir, 5-10 adama paylayır, olur yaxşı adam. Ya camaatdan oğurladığı, rüşvət aldığı pulnan qurban kəsir. Sizcə bu Allaha xoş gəlir? O buynuzlarına qaş düzülmüş qurbanlar ona gərək deyil. Fikirləşəndə ki, qurban kəsilən yerlərdə gedib saatlarla gözləyənlər var, adam bir az da qorxur, ağlından nələr keçir, ağrıyırsan. Allah sən insanları möhtac olmaqdan qoru. Qoy qururla, bir-birini sevməklə yaşasınlar”.Jurnalist, yazar İlqar Rəsul: “Demək istəyirəm ki, heyvan kəsilən, insansa ət yeyən yaradılıb. Bu çox sadə bir məntiqdi. Bayrama gəlincə: Qurban bayramının kökü, tarixi dinlərdən xeyli əvvələ gedib çıxır. Dinlər sadəcə onu sistelməşdirib, daha münasib formaya salıblar. Əvvəllər insan insanı qurban kəsirdi (verirdi), dinlər buna son qoyub, insan qurbanı heyvan qurbanla əvəz etdilər (nəticədə azı ildə bir dəfə hamı olmasa da, bir çoxları doyunca ət yeyə bildilər) İndi vəziyyət belədi: Əgər kimsə heyvanların belə kütləvi kəsilməsinə dözmədiyi üçün bu günü bayram edə bilmirsə, insanın insanı qurban verməsinə son qoyulması münasibətini bayram edə bilər”.Hazırladı: Zəhra


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler