Musavat.az
Musavat.az




Müsavat » Xeberler» Xeber

“Qarabağı qaytarın, yoxsa…” – Ermenilerin ikinci aprel qorxusu

05 Eylül 2016

5:28 pm


05/09/2016 [21:26]: xeber –
Dağlıq Qarabağ münaqişəsinin həll olunması ilə bağlı aparılan danışıqlarda səngimələrin olması ermənilərin qorxularına səbəb olub. Erməni politoloq David Ovannisyan Qarabağın qaytarılmasında müharibə variantının yenidən gündəmə gələ biləcəyini hesab edir. “Bütün beynəlxalq oyunçuların diqqəti yenidən Suriyada cəmləşib və bu Qarabağ ətrafındakı vəziyyəti ikinci plana salır. Belə olan təqdirdə biz ikinci “dördgünlük müharibə” ilə qarşılaşa bilərik. Hansı ki, sürətli hücum Ermənistan ordusunun və daxili siyasətinin boşluqlarla dolu olduğunu göstərdi. Ermənistan daxilindəki vəziyyət Azərbaycanın xeyrinədir. Digər tərəfdən, Qarabağla bağlı danışıqların dayanması da Ermənistanın zərərinə işləyir”, – deyə o bildirib. Erməni politoloq dolayısı ilə ərazilərin qaytarılması ilə bağlı danışıqların davam etdirilməsinin vacibliyini qeyd edib. Əks təqdirdə o, yeni müharibə ilə üz-üzə qalacaqlarını, bu dəfə itkilərin daha böyük olacağını vurğulayıb. Qeyd edək ki, apreldə “dördgünlük müharibə”dən sonra erməni ictimaiyyəti Dağlıq Qarabağ münaqişəsinin tezliklə həll olunmasının tərəfdarı kimi çıxış edir. Rəsmi İrəvan bunun əksini sübut etməyə çalışsa da, Ermənistanda “Region” tədqiqatlar mərkəzinin direktoru Laura Baqdasaryan bunun əksini ortaya çıxarıb. Ötən həftə erməni mediasına açıqlama verən Laura Baqdasaryan  erməni cəmiyyətinin Qarabağla bağlı güzəştə hazır olduğunu deyib. (http://publika.az/p/148349). Onun sözlərinə görə, Qarabağ məsələsi erməni cəmiyyəti üçün dördüncü, beşinci yerdə idi: “Əsas diqqət həmişə daxili problemlərə yönəlmişdi. Aprel döyüşlərindən sonra isə cəmiyyət ordudakı səhvlərdən danışmağa başladı. İnsanlar anladılar ki, Qarabağda baş verən hər-hansı hadisə Ermənistan üçün itkidir. Cəmiyyət Qarabağ münaqişəsinin nizama salınmasının mümkün variantlarını müzakirə etməyə başladı”. L. Baqdasaryan hesab edir ki, hazırda erməni cəmiyyəti müharibədə döyüşməmək üçün Qarabağı güzəştə getməyə razıdır.(Publika.az)


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler