Musavat.az
Musavat.az




Müsavat » Xeberler» Xeber

Professordan refernedum sorğusu – İlginc neticeler…

29 Ağustos 2016

6:12 pm


29/08/2016 [22:11]: xeber –
Müstəqil ekspertlərdən ibarət qrup yaratmışam. Ekspert qrupumuz Bakının Binəqədi rayonu ərazisində, Sumqayıt şəhərində daş bazarı deyilən ərazidə, onun yaxın ətrafında və digər ərazilərdə 85%-i fəhlə(1993 nəfər), 10%-i gənclər (234 nəfər), 5%-i isə pensiyaçı (118 nəfər) olan 2345 respondent arasında sorğu apardı. Sorğuda aşağıdakı sualları qoymuşduq: 1.Sentyabr ayının 26-da xalqımız ellikcə dövlətin keçirdiyi mühüm bir tədbirdə iştirak edəcək. Bu tədbirin adı nədir? 2.Referendumda iştirak edəcəksinizmi? 3.Referendum respublikamıza nə verəcək? 1-ci suala cavab olaraq rəyi soruşulanların 90%-i sentyabrın 26-da respublikamızda referendum keçiriləcəyini dedilər. 6% nə keçiriləcəyi sualına cavab verə bilmədi. 2% sual verdi ki, prezident seçkilərimi keçiriləcək? 2% cavab verdi ki, deputat seçkiləri keçiriləcək. 1-ci sualın cavabından sonra onlara izah edilirdi ki, 26 sentyabrda respublikamızda referendum keçiriləcək.  2-ci suala cavab olaraq rəyi soruşulanların 71%-i referendumda iştirak edəcəklərini bildirdilər. 15% respondent referenduma gəlməyəcəyini və indiyədək də heç bir seçkidə iştirak etmədiklərini dedilər. 14% respondent Konstitusiyamıza dəyişiklikləri öyrənəndən sonra referendumda iştirak edib-etməmək qərarı verəcəklərini bildirdilər. 3-cü suala cavab olaraq seçkiyə gəlmək istəyənlərin 45% dedi ki, referendum xalqımıza yaxşı yaşayış verəcək. Digərləri dedilər ki, əgər prezidentimiz məsləhət görübsə ki, referendum olsun, deməli belə yaxşıdır. 10% respondent dedi ki, mən İlham Əliyevə səs verəcəm. Digər maraqlı cavablar da oldu. Onlardan bəziləri belədir: 5% respondent dedi ki, Azərbaycanda sabitliyi və əmin-amanlığı qoruyan İlham Əliyevdir. Bizə əmin-amanlıq lazımdı. Mən İlham Əliyevə səs verəcəm. Respondentlərin bir çoxu bildirdi ki, onlar məmurlardan çox böyük zülümlər görüblər. Buna görə gərək referendumda iştirak etməsinlər. Onlar dedilər ki, referendumda yalnız İlham Əliyevin xətrinə iştirak edəcəklər. 57 respondent bildirdi ki, mən referendum bilmirəm. İştirak edəcəyəm və İlham Əliyevə səs verəcəm. 27 nəfər mənə dedi ki, mən referenduma getməyəcəkdim. Amma sizi kimi bir alim gəlibsə, mən referenduma gəlib səs verəcəm. Yekun olaraq qeyd etməliyik ki, inkişaf etmiş ölkələrin də hamısında çoxsaylı Konstitusiya dəyişikliklərinin mahiyyətini hamı yaxşı bilmir. Onlar mövcud iqtisadi vəziyyətə səs verirlər. Azərbaycanda isə vəziyyət xeyli dərəcədə fərqlidir. Millət bütün seçkilərdə məhz əmin-amanlığa və bu əmin-amanlığı yaradan İlham Əliyevə səs verir. Prof.Dr. Qüdrət İsaqov   


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler