Musavat.az
Musavat.az




Müsavat » Xeberler» Xeber

QAT İlhan Aşkınla bağlı Prezidente müraciet etdi

25 Ekim 2016

5:20 am


25/10/2016 [09:18]: xeber –
sayt xəbər verir ki, Qarabağ Azadlıq Təşkilatının (QAT) sədri
Akif Nağı Hollandiyada çalışan tanınmış diaspor fəalı İlhan Aşkına qarşı
törədilən erməni təxribatları, ona divan tutmaq cəhdləri ilə bağlı prezident
İlham Əliyevə müraciət göndərib. Müraciətdə göstərilir:

“Hollandiyada fəaliyyət
göstərən Azərbaycan Türk Mədəniyyət Dərnəyinin rəhbəri, tanınmış diaspor fəalı
İlhan Aşkının erməni təxribatları nəticəsində düşdüyü ağır vəziyyətlə bağlı Sizə
müraciət edirik. İlhan Aşkın illərdir ki, Hollandiyada, bütün Avropada Azərbaycanın
haqq işi uğrunda mübarizə aparır, Azərbaycan, Qarabağ həqiqətlərini təbliğ
edir, erməni saxtakarlıqlarına qarşı fədakarlıqla mücadilə edir. Məhz bu işlərinə
görə o, həmişə ermənilərin hədəfində olub, çox əziyyətlər çəkib, indi də ermənilərin
təzyiqlərinə və təxribatlarına məruz qalıb. O, 2014-cü ildə ermənilərin
Hollandiyada qondarma “erməni soyqırımı” abidəsini açmaq cəhdinə qarşı çıxıb,
mitinqlərin birində ermənilərin özlərinin azərbaycanlılara qarşı soyqırım törətdiklərini,
bu cinayətlərə görə cavab verəcəklərini, Qarabağ torpaqlarının “onlara məzar
olacağını” deyib. Ermənilər iki ildir ki, bu sözlərə görə ondan əl çəkmir, özünə
və ailəsinə qarşı təzyiq və təhdidlər törədir, indi isə ona qarşı cinayət
işinin açılmasına nail olublar. 2016-cı il dekabrın 6-da Hollandiyanın Almelo şəhərində
onun üzərində məhkəmə qurulacaq, ona 2 il həbs cəzasının və ya 20 min avro pul
cəzasının veriləcəyi gözlənilir. Onun həm dövlət, həm də cəmiyyət səviyyəsində
ciddi dəstəyə ehtiyacı var. O, özünü tək, yalqız, köməksiz hiss etməməlidir.
Onun Azərbaycanın Diaspor Komitəsinin, səfirliyimizin köməyinə ehtiyacı var.
Ona Azərbaycandan, Türkiyədən, həmçinin Hollandiyada vəkillərin tutulmasına
ehtiyac var. Onun mənəvi dəstəyə də ciddi ehtiyacı var. O, bu ağır duruma Azərbaycanın
maraqlarını, haqq işini müdafiə etdiyinə görə düşüb, ona görə də Azərbaycan onu
hərtərəfli müdafə etməlidir. İnanırıq ki, bu məsələyə müdaxilə edəcək, lazımi tədbirlərin
görülməsi üçün uyğun tapşırıqlarınızı verəcəksiniz. Əvvəlcədən təşəkkürümüzü
bildiririk”.

 


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler