Musavat.az
Musavat.az




Müsavat » Xeberler» Xeber

Qiraetçi, tütek çalan, arvadbaz, aktyor, milyarder…

07 Kasım 2016

5:28 am


07/11/2016 [09:26]: xeber –
Bir gündən sonra dünyanın kilidləndiyi hadisənin son pərdəsi oynanılacaq, tamaşaçılar- yəni planetin çox böyük bir qismi xələcanlı hisslərdən azad olacaq. Olacaqmı? Bunu yaşayacağıq. ABŞ prezidentinin kim olacağı son 30 ildə bəlkə də bu qədər dramatik, həyəcanlı olmayıb. Bu həyəcanı keçirənlər namizəd Trampa minnətdar olmalıdır desək yanılmarıq. Tramp xarakteri və siyasi baxışları, xüsusilə də Rusiya və Putin haqqında fikirləri ilə yalnız ölkəsinin vətəndaşları üçün deyil, dünya siyasətinin aparıcı qüvvələrinin də diqqətini bu seçkilərə yönəldib. Faktiki seçki ərəfəsində favorit namizədin olmaması da final fitinə qədər bu “oyun”u son dərəcə maraqlı edir.  O həyəcanın içində biz də varıqmı? ABŞ prezidentinin kim olması Azərbaycan üçün fərq edirmi? Əlbəttə.  Gündəlik yaşayışının ardınca qaçan, problemlər içində boğulan ölkə əhalisinin böyük kəsimini Amerikada kimin prezident olması maraqlandırmasa da siyasilərimizin diqqət mərkəzindədir. Bizim üçün Trampın üç dəfə evlənməsi, qadınlar haqqında hansısa xoşagəlməyən ifadələr işlətməsi, 18 filmdə aktyor kimi epizodik rollara çəkilməsi, pizza reklam etməsi və ya xanım Klintonun səhhətindəki problemlərin olması, diplomatik yazışmalarda məxfiliyi gözləməməsi, ərinin də nə vaxtsa Ağ Evdə kiminləsə sevişməsi maraqlı deyil. Azərbaycan televiziyalarında tez-tez görünən siyasi şərhçilərin, millət vəkillərinin Hillari  Klinton əleyhinə, ABŞ seçki sistemi əleyhinə dedikləri,  Rusiya telekanallarının hər gün efirdən yayınladıqlarının zəif, arqumentsiz, əzilmiş, üzdən yanaşılmış təkrarından başqa bir şey deyil. Azərbaycan rəsmilərinin dilindən açıq səslənməsə də, televiziyada deyilənlərin dolayısıyla onların mövqeyini əks etdirdiyinə şübhə yeri qoymur. Rusiyanın mövqeyinin yanında olmaq Azərbaycan siyasətində prioritet xəttdir və əks halda nəticələrin ağır olacağını hakimiyyət yaxşı bilir, ABŞ – dakı seçkilərə münasibətdə də. Rusiya Hillari Klintonun seçki ərəfəsində Vladimir Putinin ünvanına çox kəskin ittihamlar irəli sürüb, o cümlədən Rusiya dövlət başçısını Hitlerlə müqayisə edib, rəqibi Trampı “Putinin marionetkası” adlandırıb. Avtoritar, anti demokratik ölkələr Hillari Klintonun “ərəb baharı”nda ABŞ-ın dövlət katibi vəzifəsini tutduğunu, Amerikanın bu işdə böyük rol oynadığını və indiki prezident Barak Obamadan daha çox “ərəb baharı”nın ilhamvericisi olduğunu bilirlər. Demokratiyanın dünyanın başqa ölkələrində də bərqərar olması üçün demokratiya uğrunda mübarizə aparan xalqın yanında olacağını xanım Klinton seçki kampaniyasında da dəfələrlə səsləndirib. Tramp isə əksinə, “xarici ölkələrdə demokratik dəyişikliklərə Amerikanın qarışmayacağını” bəyan edib. Bütün həyəcanlar, bütün reaksiyalar məhz bu iki namizədin demokratiyaya, Rusiyaya, Putinə olan münasibətdinən yaranıb. Rusiya ilə münasibətlər kəskinləşə, sanksiyalar arta bilər. Xanım Klinton Rusiya siyasətini dəstəkləyən ölkələrə də yumşaq münasibət göstərmir. Düzdür, Klinton prezident seçilərsə hədəfdə, ön planda  Rusiyanın Suriyada, Ukraynada yeritdiyi siyasət olacaq. Azərbaycanın daxili və xarici siyasətindən də məmnun olmayan xanım Klintonun bizə münasibətdə  yumşaq olmayacağını anlamaq üçün xüsusi bilgiyə ehtiyac yoxdur. Tramp seçilərsə düşünülməsin ki, Tramp seçkidə vəd etdiklərini həyata keçirəcək və ABŞ siyasəti ən azı 180 dərəcə dəyişəcək. Xeyr. ABŞ – ı yalnız prezidentlər deyil, xüsusi xidmət orqanları, strateji institutlar, beyin mərkəzlərinin konseptual tədqiqatları, araşdırmaları, uzunmüddətli siyasi, hərbi doktrinası idarə edir. Trampın seçilməsi Rusiyanın, konkret olaraq Putinin qələbəsi olardı. O zaman yuxarıda qeyd olunan həyəcanı, Rusiya da, onun yanında olan ölkələrin hakimiyyətləri də yaşamayacaq. Amma, Trampın özünün  də buna inamının az olduğu hiss olunur, yoxsa bəri başdan seçkinin nəticələrinə indidən kölgə salmazdı. Trampın seçilməsini onun tərəfdarları da möcüzə adlandırır.Con Kerrinin Qarabağ haqqında perspektiv proqnozu bizi məyus etdi. ABŞ-dakı seçkilərin nəticələrindən sonra Azərbaycan dünyada gedən proseslərdən düzgün nəticə çıxarmalıdır. Bizim Qarabağ dərdimiz var, hər gün həlli müşkülləşən Qarabağ problemimiz var. Onun həllinin təkcə bizdən asılı olmadığı da bəllidir.Yenə də düzgün seçim etməyimiz vacib şərtdir. Amerika seçimini edəcək. Bütün variantlara uyğun, maraqlarımızı qoruyan siyasi xətti də biz seçməliyik. Qarşıda çətin 2017-ci il durur.sayt-ın analitik qrupu


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler