Musavat.az
Musavat.az




Müsavat » Xeberler» Xeber

Qenire Paşayeva Qovlar kendinin sakinleri ile görüşüb – Fotolar

09 Eylül 2016

11:24 am


09/09/2016 [15:22]: xeber –
Millət vəkili Qənirə Paşayeva bir neçə gün əvvəl güclü külək nəticəsində zərər dəymiş Qovlar kəndində sakinlərlə görüşüb, qayğıları ilə maraqlanıb, onların müraciətlərini dinləyib. Millət vəkili Q.Paşayeva onların qaldırdığı məsələlərlə bağlı müvafiq qurumlara müraciətlər etdiyini deyərək sakinlərin müraciətlərini təkrar onlara çatdıracağına söz verib. Sakinlərin ən çox müraciətləri arasında övladlarına iş tapmağa köməklik göstərilməsi, mənzil problemləri, xəstəliklərin müalicəsinə, ünvanlı sosial yardım almaq istiqamətində dəstək göstərilməsi ilə bağlı olub. Q.Paşayeva görüş zamanı ona müraciət edən xəstələrin yüksək səviyyəli müalicə almaları və əməliyyat olunmaları üçün Səhiyyə Nazirliyi ilə əlaqə saxlayaraq Bakıda və ya Rayon Mərkəzi Xəstəxanasında yerləşdirilməsini təşkil edib. Millət vəkili fiziki imkanları məhdud insanların müraciətləri ilə bağlı Əmək və Əhalinin Sosial Müdafiəsi Nazirliyi və onun rayondakı nümayəndələri ilə onların öz həllini tapması üçün müzakirələr aparıb. Müraciətlər arasında ünvanlı sosial yardıma ehtiyac olduğunu bildirənlər xüsusi yer tutub. Bir sıra 1 və 2-ci qrup əlillər reablitasiya mərkəzində müalicə almaq xahişini də müvafiq qurumlarla danışan millət vəkili Q.Paşayeva dəstək göstərilməsini xahiş edib. Bir sıra vətəndaşlar evlərinə təbii qaz çəkilməsi və ya verilməsi sahəsindəki problemlər barədə də danışaraq millət vəkilindən onları müvafiq qurumlarla müzakirə apararaq həllinə dəstək göstərilməsini xahiş ediblər. Qovlar şəhərində Sevil Qazıyeva ilə Asif Feyzullayev küçəsindəki sakinlərin içməli su problemləri ilə bağlı müraciətlərini dinləyən millət vəkili müvafiq qurumla problemin qısa zamanda həlli yollarını müzakirə etdiyini dedi. Millət vəkili Qənirə Paşayeva Tovuz rayon Su-Kanal İdarəsinin rəisi Azər Zeynalov problemin qısa zamanda həllini tapacağını dediyini qeyd etdi və bildirdi ki, ümid edirik ki, Qovlara növbəti səfərdə bu problemin yerində həllinin şahidi olacağıq. Bundan başqa təhsil, elektrik və su təminatı sahəsi ilə bağlı da xeyli müraciətlər olub ki, millət vəkili onların həlli istiqamətində də müvafiq qurumlarla danışıb və müzakirələr aparıb. Q.Paşayeva sakinlərin qayğı və problemlərini dinləməklə yanaşı onların narahat edən məsələlər ətrafında qanunvericiliklə hansı haqlara malik olmalarını da izah edib. Q.Paşayeva son illlər Prezidentin rəhbərliyi altında ölkəmizdə və Qovlar şəhərində görülən böyük işlər, həllini tapan çoxlu sayda problemlər barədə də məlumat verərək, ölkəmizin gələcəkdə daha da inkişaf edəcəyini, imkanları artdıqca bir sıra digər problemlərin də öz həllini tapacağını bildirib.


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler