Musavat.az
Musavat.az




Müsavat » Xeberler» Xeber

Qeddafini öldüren şexsden SENSASYON AÇIQLAMALR: ”Onun saçlarından tutaraq…”

18 Ekim 2016

9:00 am


18/10/2016 [12:59]: xeber –
Xalq tərəfindən linç edilən sabiq Liviya lideri Muammər Qəddafinin ölümündən 5 il keçir. Lakin bu gün də ölkəsini 42 il idarə edən və məhdudiyyətsiz səlahiyyətlərə sahib olan Qəddafinin ölümü haqqında maraqlı versiyalar səslənməkdədir. Qəddafini öldürən şəxs kimi isə ən çox adı çəkilən gənc sıravi əsgər Sadiq əl Üreybidir. Əl Üreybinin hazırda 27 yaşı var. Benqazi üsyançı bölmələrindən birinin əsgəri olarkən Əl Hədra adlanan ərazidə Qəddafini bir neçə silahdaşı ilə qaçarkən yaxalayan və onu öldürən  şəxs kimi bütün Liviyada məşhurlaşdı. O, Qəddafinin qətlə yetirildiyi 2011-ci ildə nəinki Liviyanın, eləcə də dünyanın bir çox ölkələrinin media orqanlarının gündəminə düşə bildi. sayt Sadiq Əl Üreybinin Fars Xəbər Agentliyinə verdiyi müsahibədən maraqlı detalları seçərək oxuculara təqdim edir:“1989-cu ildə Benqazi yaxınlığındakı “Hay əl Məcuri” məhəlləsində anadan olmuşam. Ailəmizin yaşayış səviyyəsi pis olduğu üçün və  yaşlı atam da xəstələndiyindən cəmi üç sinif oxuya bilmişəm. Sonra məktəbi atdım. İndi də Benqazidə yaşayıram. Sizin də bildiyiniz kimi Qəddafiyə qarşı olan hərəkat buradan başladı. Mən də həm o, həm onun ailəsinə olan nifrət səbəbindən ilk günlərdən silahı əlimə alaraq üsyançılara qoşuldum. Qəddafiyə, onun ailəsinə olan nifrəti anlamaq üçün sizin də heç olmasa bircə günlük liviyalı olmanız lazım idi. O, ölkəni 42 il idarə etdi. Liviya onun “sayəsində” dünyanın oyuncağa çevrilən bir ölkəsi oldu. 42 illik diktatorluğu dövründə qəribə qərarları, ölçüsüz davranışları ilə ad çıxardı, xeyli insanın qətlinə səbəb oldu. Ailə üzvləri Qəddafidən də pis idilər. Oğlanlarından biri zavallı xalqın pulunu ABŞ-da məşhur müğənniyə xərcləmişdi: bir gecəyə beş milyon dollar!”Üreybinin Qəddafini yaxalaması və aralarındakı dialoq barəsindəki sözləri də xeyli maraqlıdır:“Benqazi taborunun bir neçə üzvü ilə Sırt ətrafında Qəddafi və onun tərəfdarlarını axtarırdıq. Mən üsyançılara təklif etdi ki, “Əl Hədra” məhəlləsinə də baxaq. Bir neçə nəfərlə ora getdik. Uçurulmuş evlərin və tikililərin yanından bir neçə nəfərin qaçdığını gördük.  Qəddafini arxadan dağınıq saçlarından və bədən quruluşundan tanıdım. Ondan gənc və çevik olan yanındakı bir neçə adam Qəddafini geridə qoyaraq gözdən itdilər. O, tək-tənha, əldən düşmüş halda qaçmaqda idi. Ona tərəf götürüldüm. Arxadan saçlarından tutaraq Qəddafiyə bərk zərbə vurdum. Bu zaman dedi ki, “mən sənin atanam, hamınızın atasıyam. Sən mənim oğlumsan, məni niyə vuruşan?!” Həmin vaxt şokda idim. Baş verənləri anlaya bilmirdim. Odur ki, Qəddafiyə heç bir cavab verə bilmədim. Amma yerə yıxaraq başqa üsyançılarla birlikdə əllərini bağladıq və maşınımıza qoyduq. Biz ona həmin vaxt demək olar ki, heç nə etmədik. Qəddafini maşınımızın üstünə bağlayaraq yola düşdük. Bir az getmişdik ki, maşındakılar “Qəddafini yaxaladıq” deyə hayqırdılar. Artıq başqa üsyançı bölmələri də Qəddafinin bizim maşının üstündə olduğunu bildi. Hər tərəfdən bizə tərəf qaçmağa başladılar. Maşını saxlamağa məcbur olduq. Elə həmin dəqiqə üsyançılar maşının üstünə atlanaraq Qəddafini yerə yıxdılar. Hərə bir tərəfdən onu döyməyə başladı. Hər üsyançı onu öz bölgəsinə aparmaq istəyirdi. Hamı qəhrtəman olmaq istəyirdi. Amma etiraz etdim. Dedim ki, onu mən yaxalamışam, mən də Benqaziyə aparacağam. Buna imkan vermədilər. Mübahisə etdik. Qəddafi ağır vəziyyətdə idi, çox döyüldüyü üçün huşu az qala özündə deyildi. Üsyançılar isə mənə imkan vermirdilər ki, onu Benqaziyə aparım. Bundan çox  Əsəbiləşdim, silahı çıxaraq Qəddafini başından vurdum.Qəddafi o zaman keçinmədi. Üsyançılar onu ambulunsa apardılar. Cəmi bir neçə dəqiqədən sonra isə Qəddafi öldü…”Elmin Nuri


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler