Musavat.az
Musavat.az




Müsavat » Xeberler» Xeber

Qaçırılan qızların sonrakı taleyi…

02 Eylül 2016

6:40 pm


02/09/2016 [22:39]: xeber –
“Qadın elə bir mövzudur ki, onu nə qədər araşdırsan araşdır hər vaxt yenidir .(Tolstoy)” Hər vaxt yeni olan qadın mövzusu son zamanlar ölkə mediasında aləmi bir – birinə qatdı. Özünü asan gənc qızlar, qaçırılan azyaşlı qızlar kimi. Azyaşlıların qaçırılması ilə bağlı şikayət də verildi, polis onları tapdı evlərinə qaytardı. Amma, məni düşündürən qaçırılan qızların sonrakı taleyidi. Şəhərə baxmayın burda heç kim – heç kimi tanımır, amma kənd belə deyil: dişini qurtdaladın bütün rayon biləcək.Yadımdadı tanıdığım bir qız var idi və bir dəfə evlərinə oğru girmişdi. Hadisəyə səbəb isə qızın əmisi olub. Qızın əmisi evə girən oğru gədənin bacısını istəyib və bir neçə dəfə görüşə də çıxıblar. Şəhər yerinə baxmayın, kənd yerində qızı görüşə çıxarmağa pis baxırlar. Yəni qız oğlanla görüşübsə, bunu kimsə bilsə o, qızı heç kim alası deyil. Gərək görüşən özü evlənə qızla. Qızın əmisi də qızı almaqdan imtina edib. Bunu eşidən qardaşı deyib ki, mən də onun qardaşı qızından qisas alaram. Səhər durub gözləyib və qızın anası bazara gedən kimi, oğlan gedib soxulub bunlara.Qıza hücum edən gədə görüb ki, qızla bacara bilmir əlini atıb qıza bıçaq çıxarıb ki, qışqırsan başını kəsəcəm. Amma, qız buna da məhəl qoymayıb. Bıçağı oğlanın əlində elə tutub ki, yazıq qızın əli ortadan iki bölünüb. Səsə qonşular tökülüb və gədəni qovublar. Qızı da maşına qoyub xəstəxanaya çatdırıblar ki, əlini tikdisinlər.Üstdündən bir neçə ay keçəndən sonra qızı istəyən bütün oğlanlar ondan üz döndərdilər. Yazıq qıza kim elçi gəlirdisə, kəndin yun didən arvadları elçilərin qabağın kəsib deyirdilər ki, onların evinə oğru girib o, qızdan uzaq durun. Beləcə gələn elçilərin ürəyinə qara salıb geri qaytarırdılar. Yazıq qız axırda ailəsi ilə xaricə köçdü və orda elə öz soydaşımızla ailə qurdu. Demək istədiyim budur ki, cəmiyyətin düşüncə tərzi belədir. Evlərinə oğru girən qız tək başına nə etməli idi? Hansı ki, öz namusunu qorumaq üçün əli bıçaqlı adamla döyüşüb. Heç olmasa biz ona dəstək olaq.Bu yaxında Cəlilabadda on yeddi yaşında bir qızı və sonra on beş yaşlı daha bir qızı qaçırdılar. Bir gecə oğlanla qız gizlənəndən sonra polis onları tapdı. Qızları öz ailəsinə qaytardı. Hərə öz uşağını müdafiə etdi. Polis heç kimi həbs edə bilmədi. Daş elə o, qaçırılan qızların başına düşdü. Qaçırılan nişanlı qızı nişanlısı yenidən qəbul edəcəkmi?! Və ya qaçırılan on beş yaşlı qızın sonrakı taleyi necə olacaq?! Əminliklə deyə bilərəm ki, bu qızların da taleyini evlərinə oğru girən qızın taleyi gözləyir.Bu da bizim cəmiyyətimizin qadına verdiyi qiymət.Vasif ƏlihüseynVasif Əlihüseyn – yazarın arxivi


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler