Musavat.az
Musavat.az




Müsavat » Xeberler» Xeber

Qedr gecesinde Quranın başa qoyması adeti dini metnlerde gösterilmeyib”

25 Haziran 2016

1:16 pm


25/06/2016 [17:15]: xeber –
Dünən Azərbaaycanda Qədr gecəsi qeyd olundu. Həmin axşam müsəlmanları müqəddəs kitabı olan Qurani Kərimin yerə endirildiyi bildirilir. Gecəni yatmayaraq səhərə qədər məscidlərdə oyaq qalan minlərlə həmyerlimizin həyata keçirdiyi ritual cəmiyyətdə birmənalı qarşılanmır. Belə ki, müminlər Quran kitabını başlarına qoyaraq ibadət etdiklərini bildirirlər.İlahiyat üzrə elmlər doktoru Əkrəm Həsənov sayt -a açıqlamasında bu məsələyə münasibət bildirib:“Qurani Kərim Allahın kəlamı olduğuna görə bəzi insanlar ona hörmət etmək üçün öpüb başlarına sürtürlər. Quranı öpmək onu sevməyin əlamətidir, başa qoymaq isə ona hörmətin əlamətidir. Onun yüksəkdə olduğunu bildirmək üçün insanlar belə edirlər. Ancaq Qurana qarşı belə sevgi və hörmət göstərilməsi qaydası heç bir yazılı mətnlərdə bildirilməyib. Bəzi məzhəblərdə Qədr gecəsini ibadət edən zaman insanlar Qurani Kərimin yazılı yerini başlarının üzərinə qoyur, üz qabığını isə səmaya doğru tuturlar, bəzi cərəyanlarda isə əksinə edirlər. Üz qabığını başlarının üzərinə qoyur, Quran mətnlərinin yazılı olan hissəsini isə səmaya doğru qaldırırlar. Qurani Kərim Allah təala tərəfindən dünya səmasına 23 il ərzində, nazil edilib. Quranın nazil olunmasının səbəbi insanların onu oxuması, əzbərləməsi və həyatlarını Qurana görə nizamlamasına görədir. Bu səbəblə şəriətimizdə Quranı başın üzərinə qaldırıb qoymaqla bağlı heç bir yazılı mətn, şəriət hökmü yoxdur. İbadətlərin qəbul olunması üçün əsas iki şərt tələb olunur. Birincisi, həmin ibadət Quranda bildirilməlidir, ikincisi isə həmin ibadəti Allahın peyğəmbəri necə edibsə, necə edilməyi tövsiyə edibsə müsəlmanlar da elə etməlidirlər. Ramazanda Qədr gecəsində bəzi məzhəblərin Quranı başlarına qoyması adəti dini mətnlərdə göstərilməyib. Bu adətin bir ibadət formasını da göstərən yazılı heç bir sənəd yoxdur. Təəssüf ki, ilk dəfə Qurana qarşı hörmətsizliyi islam tarixində xəvariclər ediblər. Onlar Quranı nizələrin üzərinə keçirərək guya Quranla hökm edilməsinin vacibliyini bildiriblər. Halbuki, Quranı başlarına qoyub ona qarşı hörmətsizlik etməklə nizələrə keçirib hörmətsizlik etmək arasında heç bir fərq yoxdur. Hər ikisi islam dininə görə Qurana hörmətsizlik hesab edilir. Qurani Kərimin ayələrini öyrənib yaddaşda, ağılda, fikirdə saxlamaq lazımdır. Halbuki onu başın üzərinə qoymaqla başa heç nə daxil olan deyildir. Bu səbəblə dinimizə ağılla, düşüncə ilə baxmaq lazımdır. İbadətə ancaq və ancaq dinimizdə göstərilən şəkildə yanaşmaq olar. Əks halda bu dində yeni icad hesab edilir ki, bu yeni icada şəriət termini ilə bidət deyilir. Bidət, dində hansısa yeniliyi etməyə deyilir. Allah Rəsulu (ona və ailəsinə salam olsun) şəriətdə edilən bütün yeniliklərin Allah tərəfindən qəbul edilmıdiyini bildirmişdir. Çünki, Allah təala Qurani Kərimdə islam dinini tamamladığını bildirmiş, Məhəmməd peyğəmbər dinin əsaslarını, vacibatlarını öyrətmiş, dində sonradan əlavə edilən əməllərədn çəkindirmişdir. Buyurmuşdur ki, kim bizim bu dinimizə yeni nəsə əlavə edilərsə həmin yenilik onu edən insandan qəbul olunmaz, rədd olunar, geri çevrilər. Onu edən insan bidətçi, dində yenilik edən olar. Şəriətdə isə dində yenilik edənlərlə belə salamı kəsmək haqqında alimlər cildlərlə əsərlər yazıblar. Bu barədə saysız-hesabsız Peyğəmbər hədisləri vardır ki, insanlar dində müxtəlif yeniliklər edib müsəlmanların bölünməsinə səbəb olmasınlar. Təəssüf edirik ki, günü-gündən saysız-hesabsız dində yenilik edən insanlar çıxıb, çıxmaqdadır və beləliklə əvvəlki peyğəmbərlərin gətirdiyi şəriətin əsli dəyişdirildiyi kimi Qiyamətə qədər mükəmməl din hesab edilən Məhəmməd peyğəmbərə gələn şəriətin də əslini dəyişməyi hədəfləyən kütlələr çıxmaqdadır. Quranı başa qoymaq adəti haqqında bəzi məzhəblərdə bir çox uydurma rəvayətlər mövcud olduğu üçün insanların çoxu bu rəvayətləri əsas götürüb bu adəti edirlər. Qeyd etdiyim kimi bu adətin islam dinində heç bir yeri və hökmü yoxdur. Əksinə islam alimləri belə Quranı qarşı edilən hörmətsizliyi doğru hesab etmirlər. Müsəlmanların çoxu bunu etmirlər. Qədr gecəsində olunan ibadətlər haqqında dinimizdə xeyli göstərişlər var. Onların içərisində Quranı başa qoymaq yoxdur. Böyük alimlər bundan insanları çəkindirirlər.”




Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler