Musavat.az
Musavat.az




Müsavat » Xeberler» Xeber

Putin MQB-NKVD yaradır?

21 Eylül 2016

3:00 pm


21/09/2016 [19:00]: xeber –
Təxminən 19 sentyabrdan
dünya kütləvi informasiya vasitələri “Kommersant” qəzetinə əsaslanaraq belə bir
xəbər yaydı ki, Rusiya prezidenti Putin FTX-nın adında və daxili
strukturlarında dəyişiklik etməyə qərar verib və tezliklə Rusiya xüsusi xidmət
orqanının adı MQB-yəni Dövlət təhlükəsizliyi Nazirliyi adlanacaq. ÇK kimi yaranmış
bu təşkilat SSRİ zamanında 11 dəfə, sonra isə iki dəfə adını dəyişib. Nədən
Rusiya dövlət başçısı bu qərara gəldi? 1946-cı ildən 1953-cü ilə kimi SSRİ
xüsusi xidmət orqanı MQB( DTN) adı altında fəaliyyət göstərib və bu illərdə
kütləvi repressiya, güllələmə, total nəzarət, sürgünlərlə məşğul olub. Bu üç hərfin
doğurduğu assossasiya hələ də insanlarda xof, qorxu yaradır. Cəmiyyət tam nəzarətdə
olduğunu şüuraltı dərk edir. Bu məsələnin psixoloji tərəfidir.

Təhlükəsizlik özündə bir
sıra məfhumları birləşdirir və adətən totalitar, avtoritar rejimlərə xas olaraq
onları bir təşkilatda cəm edirlər. Putin də köhnə dövrə qayıdaraq Xarici Kəşfiyyat
Xidmətini , Federal Mühafizə Xidmətini bir çətir altına yığmaq istəyir. 2018-ci
il seçkilərinə qədər Xarici Kəşfiyyat Xidmətini və Federal Mühafizə Xidmətinin əsas
strukturları MQB-nin tərkibində fəaliyyət göstərəcəyi nəzərdə tutulub.
Rusiyanın qismən azad mətbuatı və liberal müxalif mövqeli ekspertlər, eyni
zamanda kəskin müxalif nümayəndələr bu addımı “ÖLKƏNİN PUTİNLƏŞMƏSİ” kimi dəyərləndirir.
Putin billur arzusunun SSRİ-ni bərpa etməsi olduğunu gizlətmir və coğrafi
baxımdan buna hələlik (!) nail olmasa da, Rusiya daxilində bəzi atributları-
SSRİ himninin musiqisini, ”Vremya” proqramının adının və proqramın giriş – son
musiqi tərtibatının sovet dövründə olduğu kimi bərpa etməsi ,az qala bütün
çıxışlarında SSRİ-nin dağılmasını “faciə“ adlandırması ,indi də KQB zamanında
olduğu kimi MQB-ni yaratması planı Rusiya prezidentinin hansı “ideallarla”
yaşadığının göstəricisidi. Əlbəttə, Putin bu arzusuna çatması üçün ilk növbədə
şəxsi hakimiyyətini möhkəmlətmək istiqamətində Rusiya cəmiyyətini tam nəzarətə götürmək,
başqa cür düşünənləri zamanında zərərsizləşdirmək, keçmiş 5-ci şöbəni bərpa
edib ziyalıları, jurnalistləri satın almaq, hakimiyyətdaxili “satqınları” ifşa
etmək vəzifəsini həyata keçirməyi planlaşdırır.Bütün avtoritarlara və
diktatorlara xas olaraq həmişə təhlükə gözləyən Putin məhz köhnə strukturu bərpa
edir ki, başını qaldıran, etiraz edən olmasın. Perspektivdə Cinayət Məcəlləssinə
“antiPutin təbliğat və təşviqata görə” (SSRİ-dəki “antisovet təbliğat və təşviqat”
maddəsi kimi) maddə əlavə olunsa heç şaşırmayın. Bu yaxınlarda yaradılmış Milli
Qvardiya daxildə jandarm rolunu oynayacaq. İstintaq Komitəsinin ləğvi, DİN –in
apardığı işlərə həm əməliyyat, həm prossesual nəzarət qaydasının MQB-yə verilməsi
hakimiyyətdaxili satqınları zərərsizləşdirməyə hesablanıb. Sergey İvanovun
,Viktor İvanovun işdən azad edilməsi ” islahatın” başlanğıcı sayıla bilər.
Bütün bu total nəzarət sisteminin, aparatının yenidən rekonstruksiyası bir rus
ekspertin dediyi kimi” hakimiyyətin gərgin psixoloji durumundan , sabaha inamsızlığından
yaranır”. Putin öz idarəetmə sistemini keçmiş sovet respublikalarında da tətbiq
etməyi, bu yolda patriarx məsləhətlərini verməyi çox vaxt reallaşdıra bilib.Son
”islahatları”nın da tətbiqi üçün addımlar atacağı şübhə doğurmur. Rusların
yaxşı bir misalı var “ Pis nümunə həmişə yolxucu olur”.

Yoluxmamaq
ümidilə – İLHAM İSMAYIL


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler