Musavat.az
Musavat.az




Müsavat » Xeberler» Xeber

Professor Cefer Ceferov Rektoryanı Şuranın genişlendirilmiş iclasını keçirib

20 Temmuz 2016

1:12 pm


20/07/2016 [17:09]: xeber –
İyul ayının 20-də Azərbaycan Dövlət Pedaqoji Universitetinin (ADPU) rektoru, professor Cəfər Cəfərov Rektoryanı Şuranın genişləndirilmiş iclasını keçirib. Rektoryanı Şuranın iclasında ADPU-nun prorektorları, fakültə dekanları, və kafedra müdirləri iştirak ediblər.ADPU–nun rektoru, professor Cəfər Cəfərov Rektoryanı Şuranın iclasını giriş sözü ilə açaraq bildirib ki, iclasın keçirilməsində məqsəd yeni tədris ilinə hazırlıqla bağlı qarşıda duran vəzifələri müəyyən etməkdir. Rektor Cəfər Cəfərov qeyd edib ki, belə toplantılar bizim vahid strategiyamızın müəyyənləşməsində mühüm rol oynayır. Bizim strateji hədəfimiz isə universitetdə şəffaf və obyektiv təhsil mühiti yaratmaq, tədrisin keyfiyyətini yüksəltmək, idarəetmənin daha çevik və səmərəli formalarını tətbiq etmək, bir sözlə, müasir dövrün tələblərinə uyğun fəaliyyət göstərməkdir.Tədris işləri üzrə prorektor, professor Malik Cəbrayılov 2016-2017-ci tədris ili başlayanadək və eləcə də yeni tədris ilinin əvvəlində fakültələr qarşısında duran vəzifələrdən danışaraq bildirib ki, yay semestrində tələbə və müəllimlərin dərsə davamiyyətinə ciddi nəzarət edilməli, imtahan sualları tələbələrə vaxtında çatdırılmalı, fənnlər üzrə testlərin “İKT, Qiymətləndirmə və Monitorinq Mərkəzi”nin test bazasında yerləşdirilməsini dəqiqləşdirməli, imtahanqabağı ballar hesablanmalı və adıçəkilən Mərkəzə verilməli, imtahanın nəticələri tələbələrin şəxsi işinə qeyd edilməlidir. Yaz və yay imtahan sessiyalarında üzürlü səbəbdən imtahanda iştirak etməyən tələbələrin fərdi planları, fakültə üzrə dərs cədvəlləri tərtib və təsdiq edilməli, yeni qəbul olan tələbələrə kredit sisteminin Əsasnaməsi və digər məlumatlar çatdırılmalı, auditoriyaların dərsə hazırlıq vəziyyəti yoxlanılıb Rektorluğa məlumat verilməli, yeni qəbul olan tələbələrin qeydiyyatı aparılmalı, I tədris ilinin tələbələrinin və onların valideynlərinin universitetdə 15 Sentyabr-Bilik Günündə iştirakını təmin etməli, birləşmə və qrupları, qruplarda tələbələrin siyahısını dəqiqləşdirməli, I tədris ilinə qəbul olan tələbələrdən qəbul imtahanındaən yüksək nəticə göstərənlər sinif nümayəndələri təyin edilməli, əyani və qiyabi şöbələr üzrə kredit borcu olan tələbələrin alt qruplarda və ya müstəqil qruplarda dərs dinləmələri üçün təqdimatlar verilməlidir. Fakültələr həmçinin Təqaüd Komissiyasının yaradılması və qrup nümayəndələrin təyin edilməsi ilə bağlı, eləcə də I tədris ilinə qəbul olan tələbələrlə bağlı təqdimat verməli və onların öyrəndikləri xarici dilləri nəzərə almaqla müvafiq qruplara ayırmalı, müvəffəq qiymət alanların təqaüd almaları, xəstəliyi və ya kredit borcu ilə əlaqədar dövlət imtahanında iştirak etməyən və təhsil haqqından azad olunan tələbələrlə bağlı təqdimatlar verməlidirlər.Kafedralarda isə yeni tədris ili başlayanadək fakültənin dərs cədvəli ilə uyğun gəlmək şərtilə fənnlər üzrə dərs cədvəlləri tərtib edilməli, yeni tədris ilində qəbul planının dolması ilə bağlı dərs yükündə dəyişikliklər edilməli, sillabuslar yazılaraq təsdiq olunmalı, açıq dərslərin qrafiki tərtib edilməli, tələbələrin müstəqil işlərinin cədvəli müəyyənləşdirilməlidir.ADPU-nun Elmi işlər üzrə prorektoru, professor Asəf Zamanov iclasda çıxış edərək Təhsil naziri cənab Mikayıl Cabbarovun “Təhsil müəssilərində hazırlanan tədris vəsaitlərində plagiat halları ilə mübarizənin gücləndirilməsi haqqında” 5 iyul 2016-cı il tarixli 464 nömrəli əmrindən irəli gələn vəzifələri diqqətə çatdırıb. Prorektor Asəf Zamanov bildirib ki, Təhsil nazirinin bu əmrinə uyğun olaraq ADPU-nun rektoru, professor Cəfər Cəfərov müvafiq əmr imzalayıb. Həmin əmrdə göstərilir ki, ADPU-nun struktur bölmələrində hazırlanan tədris vəsaitlərinə (dərslik, dərs vəsaiti, metodik vəsait, tədris proqramı və s.) və elmi əsərlərə (elmi məqalə, dissertasiya işləri, monoqrafiya və s.) rəylərin hazırlanmasına tələblər gücləndirilməli, Elm və innovasiyalar şöbəsi Tədris-metodika şöbəsi ilə birgə tədbirlər planı, həmçinin təkliflər hazırlayıb rəhbərliyə təqdim etməli, qrif almaq üçün rəhbərliyə təqdim olunan tədris vəsaitlərinin və elmi əsərlərin formal müzakirələrinin qarşısı alınmalı, plagiat faktının təsdiqləndiyi bütün tədris vəsaitləri və elmi əsərlər tədris prosesindən, kitabxanalardan və satışdan çıxarılmalı, müəlliflərinin əmək müqavilələrinə xitam verilməlidir. Əmrdə eyni zamanda tədris və elmi işlər üzrə prorektorların müvafiq təkliflər hazırlayıbmütəmadi olaraq Rektora təqdim etmələri və bu əmrin icrası ilə əlaqədar məsələlərin həllinin müvafiq struktur bölmələrinə tapşırılması öz əksini tapıb. Professor Asəf Zamanov çıxışı zamanı bildirib ki, son vaxtlar ADPU-da beynəlxalq konfransların yüksək səviyyədə keçirilməsi üçün ciddi addımlar atılır. Belə ki, ADPU-nun və Özbəkistan Dünya Dilləri Universitetinin birgə təşkilatçılığı ilə “Xarici dillərin tədrisinin müasir problemləri” beynəlxalq elmi-praktik konfransın, həmçinin Birinci Türkoloji Qurultayın 90 illik yubileyi ilə əlaqədar beynəlxalq konfransın keçirilməsi nəzərdə tutulur. Professor A.Zamanov çıxışında həm də testlərin keyfiyyətinin təkmilləşdirilməsinin vacibliyini vurğulayıb.ADPU-nun Tərbiyə işləri üzrə prorektoru, professor Fikrət Rzayev iclasda çıxış edərək cari tədris ilində universitetə qəbul olan I tədris ili tələbələrinin qeydiyyatdan keçmələri ilə bağlı Sənəd Qəbulu Komissiyasının qarşısında dayanan vəzifələr və yeni tədris ili ərəfəsində görüləcək işlərdən danışıb. Prorektor F.Rzayev bildirib ki, sentyabr ayının 14-də bütün fakültələrdə I tədris ili tələbələri ilə tanışlıq görüşü keçiriləcək, onlara fakültənin strukturu, fəaliyyəti, tədris prosesi, dərs cədvəli, imtahan qaydaları haqqında məlumat veriləcək.ADPU-nun Tədris-metodika şöbəsinin müdiri, dosent Sənan Əliyev kafedraların və fakültələrin işinin təşkili və inkişaf etdirilməsi üçün təkliflərlə çıxış edib. Həmin təkliflərdə institusionallaşma, kafedra və fakültələrin əsasnamələrinin, iş planlarının hazırlanması və təsdiq edilməsi, kafedra və fakültələrin pasportunun hazırlanması, ayrı-ayrı ixtisaslarda tədrisin modul sistemi üzrə qurulması, professor-müəllim heyətinin peşəkarlıq səviyyəsinin yüksəldilməsi, bütün ixtisasların beynəlxalq akkreditasiyası, beynəlxalq tələbə mübadilə proqramlarında iştirakı, kafedra və fakültələrin konkret hədəfləri və gələcək inkişaf perspektivləri ilə bağlı mühüm məqamlar öz əksini tapıb.ADPU–nun rektoru, professor Cəfər Cəfərov iclasa yekun vuraraq bildirib ki, fakültə dekanlarına, kafedra müdirlərinə, struktur bölmələrinin rəhbərlərinə geniş səlahiyyətlərin verilməsi həm də onların üzərinə böyük məsuliyyət qoyur. Universitetdə tələbə-gənclərə qayğı və diqqət göstərilməli, vətəndaşların qəbulu zamanı subordinasiya gözlənilməlidir. Biz ölkə rəhbərliyinin bizim qarşımızdaqoyduğu vəzifələri uğurla həyata keçirməli, pedaqoji təhsili yeni formada təqdim etməliyik. Qarşımıza qoyduğumuz böyük hədəflərə çatmaq üçün hər birimiz öz fərdi məsuliyyətimizi dərindən anlamalı, nizam-intizamlı və təşəbbüskar olmalı, ADPU-nun əmlakını qorumalı, maliyyə vəsaiti itkisinə yol verməməli, bir sözlə, xalq, Vətən, dövlət üçün əzmlə çalışmalıyıq. İnanıram ki, biz birlikdə bu vəzifələrin öhdəsindən layiqincə gələcəyik.ADPU-nun Mətbuat və informasiya şöbəsi




Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler