Musavat.az
Musavat.az




Müsavat » Xeberler» Xeber

“Qayınatam dedi ki, bu qapıda toy etmeyin, biz de toysuz aile qurduq”

07 Ekim 2016

8:56 pm


08/10/2016 [00:55]: xeber –
İyun ayında keçmiş arvadı Şamama Qürbətovaya və azyaşlı oğlu Səid Əliyevə baltayla xəsarət yetirən Cəlilabad rayon Muğan kənd sakini İsgəndər Əliyev oktyabrın 1 – də cəza çəkdiyi Kürdəxanı təcridxanasında vəfat edib. Mərhum oktyabrın 2 – də doğulduğu Cəlilabad rayon Muğan kənd qəbiristanlığında dəfn edilib. sayt – ın əməkdaşı İ.Əliyevin keçmiş həyat yoldaşı və iki oğlu ilə görüşüb. Şamama Qürbətovanın sayt –a müsahibəsini təqdim edirik.- Şamama xanım, həyat yoldaşınızın ölüm xəbərini kimdən eşitdiniz?- Mən həmin vaxt Bakıda iki oğlum ilə qohumlarımın toyuna getmişdim. Kənddən qonşularım zəng vurub dedilər. Sonra Cəlilabad rayon polis bölməsindən mənə oktyabrın 3 – də zəng vurub dedilər ki, həyat yoldaşın vəfat edib və artıq dəfn də olunub.- İsgəndər hansı xəstəlikdən əziyyət çəkirdi?- Onun psixoloji problemi var idi, həm də başında üç yerdə şiş var idi. Qardaşı onu əvvəllər Bakıda Milli Onkologiya Mərkəzinə aparmışdı. Orda həkimlər demişdi ki, əməliyyata qarantiya vermirik. Ola bilsin sağ çıxmadı. Yaxınları buna razılıq verməlidi. Qaynım da razı olmamışdı və geri qaytarmışdılar. Mənə Cəlilabad polis bölməsindən keçən ay müstəntiq dedi ki, oktyabrda məhkəməniz başlayacaq, amma İsgəndərin vəziyyəti ağırdı, böyrəkləri işləmir. Elə görünür o, da həbsxana şəraitində çox əziyyət çəkdiyindən dünyasını dəyişib.- İsgəndərin ölüm xəbərindən sonra rayona qayıtdınız?- Xeyr.- Niyə?- O, mənə gün verib, işıq verməyib. Neynirəm elə həyat yoldaşını ki, ona görə evimə gəlim.- Bəs yas mərasimi harda olub?- Öz atası evində yas mərasimini verirlər. İstəyiblər ki, mənim evimə gətirsinlər, amma sonradan atası evinə aparıblar. Mən biləndə ki, mənim evimə gətirmək istəyirlər cənazəni, dedim ki, mən Bakıda toydayam, mənim evimə gətirməyin. O, mənə ev tikib?- Sabah İsgəndərin yeddi mərasimidi. Yas mərasiminə gedəcəksiniz?- Xeyr.- Bəs oğlanlarınız?- Mən onlara bir söz demirəm. Atalarıdı, getmək istəyirlərsə, getsinlər.- İsgəndərlə nə vaxt ailə qurmuşdunuz?- 1998 – ci ildə ailə qurduq. Məni qaçırtmışdı. Məni sevdiyini evlərində deyəndə, ailəsi deyib ki, biz sənin işinə qarışmırıq, özün bilərsən. O, da məcbur oldu məni qaçırdı. Elə qaçıran gündən məni döyməyə başladı.- Toyunuz necə oldu bəs?- Toyumuz olmadı. Qayınatam dedi ki, bu qapıda toy etməyin. Biz də toysuz ailə qurduq. 2003 – cü ildə qayınatam özünü asaraq intihar etdi. Amma bilmədik problem nə idi. İki oğlum var: Fərid və Səid. Fəridin on yeddi, Səidin isə on üç yaşı var.Vasif Əlihüseyn


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler