Musavat.az
Musavat.az




Müsavat » Xeberler» Xeber

Prezidentlerin bir neçe idman növünü bilmesi onlara ne qazandırır? FOTO/VİDEO

11 Ağustos 2016

5:40 pm


11/08/2016 [21:36]: xeber –
Politoloq Qabil Hüseynli: “Sağlam həyat tərzinə, orqanizmə malik olmaq hər bir insan, xüsusən də siyasətçilər üçün çox önəmlidir”.Avqustun 10-da İsmayıllı rayonunda “İSMA BİKES” velosiped istehsalı zavodunun açılışında iştirak edən prezident İlham Əliyev, zavodun istehsalı olan velosipedləri elə özü sürərək sınaqdan keçirib. Daha sonra prezident rayon ictimaiyyətinin nümayəndələri və zavodun  kollektivi ilə görüşüb.Ümumiyyətlə, ölkə başçısı İlham Əliyevin tez-tez müxtəlif  sahələrdə, xüsusən də idmanla bağlı  bacarıqlarını müşahidə edirik. Misal üçün, Qəbələdə “Tufan” Dağ-Xizək Yay-Qış İstirahət Kompleksinin birinci mərhələsinin açılışında iştirakı zamanı da prezident İlham Əliyev orada xizək sürmüş, kompleksin xizəksürmə meydanını sınaqdan keçirmişdi.Həmçinin 2012-ci ildə Soçidə Dağlıq Qarabağ danışıqları ilə bağlı prezidentlərin üçtərəfli görüşündən sonra, o zamankı Rusiya prezidenti Dmitri Medvedevlə İlham Əliyev Dağ Xizəksürmə Mərkəzində xizək sürmüşdülər. Mərkəzə Ermənistan prezidenti Serj Sarkisyan da daxil olsa da, xizəksürmə meydanında görünməmişdi. Hətta həmin zaman sosial şəbəkələrdə Sarkisyan gülüş obyektinə də çevrilmişdi.Prezident İlham Əliyev həmçinin üzgüçülük idman növünü də yüksək səviyyədə bacarır. Dövlət başçısı yüngül atletikanı, futbol oynamağı və sair idman növlərini də bacarır.   Bəs siyasətçilərin bu kimi məşğuliyyətləri onların siyasi imicinə hansı formada təsir edir? Bir neçə idman növü üzrə bacarıqlı olmaq, dövlət başçısı üçün hansı üstünlüyü verir? Bu, sadəcə bir PR-dı, yoxsa gerçəkdən idmana sevgi?Mövzu ilə bağlı “Yeni Müsavat”a danışan politoloq Qabil Hüseynli bildirib ki, bu cür hallar siyasətçiyə əlavə üstünlüklər gətirir:“Əvvəla, bütün bunlar ictimaiyyətdə onun sağlamlığı, sağlam təfəkkürə sahibliyi barədə fikirləri möhkəmləndirir. İnsanlar əmin olurlar ki, bu adam rəhbərliyi zamanı qərarları sağlam təfəkkürlə qəbul edir. Ona görə də fikir möhkəmlənir ki, bu cür liderlər çətin ki, qeyri-düzgün qərarlar qəbul etsinlər. Sağlam həyat tərzinə, orqanizmə malik olmaq hər bir insan, xüsusən də siyasətçilər üçün çox önəmli məsələdir. Onlar daha mürəkkəb işlə məşğul olurlar. Bu baxımdan, misal üçün, futbol oynamaq, üzgüçülüklə məşğul olmaq, velosiped sürmək, səhər vaxtı yüngül gimnastika ilə məşğul olmaq, insana, xüsusən də siyasətçiyə çox lazımlıdır. Bununla, qeyd etdiyim kimi, o, həm sağlamlığını qoruyur, həm də sağlam təfəkkürünün formalaşmasına yardımçı olur. Xəstə bədəndə xəstə, sağlam bədəndə isə sağlam ruh olar deyiblər. Bu səbəbdən də idmanla məşğul  olmaq siyasilərə böyük üstünlüklər gətirən haldır. Həmçinin onların imicinə də müsbət mənada xallar gətirir”.Politoloq tarixi liderlərin də bu kimi fəaliyyətlərinə toxunaraq qeyd edib ki, hələ qədim zamanlardan hökmdarların idmana diqqəti yüksək olub:“Qədimi şahlar, hökmdarlar üçün idman əsasən qılıncoynatma yarışları idi. Qədim dövrlərdə çox zaman müharibədə sərkərdələr, yaxud da padşahlar özləri birinci döyüşə girirdilər. Buna görə də onlar hər gün 2-3 saat qılıncoynatma, at sürməklə məşğul olurdular. XI əsrdən başlayaraq onlar atları üzərinə yalnız bir örtük salmaqla minirdilər. Bəllidir ki, yəhərsiz at minmək, örtüklə minməkdən xeyli asandır. Padşahlar məhz yəhərsiz minərək, bir növ özlərini döyüşə hazırlayırdılar. Osmanlı imperiyasının dövründə, eləcə də əksər qədim dövlətlərdə hökmdarlar, padşahlar müxtəlif bu kimi məsələlərdə özlərini sınayırdılar. O dövrdə hətta bəziləri çövkən oyunu ilə də məşğul olurdular. Qədim dövrdə idman padşahlara daha çox lazım olub. Çünki sərkərdə, padşah, ordunun başında duran adam dedikdə, bir növ Azərbaycan tarixində deyildiyi kimi Rüstəm Zala bənzər dəmir biləkli, azman cüssəli insanlar nəzərdə tutulurdu. Padşahların qılıncı bir qayda olaraq sıravilərin qılıncından həm böyük, həm də daha ağır olurdu. Buna görə də belə qılıncla döyüş aparmaq üçün ciddi təlim keçmiş qol tələb olunurdu. Yəni o dövrdə də siyasi qabiliyyətlə yanaşı, idmanla məşğul olanlar daha sağlam həyata, təfəkkürə sahib olurdular”.


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler