Musavat.az
Musavat.az




Müsavat » Xeberler» Xeber

“Qanuni hakimiyyeti herbi yolla devirmek cehdi yolverilmezdir”

16 Temmuz 2016

6:40 am


16/07/2016 [10:39]: xeber –
Millət vəkili Vahid Əhmədov sayt-a açıqlamasında Türkiyədəki hərbi çevriliş cəhdinə münasibət
bildirib. Bir qrup hərbçinin qanuni hakimiyyəti zorakı yolla devirmək təşəbbüsünü
qınayan V.Əhmədov, bunun Türkiyə dövlət və xalqının maraqlarına cavab vermədiyini,
yerli və beynəlxalq hüquqa zidd olduğunub ildirdi:

“Təbii ki, dünyanın
harasında olmasından asılı olmayaraq, qanuni hakimiyyəti hərbi yolla devirmək cəhdi
yolverilməzdir. Söhbət Türkiyədən gedirsə, bu, Azərbaycan üçün daha həssas bir
məsələdir və ikiqat önəm kəsb edir. Türkiyədəki mövcud hakimiyyət seçki yolu ilə,
türk xalqının iradəsi əsasında formalaşan hakimiyyətdir və bu hakimiyyətə qarşı
gəlmək türk xalqının iradəsinə qarşı çıxmaq deməkdir. Xalqın iradəsinə, xalqın
seçiminə qarşı çıxan qüvvələrin isə hansı aqibətlə üzləşdiyini elə Türkiyə
nümunəsi əsasında görmək mümkündür.

Demokratik hakimiyyətlərə
qarşı silahlı çevriliş cəhdi yerli və beynəlxalq hüquqa da zidd olan bir
addımdır və özündə ciddi məsuliyyət ehtiva edir.

Hesab edirəm ki, Türkiyənin
hüquq sistemi baş verən bu hadisəni ətraflı şəkildə araşdıracaq və hərbi
çevriliş cəhdinin təşəbbüskarları öz layiqli cəzalarını alacaqdır.

Azərbaycan hər zaman türk
xalqının, türk dövlətinin yanındadır və Türkiyənin, türk xalqının maraqlarına
zidd olan heç bir addım ölkəmiz tərəfindən əsla və əsla təqdir edilə bilməz.
Ümid edirəm ki, Türkiyədəki məlum təbəddülatlar tezliklə sakitləşəcək və türk
xalqı qısa zamnda öz dinc, normal yaşamına qayıdacaqdır”.

 

Seymur Əliyev 




Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler