Musavat.az
Musavat.az




Müsavat » Xeberler» Xeber

“Qadın mütleq öldürülmelidir?”

01 Kasım 2016

9:12 am


01/11/2016 [13:08]: xeber –
Xəbər verdiyimiz kimi, dünən “Təmiz Dünya” Qadınlara Yardım İctimai Birliyinin tərəfindən sosial şəbəkədə “Qadın qətillərinə son” şüarı ilə aksiya keçirildi. Mehriban Zeynalova sayta aksiyanın nəticəsi və bundan sonra bu istiqamətdə görəcəkləri işlər barədə məlumat verib. M.Zeynalova aksiyanın uğurlu alındığını deyib: “Dünən feysbukda keçirdiyimiz “Qadın qətillərinə son” aksiyası uğurla başa çatdı. Dəstək verən hər kəsə dərin təşəkkürümü bildirirəm. Doğrusu, aksiyaya gülən də oldu, ələ salan da, hətta bir az uzağa gedib bizi satqınlıqda ittihama istiqamətləndirmək istəyən də. Ciddi qəbul edib dəstək verən də…. Ola bilər kənardan çox gülünc və mənasız görünürdü. Axı öldürülənlər bizim nə tanışımız, nə də qohumlarımızdı. Kimlərsə düşünə bilər ki, QHT bekarçılıqdan bu aksiyanı keçirir. Mütləq hansısa maddi marağı var… çox təəssüflənirəm. Çünki hər gün də olmasa, həftə ərzində bir qadının qəddarcasına ölüdürülmə xəbərini oxuyuruq. Bu ölümlərin əksəriyyəti uşaqların gözü qarşısında olur. Əminəm ki, bizə gülənlər bu məlumatları oxuyur, eşidir bəzən haqsızlığa qarşı bizdən də kəskin hiddətlənirlər. Bəs səbəb nədir? Qadın bu qədərmi günahkardı? Bütün günahların səbəbkarı qadındımı? Mütləqmi öldürülməlidir qadın?..”.Mehriban xanım onu da vurğulayıb ki, keçirdikləri aksiyanın məqsədi heç də kişiləri qınamaq olmayıb:“Biz Azərbaycan kişisini qətiyyən aşağılamaq, öldürmək və ya qınamaq fikrində də deyilik. Çünki, biz oğullarımızı, qardaşlarımızı, həyat yoldaşlarımızı, atalarımızı aşağılasaq, özümüzdə eyni vəziyyətdə görünərik. Biz bunu gözəl anlayırıq. Biz sadəcə zorakılıqdan zorakılıq törəndiyinin fərqindəyik! Biz məsələlərin sivil və qanuni yolla həllini istəyirik! Biz qanunvericiliyin sərtləşməsi və bu məslələrdə məsul şəxslərin öz işinə məsuliyyətli yanaşmasını istəyirik. Niyə zorakılıq törədən kişi üçün məcburi psixoloji reabilitasya mərkəzi olmamalıdır? Niyə zorakılığa rəvac verib kişini qıcıqlandıran qadın məcburi psixoloji yardımı almamalıdır? Niyə aya min ailə boşanmalıdır? Boşanan qadınların hansı çətinliklərlə üzləşdiyini bilməmiş olmazsız. Alimentin ölkə səviyyəsəsində problemə çevrilməsindən xəbərsiz olmazsız. Niyə hökumət Aliment fondu yaratmalıdır? Mentalitet deyirsiz… Bəs hanı o menatiltet ki, orda kişi qadının ən birinci müdafiəçisidir? Biz köhnə sterotiplərin aradan qalxmasını sivil cəmiyyət qurulmasını istəyirik. Yəni bu beləmi gülüncdür? M.Zeynalova sonda onu da bildirib ki, İnsan Haqları üzrə birgə İşçi Qrupunun həmsədri Fuad Ələskərova müraciət hazırlayırlar: “Bütün bu məsələlərin həlli üçün isə İnsan Haqları üzrə birgə İşçi Qrupunun həmsədri cənab Fuad Ələskərova müraciət hazırlayıb imza toplayırıq. Müraciəti imzalamaq istəyənlər üçün açıqdır. Hər kəsə bir daha təşəkkürmüzü bildiririk”.Rumiyyə


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler