Musavat.az
Musavat.az




Müsavat » Xeberler» Xeber

Professor Cefer Ceferov Filologiya fakültesinin kollektivi ile görüş keçirib

08 Ekim 2016

11:12 am


08/10/2016 [15:08]: xeber –
Azərbaycan Dövlət Pedaqoji Universitetinin (ADPU) rektoru, professor Cəfər Cəfərov oktyabr ayının 8-də universitetin Böyük Akt zalında Filologiya fakültəsinin kollektivi ilə görüş keçirib. Görüşdə Filologiya fakültəsinin kafedra müdirləri, elmi-tədqiqat laboratoriyalarının rəhbərləri, professor-müəllim, tədris-köməkçi heyəti və tələbələri iştirak ediblər. Görüşdə yeni tədris ilində qarşıda duran vəzifələr, təhsilin keyfiyyətinin yüksəldilməsi, idarəetmənin optimallaşdırılması, dərsə davamiyyət, tədris və imtahan prosesinin təşkili, kadr siyasəti, əmək intizamının möhkəmləndirilməsi və digər məsələlər müzakirə edilib. Görüşdə ADPU-nun İnzibati idarəetmə və tələbələrlə iş üzrə prorektoru, professor Fikrət Rzayev də iştirak edib.ADPU-nun rektoru, professor Cəfər Cəfərov görüşü giriş sözü ilə açaraq bildirib ki, mahiyyət və məzmun baxımından bu görüşü əvvəl keçirilən görüşlərin davamı kimi qiymətləndirmək olar. Belə görüşlərin keçirilməsi fikir mübadiləsinin aparılması, rəy və təkliflərin öyrənilməsi, əsas hədəflərin müəyyən edilməsi baxımından mühüm əhəmiyyət kəsb edir. Universitetin bütün fakültələrində belə görüşlərin keçirilməsi nəzərdə tutulur.Rektor qeyd edib ki, ADPU bizim böyük ailəmizdir. Hazırda ADPU-nun 5 filialı-Ağcabədi, Cəlilabad, Quba, Şəki və Şamaxı filialları var. Azərbaycan Dövlət Pedaqoji Kolleci (ADPK) də ADPU-nun nəzdində fəaliyyət göstərir. Bakı şəhərindəki Məmməd Rahim adına 7 nömrəli tam orta məktəb də 2016-2017-ci tədris ilindən ADPU-nun baza məktəbi kimi müəyyənləşib. Baş verən struktur dəyişiklikləri nəticəsində ADPU-nun fəaliyyət dairəsi genişlənib, professor-müəllim heyətinin və tələbə kollektivinin sayı xeyli artıb. Geniş şəbəkəyə malik ali təhsil müəssisəsi olan ADPU-da hazırda filiallar və Pedaqoji Kolleclə birlikdə təxminən 20 minə yaxın tələbə təhsil alır.Ölkə rəhbərliyi təhsilin, o cümlədən pedaqoji təhsilin keyfiyyətinin yaxşılaşdırılmasına və müəllim hazırlığına xüsusi diqqət yetirir. İslahatların aparılması, təhsilin keyfiyyətinin yüksəldilməsi və idarəetmənin optimallaşdırılması reallıqdan, həyatı zərurətdən irəli gələn vəzifələrdir. ADPU-nun fəaliyyəti həm də ölkənin milli təhlükəsizliyi ilə sıx bağlıdır. Bu mənada bizim üzərimizə böyük məsuliyyət düşür. Çünki biz pedaqoji kadrlar hazırlayırıq. Azərbaycan yeni inkişaf məlhələsinə qədəm qoyub. Biz müasir əmək bazarının tələblərinə cavab verən, rəqabətqabiliyyətli yüksəkixtisaslı kadrlar hazırlamalıyıq. Biz daim oxumalı, mütaliə etməli, çalışmalı, öz üzərimizdə işləməli, bilik, bacarıq və peşəkarlıq səviyyəmizi artırmalı, dünyanın müasir çağırışlarına uyğun şəkildə inkişaf etməliyik. Biz elmi-pedaqoji kadr potensialımızı yüksəltməli, universitetin maddi-texniki bazasını, informasiya-kommunikasiya təminatını gücləndirməli,beynəlxalq əlaqələrimizi genişləndirməliyik. Diferensial əməkhaqqının tətbiq edilməsi vacibdir. Çünki bu, professor-müəllim heyətinin fəaliyyətinin stimullaşdırılmasına və onların arasında rəqabətin güclənməsinə şərait yaradır.Filologiya fakültəsinin dekanı, professor Buludxan Xəlilov çıxış edərək görüşün keçirilməsinə görə ADPU-nun rektoru, professor Cəfər Cəfərova fakültənin kollektivi adından təşəkkür edib. Professor B.Xəlilov bildirib ki, ADPU-nun böyük fakültələrindən biri olan Filologiya fakültəsində hazırda 3 ixtisas üzrə-“Azərbaycan dili və ədəbiyyatı müəllimliyi”, “İngilis dili müəllimliyi”, “Fransız dili müəllimliyi” ixtisasları üzrə 1326 nəfər tələbə təhsil alır. Onlardan 1212 nəfər əyani şöbədə, 114 nəfər isə qiyabi şöbədə təhsil alır. Fakültədə 52 nəfər fəlsəfə doktoru, dosent, 25 nəfər elmlər doktoru, professor, 44 nəfər baş müəllim, 62 nəfər müəllim işləyir.Son 3 ayda fakültədə görülən işlər, həyata keçirilən tədbirlər barədə məlumat verən professor B.Xəlilov bildirib ki, fakültədə universitet rəhbərliyinin təhsilin keyfiyyətinin yüksəldilməsi, yeni, müasir və çevik idarəetmənin formalaşdırılması, elmi-tədqiqat laboratoriyalarının rentabelliyinin artırılması, elmi-tədris və metodik fəaliyyətin yaxşılaşdırılması, dərsliklərin, dərs vəsaitlərinin, metodik göstərişlərin, fənn proqramlarının, tədris planlarının yazılması, həmçinin daxili fəaliyyət qaydalarına əməl edilməsi, əmək intizamınının gücləndirilməsi, qabaqcıl beynəlxalq təcrübənin tətbiq edilməsi barədə imzaladığı müvafiq əmrlər, verilən göstəriş və tapşırıqlar fakültənin kollektivinə çatdırılıb, müzakirələr aparılıb və bunların həyata keçirilməsi istiqamətində mühüm işlər görülüb. Fakültədə tədris və elmi-tədqiqat işləri yanaşı aparılır. Universitetdə aparılan qismən əsaslı və cari təmir nəticəsində fakültənin auditoriya fonu yaxşılaşıb, tələbələrin yataqxana ilə təmin edilməsi və digər sosial problemlərinin həlli üçün tədbirlər həyata keçirilib.İşgüzar və səmərəli şəraitdə keçən görüşdə iştirakçıların fikir və təklifləri dinlənilib, sualları cavablandırılıb, müvafiq qərarlar qəbul edilib. Görüşün sonunda ADPU-nun rektoru, professor Cəfər Cəfərov fakültənin kollektivinə öz tapşırıq və tövsiyələrini verib.


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler